صلاة الفجر الله يبارك فيكن 2024.

السلام عليكم ورحمة الله وبركاته
خواتي في الله كيف حالكن اتمنى انكن في احسن حال
المهم بغيت منكن انكن تعطني طريقة عشان اقوم لصلاة الفجر والله قلبي يعورني اقوم مرات الساعة 6 ومرات الساعة 6ونص ومرات تخيلن 7 وقسمن بالله اقوم متلومه
وخاااااااااااااااااااااطري من متى اني اقوم الليل
نفسي ان الله يرضى عني.
وخاطري اني اكلمه بس مشكلتي اني ارقد متاخر واليوم اقول بنام من وقت.
دعواتكن لي في صلاتكن.

اختي لو تخلين حــد من أهلج يدق لج وقت صلاة الفجر
وانتي حطي التيلفون على خاصة العام عشان تسمعينه

وان شاءالله تصلين الفـــير في وقته

فديتج والله المشكلة أن البيت كله معتمد علي في توعيت صلاة الفير.
بس ماعليه ناويه نية اليوم بإذن الله.
بس دعواتكن

أهم شي انج ترقدين من وقت .. عشان تقدرين تنشييين بنشاط
وحاولي ماتثجلين في الأكل قبل الرقاد على طول لأن أحيانا من التخمة الرقاد يصير ثجيييل >.<
وعزمي النية فانج تنشيين …….
وضبطيلج أكثر عن منبه لو انتي من النوع اللي تبندين المنبه بدون لا تحسين… وحطي المنبه بعيد عنج شوي

أول فترة يمكن تكون صععبة بس من تتعودين بتنشين بنشاط ^_^

>> اللهم أعنا على ذكرك وشكرك وحسن عبادتك <<
والله يقدرنا كلنا ع نشة الفير =)

اختي انا بنصحج بنصيحة وان شاء الله تفيدج انا كنت مثلج احط المنبه مال الفون عسب انش الفير لاسف اقوم ابنده وارقد لكن اخر شي اكتشفت طريقه حلوة رحت وشريت ساعه منبه ووقتها على وقت الصلاه بالضبط طبعا انا نومي من النوع الخفيف يعني اي شي اسمعه ممكن انش عليه المهم قمت وحطيت المنبه بعيد عني بحيث اني يوم اسمعه اظطر اقوم ابنده وبالمرة اروح اصلي دام اني نشيت والحمد لله من يومها وانا اصلي صلاتي في وقتها شوفي اختي هو اصعب لحظة يوم انج تقاومين النوم وتتشجعيني وتنشين من على فراشج بتكونين حاربتي ابليس وطعتي ربج جريبها اختي ولا تنسينا من دعواتج

الخوات معاهن حق فاللي يقولنه ودايم الواحد ياخذ بالاسباب

الله يعينه على ذكره وشكره وحسن عبادته