صيف 2024 حمل اقسى لحظات حياتي واللحين اخاف الباقي منه يقضي ع مستقبلي ! 2024.

شحالكن خواتي ؟؟

حبيت اشارككن باللي بخاطري من ضيج عساني الاقي عندكم شي يفرج همي ..

انا السنه تخرجت من الثانويه والحمدلله ويبت نسبه ترفع الراس وطلعت من الاوائل مو بس ع امارتي الا ع الدوله بعد .. الحمدلله علاقتي ويا ربي قويه وانا من البنات الملتزمات وما علي غبار من هالناحيه

مشكلتي لها اكثر عن فرع واكثر عن جانب

الصيف خلص .. ويا وقت الجامعه وبتبدا الاسبوع الياي

وانا من صغري دوم اتخيل كيف بتكون الجامعه واللمه والبنات والمحاضرات .. تقدرون تقولون اني رسمتها بصوره ابعد ما تكون عن الواقع لاني خليت كل شي احبه بهالصوره

قدمت ع منحه لبرنامج قيادي .. وكنت واثقه انهم بيقبلوني .. ليش ؟؟ لاني اول ما خلصت الثانويه يلست اشتغل للمنحه هاي وسويت فولدر كامل لها ع سطح المكتب مالي احتفظت بكل المقالات والمواقع اللي كاتبين عن هالمنحه وسويت سيرتي الذاتيه باحسن ما يكون وجهز ملف الانجاز اللي سهرت عليه ايام وليالي والله اني تعبت عليه من الخاطر وسويت كل اللي اعرفه واللي ما اعرفه لدرجه ان امي قامت تعصب علي من كثر ما هملت حالي بس عسب هالملف وهالمنحه .. كانت كل شي في بالي .. واستعديت لها باقصى امكانياتي وكنت صدق صدق صدق محتايتنها لاني تمنيت اني ادرس بهالجامعه لكنها جامعه خاصه وغاليه وبهالمنحه بقدر .. يا وقت المقابله اتجهزت وسرت وشفت هناك كمن بنت اعرفهن ايام المدرسه وسبحان الله هالبنات ما كنت ارتاح لهن بالمره من سمعتهن وتصرفاتهن بس ما خليت وجودهم ياثر علي .. وسرت المقابله ………

ومن عقبها انا ما اتريا شي كثر ما اتريا ردهم علي واتريت واتريت واتريت وتميت ادعي من كل خاطري اني انقبل عندهم

بس للاسف يا الرد بطريقه فضيييعه وبمحتوى ابد ما حبيته لانهم دزو مسج لامي يقولون انهم اختارو الطلبه واني مو منهم .. تحطمت معنوياتي ع الآآآآخر واتمنيت الارض تنشق وتبلعني
ما حبيت مراره الهزيمه والفشل اللي لقيتها بذاك الحين واللي لازلت احسها

حاولت اتناسى ويحليلهم امي وابوي لاحظو هالشي علي .. فسارو اليوم الثاني يدورون منح حقي عسب اسير الجامعه اللي اباها وللي للاسف ما قدرت عليها .. فيوني بكتيب عن منح للطلبه المتفوقين بامارتي يعني منح لجامعات معينه .. وللاسف ما كانت الجامعه اللي ابيها ضمن هالجامعات فما كنت متحمسه للسالفه بس قالي ابوي اقدم عليها احس وبالفعل قدمت وقلت ان شاء الله يقبلوني هالمره .. وعقب بايام سارو امي وابوي الجامعه اللي كنت ابيها وشافو هناك انهم يعطون منح فسالوهم عن السالفه وقالولهم عادي يقدمون فدقولي وبشروني وياا الله شكثر استانست ويوني ياخذوني وضربنا خط لين الشارجه عسب هالجامعه وسويت المقابله ودفعنا رسوم التسجيل وكل شي كان اووكيه واخر شي قالولنا نسير عند الحرمه المسؤوله عسب ناخذ الرقم ويوم سرنا قالت انتو من وين ؟؟ قلنالها من الاماره الفلانيه قالت لا ما يصير لازم من اماره الشارجه بس .. والله الدنيا صكت علي مره ثانيه وهذا كان الرفض الثاني وصج صج صج كنت مستغربه لييييش

