خواتي انا حالياً مغتربة في لندن
عندي تمر
ابغي اسوي سويت تمر بسيط
وما ياخذ مقادير وايد ولا ياخذ وقت
لني طالبة و ما متفرغة وايد
المقادير المتوفرة عندي كالتالي:
حليب نستلة مركز محلى
ماي ورد
هيل
سكر
حليب
زبدة
جبن
خبز
بسكوت
يالله نبا نشوف ابداعات اياديكن
و تسلمون ما تقصرون مقدماً و الله ينول كل وحدة مرادها امين
شو أحلي عن البثيثه ماتطلب شي وتاخذ تمر زياده و مفيده في الجو البارد
ها شـــــــــــــــو رايـــــــــــــــــــــــــج ؟
كيكة التمر لذييييييييييييييييييييييييذه
للرفع
ما تقصرون
اعرف اسوي البثيثة بس سمن البلاد مثلا مب موجود عندي
نبا افكار اكثر
ما تقصرون
اعرف اسوي البثيثة بس سمن البلاد مثلا مب موجود عندي
نبا افكار اكثر
ودي كيس تمر + سمن عند المخبز الحديث .. يطلع النوى منه ويحطلج فيه مكسرات واشيا ثانيه و يكيسه بعد .. السعر بالكيلو .. يسويه حبات صغيره وينفع تودينه هديه حق حد .. الصراحه واايد حلو
اوووووه ماقريت انج في لندن! ههههههه ماعليه البنات بيستفيدون
بس ادلجي التمر وكسري بسكوت وكوريه واااااااايد لذيذ حطي زبده
فديتج انا عندي لج طريقة بسيطة جدا حق سويت للتمر
اتيبين التمر و تبطلين عنه الطعامة ماله
و تدلجينه … يعني تعجنينه بشوية زبدة لحد لما تاخذين قبضة في ايدج ما يلزق فيها التمر
المهم خليه على ينب
و ييبي شوية بسكوت انا متعودة اسوي بسكويت ماري واحد و نص تقريبا
اطحنه ناعم و اعينه بشوية زبدة بحيث انه لو خذتي قبضة منه و عصرتي عليها شوي بايدج البسكوت
يمسك و ما يفتت و يكون كتلة جامدة
اتيبين البسكوت و تبطنين فيه قاع الصينية و تضغطين عليه بايدج عشان يتساوى و ما يكون وايد سميك
و عقب اتيبين التمر و تحطينه فوقه و ترصينه عليه و بتكون الطبقة الثانية
و عقب اتيبين قوطي جبنة فيلادلفيا متوسط و تخلطينه مع ربع لين نص قوطي حليب مركز
في الخلاط و تصبينه على التمر
و تكونين من قبل مسخنة الفرن
و تخلين الحرارة منخفضة
و تحطين الصينية و ما تخلينها وايد
يا دوب خمس دقايق
بحيث لو مسكتي الصينية و هزيتيها يكون الجبن جامد و ما يتحرك
و عقب طلعيها من الفرن و خليها تبرد شوي و حطيها في الثلاجة لمدة ساعتين
و كل ما طالت المدة كل ما كانت احسن
و قطعيها و حطيها في الكاسات الورق اللي يسوون فيها الكب كيك
و لو بغيتي ترشين عليها مكسرات او شوية نيسكافيه بعد زين
بس انا احبها جي سادة من دون شي عليها
و حلاتها مع القهوة ^_^
اتيبين التمر و تبطلين عنه الطعامة ماله
و تدلجينه … يعني تعجنينه بشوية زبدة لحد لما تاخذين قبضة في ايدج ما يلزق فيها التمر
المهم خليه على ينب
و ييبي شوية بسكوت انا متعودة اسوي بسكويت ماري واحد و نص تقريبا
اطحنه ناعم و اعينه بشوية زبدة بحيث انه لو خذتي قبضة منه و عصرتي عليها شوي بايدج البسكوت
يمسك و ما يفتت و يكون كتلة جامدة
اتيبين البسكوت و تبطنين فيه قاع الصينية و تضغطين عليه بايدج عشان يتساوى و ما يكون وايد سميك
و عقب اتيبين التمر و تحطينه فوقه و ترصينه عليه و بتكون الطبقة الثانية
و عقب اتيبين قوطي جبنة فيلادلفيا متوسط و تخلطينه مع ربع لين نص قوطي حليب مركز
في الخلاط و تصبينه على التمر
و تكونين من قبل مسخنة الفرن
و تخلين الحرارة منخفضة
و تحطين الصينية و ما تخلينها وايد
يا دوب خمس دقايق
بحيث لو مسكتي الصينية و هزيتيها يكون الجبن جامد و ما يتحرك
و عقب طلعيها من الفرن و خليها تبرد شوي و حطيها في الثلاجة لمدة ساعتين
و كل ما طالت المدة كل ما كانت احسن
و قطعيها و حطيها في الكاسات الورق اللي يسوون فيها الكب كيك
و لو بغيتي ترشين عليها مكسرات او شوية نيسكافيه بعد زين
بس انا احبها جي سادة من دون شي عليها
و حلاتها مع القهوة ^_^