مرحبا خواتي
اليوم بحط لكم طريقة الخروشت سبزي باللحم وهو طبق ايراني
نبدا بسم الله
المقادير : لحم مقطع بدون عظم +خضرة عبارة عن حزمة بقدونس + حزمة بقل +كيس سبانخ+ نصف حزمة كزبرة +نصف حزمة شبنت + بصل + ليموون اسود+معجون طماطم + ماي +زيت +بهارات وكركم + علبه فاصوليا حمره
الطريقة :
نسلق اللحم ونصفيه من الماي
وفي جدر ثاني نحط شوي زيت ونحمر البصل فيه بعد مايحمر البصل شوي نضيف اللحم ونقلب اشوي
ونضيف الملح والكركم وشوي بهارات ونقلب والليمون الاسود ويترك اشوي وبعدين انضيف الصلصة ونصب الماي وانخليه يطبخ على نار هادية وشوفو الصور
اهني اللحم بعد السلق
بعد ما اضفنا البهارات والصلصة واليمون الاسود وانصب الماي عالخلطة
واهني بعد ما ضفنا الخضرة
وهني بعد ما ضفنا الفاصوليا
وهني خلصنا ونجبنا الغدا
العيش الابيض
وعليـــكم بالعآفــيه … وان شاء الله عيبتكم الاكله …
ويعطييج العافيه
تسلمين عالوصفه