قلت اقول مشكلتى .. يمكن الاقي حل .. او يمكن على الاقل حد يواسيني بلي انا فيه ..
انا بنت عمري 19 سنه .. وعايشه في جو عائلي جميل جدا .. وكل واحد فينا قلب على الثاني .. وتربيت انه الشور شور اهليه قبل اي شي ..
وانا اماراتيه بس امي من مصر .. ومتعودين من ايام واحنا صغار انه كل سنه نروح مصر نزور خوالنا واهلنا الي هناك المهم انا خالتيه مربيه ايتام .. الايتام هذيله اولاد ربيعتها .. وجيران بنفس الوقت .. وكانت هيه اقرب الناس لهم بعد وفاة ولدتهم .. وخاصة انه خالتيه ما عندها عيااال.. وكانت وايد تحبهم ..
المهم وانا كنت اروح مصر .. كنت اشوف واحد من هالاولاد الايتام مهتم فيني كان وايد يخاف عليه .. ولو طلعت مكان مع واحده من البنات .. كان يدور عليه في كل مكااان من خوفه عليه .. المهم يعني علشان ما اطول عليكم حصل اعجاب وبعدين حب .. وهذا طبعا من واحنا صغاار … بس الحب كبر على الرغم من طفولتنا .. كان حب برئ .. المهم هو كبر ابوي ياابه الامارات والحين يشتغل في الامارات .. وبعد سنتين من شغله في الامارات خطبنى من ابويه .. بس امي كانت رافضه على اساسا ما التبهدل بعدين في المستقبل .. مع انه ابوي كان يشوفه زين وطيب ويصلي الوقت بوقته .. لكن بنفس الوقت يقول كيف هيه مواطنه وهو مصري .. المهم امي كلمتنى وقالتلي وفهمتنى .. على اساس انه هو ما يناسبنى .. انا من طعت امي وقلتلها خلاص الي تشوفينه .. وانا اساسا ما كنت اقدر اقول اريده واحبه لاني الستحي اقول هالكلام قدام اهلي .. بس من داخلي زعل الدنيا كلها … كنت اصيح كل يوم قبل لا انام .. وكنت اضحك واسولف قدام اهلي علشان بس ما يحسو بالي داخلي .. يا ناااس لو انا شفت هالانسان قبل لا اكبر ما كنت فكرت فيه واجبر نفسي انه ما يناسبني .. بس المشكله انا حبيته من وانا صغيره كنت ما اعرف شي في دنيا .. كبرت ولقيت حبه في قلبي ..
المهم هو كلمنى وقالي انا كلمت اهلك بس اهلك مش موافقين وجذيه .. فقتله لو تزعل مني بس طول ما اهلي مب موافقين انا مستحيل اوافق .. وهالكلام تقريبا من سنه ..
ومن خمس شهور تقريبا .. ياني معرس بس اماراتي يعني .. اهلي شافوه وانا وقالو عليه ما عليه كلام رياال واهله زينين وطيبين .. شافني وشفته وانا وافقت وهو وافق . وكتبنا الكتاب .. بس للاسف ما توقعت انه حظي يكون جذيه .. المهم بعد الملجه باسبوع طلعت كارفور مع امي وخواتي . وهو شافني هناك .. وانا اصلا ما التغشى ولا التنقب .. انا بس التحجب وطبعا عبايه . وحتى اني ما احط مكياج خير شر .. المهم هو شافني في كارفور مب متغشيه وحتشر عليه .. وياني وقالي تغشى لا الحين اللعن خيرج .. المهم انا يوم شفته خفت .. يعني انا كلمته تلفون من بعد الملجه غير مره واحده .. تغشيت وسكت وتحت الغشوه انا اصيح .. ويوم ركبت السياره قلت حج امي امي قالت ريلج ليش ما قلتيله شو يعيبك شو ما يعيبك .. المهم يوم وصلت البيت لقيته هناك .. وكان معصب عليه واايد .. وقالي لو شفتج مره ثانيه مب متغشيه توقعي اي شي ممكن يصير طبعا غير حركت ايده الكثيره وصوته العالي .. انصدمت فيه .. سكت وقلت صدقه .. قمت يوم اسير مكان التغشى .. بس كان وايد عصبى معاياا حرمني من الطلعات .. .. وقتله اوكي .. يوم كنت اريد اطلع اقوله اريد اطلع يقوولي لا ماشي طلعه .. اقعد وقوله حرام عندي حايه اريد اشتريها يقولي لو طلعتي بيج وبكسر ريلج.. سكت ما طلعت .. ويوم اقوله فليل على شي يقوم الصبح يقولي لا انا ما قلت جذيه .. والصدمه العوده ما يردني اكمل جامعه .. ومصمم اني ما اروح الجامعه .. اونه بحجة بنات الجامعه مب زينين .. وانا ماريد حرمتيه تروح الجامعه ويقولي ليش تروحين تدرسين وانتي اصلا ما بتشتغلين .. قتله كيف ما الشتغل .. يعني كل حياتنا هواش في هواش .. .. المهم يوم تلفوني يكون مشغول يحتشر ليش تلفونج مشغول منو تكلمين .. لو اتكلم معاه قدام اهلي يشتامني ويقولي روحي اي غرفه ثانيه .. وغير جذيه يقولي انا ما اريد زوجتي تمسك موبايل .. حياتنا صارت كلها حرب في حرب .. مب عارفه شو اسوي .. قلت حج اهلي .. واخويه كان بيتظارب معاه وقاله بنتنا وراها اهل . وطول ما هيه في بتينا مالك حق تحاسبها .. احنا الي نحاسبها بس يوم انها معانا .. زعل اسبوعين وما كلمنى ولا انا دقيتله .. بعد اسبوعين دقلي انتي عايبنج .. شتمنى وهزاني وقولتله بعد هاالكلام ما اريدك طلقني .. قالي تحلمين اطلقج بخليج معلقه .. قتله ما عاش من يعقلني .. لا انته ولا ميت واحد احسن عنك .. قالي بتشوفين.. وياني بعدها بخمس دقايق وصفني طراق على ويهي .. وهذا اخر ماصار .. من بعدها اصريت اني اطلق .. .. امي صراحه مب راضيه اني اطلق .. بس اخواني يوم اقولهم عن سوالفه بعد يقولولي اطلقي ورتاحي منه .. بس هو مب راضي يطلق .. وابوه يوم نقوله يقول انا مب رايم عليه . ونفس السالفه بنسبه لامه .. يوم نخبره عن سوالفه يقولون احنا مب رامين عليه ..
..
في داخلي اقووول وين الي كان يخاف عليه من كلمه تزعلني .. قلت تمنيت انه الله يعوضني بواحد زين … صج اني ما بلاقي احسن عنك .. بس كنت اريده زين .. وياخذ لو ربع من طبايعه .. بس للاسف ..
من زعلي ومن حزني اتصلت على الانسان الي كنت احبه .. ما صدق اني اكلمه .. واول شي قاله .. انتي سعيده مع جوزك .. فرحانه .. مبسوطه .. هو كويس .. ما عرفت شو ارد عليه .. قتله تتوقع لو هو زين كنت اتصلت عليك .. بكيت غصب عني .. وبكى معاى .. وقالي قولي الحمدلله على اي حال ..
شو اسوي .. تعبت .. بس بعد اقول الحمدلله
ما اعرف شو ارد عليج ..
صيحتيني ..
الله يفج كربتج و يهدي ريلج
خليت الرد للي اكبر و افهم مني
اختي صلي الاستخاره وشوفي ربج شو يريد لج ووكلي امرج لله والله يكون فعونج..اصعب شي هالنوعيه من الرياييل
الله يكون فعونج واكثري من الدعاء وربي يسر امورج ان شالله ياااارب
مالج الا ربج.. ادعي ربج وخاصه في وقت قيام الليل
واستغفريه واطلبي منه يفرج كربتج
ويالله يااا رب يفرج كربتج
حبيبتي هذا النذل مب على كيفه يعلقج في شي اسمه خلع
تروحين المحكمه وتقولين لهم اللي صاير ويطلقونج منه بالزين ولا بالغصب
صدق انه حيوان هذا وانتي عند اهلج جي سوا فيج
حبوبة
حاولي تصارحين امج باللي حبه قلبج
احس انج بتعيشين سعيده وياه
ماعليه بتقولين صعب لكن حاولي او كلمي حد من خواتج المقربات
وهو من صوبه خليه يكلم خالتج ويقول لها باللي بقلبه وخالتج من صوبها بتكلم امج بطريقتها
امج خايفة تتلعوزين مستقبلا
دام الولد يشتغل
وفوق هذا يحبج وبيصونج
ترى والله البيزات ماراح ترفع او تنزل شي
دام بينكم شي اسمه حب
استخيري بانج تكلمين احد وهو يكلم خالتج
وان شاء الله تسمعينا اخبار حلوه وتسر
ولاتقاطعينا ^^