وانا اللي يايبه نسبه تهز الدنيا وطالعه الاولى ع مدرستي ومن الخمس الاوائل ع امارتي و الاهم اني من العشر الاوائل ع الدوله كييف يا ربي ما اعرف

فقالو لو تبون سلمو بروحكم واللحين ادفعو 3 الالف حق حجز الكرسي سالتني امي ندفع قلت لها لا ما يحتاي خلاص سجلنا يعني ما بتخلص الكراسي ! لكن الكراسي صدق خلصت وما شفت اسمي من المقبولين للاسف يوم طلعت الاسامي قبل كمن يوم

عقب بفتره دقو المنحه اللي كنت مقدمه عليها بامارتي وكانو يبوني اسير اسوي مقابله بس ابوي قالهم لا البنت بتسير جامعه الامارات .. وليش جامعه الامارات ؟ انا بقولكم لان ابوي متخرج منها وهو واثق من هالجامعه وتدرسيها تمام الثقه ويباني ادرس هناك
ما اجذب لو اقول لكم اني ساعتها اتضايقت من ابوي لانه سوا جي خصوصا اني ابي ادرس طب .. وكانت هاي فرصه يايه ع طبق من فضه بس ما صار نصيب

بهالايام كنت اشوف بالنت عن البعث وبديت ارمس هلي بهالخصوص > ع فكره انا دارسه من قبل برع < وكان الرد لاااا لاني اول ما كنت سايره هناك تقريبا اول اسبوع كنت دووم ادق لابوي واقوله ابي ارد .. وكان ابوي مصمم انه يردني بس لاني كنت ماخذه منحه من جهة معينه ما خلونا ..

لا .. لا .. لا اتبخرت آمالي وما اعرف شو اسوي ..

ابي اصير دكتوره .. اتخبل ع هالمهنه لدرجه كبييييره حتى اني استانس يوم اسير المستشفى واتخيل عمري مكان الدكاتره الثانيين ..

اتذكر اول ما سجلت طب بالرغبات مال التعليم العالي الكل انصدم من هالسالفه

انا بعد من النوع الكتوم اللي ما يرمس وايد حتى ويا خواتي ما ارمس وايد معظم وقتي بين الكتب واحيان ادش النت اطاع شو اليديد بالدنيا واشوف تلفزيون بعد بس هذا هو وقتي ما احب اسوي شي وبفتره المدرسه يمكن ما اطلع من حجرتي بس للعشا والغدا .. عسب جي ما كانو يعرفون اني ابي اصير دكتوره ..

و ع كل هالرفض الي ما اشوف له داعي ويا قدراتي .. يت جامعه الامارات .. الوحيده اللي فجت لي ابوابها .. لكن مو بهالسهوله قالولي ان في امتحان قبول ومقابله وسالفه وعثره وانا واااايد خايفه اني ما انقبل شرات قبل ..

عقب كل اللي صار لي ثقتي انهزت بنفسي .. استويت اميل للكآبه وما احب افج اي كتاب ! غريبه مع ان الكاتب هو الشي الوحيد اللي ما امل منه الا اني ما قمت احب افجه ..

عندي امتحان ع الابواب ومب عارفه شو اسوي وبعد المقابله

واحس بضييجه ما لها آخر .. صدقني خواتي ما اعرف شو اسوي

ولا اعرف وين مكانه الشاطر وليش محد مسولي سالفه .!

بديت احس بهالعجز وهالشي سلبي واخافه ياثر ع ادائي بالمقابله وحتى بامتحان القبول

لازم ادرس للامتحان وانا احس بضعف ومب قادره اسوي شي

ياريت لو تساعدوني وتشورون علي شو اسوي بحياتي وكيف اخليها شرات قبل .. قبل ما يصير كل اللي صار.. الحين صايره كله انام وراسي دوم يعورني وما احب اسوي شي واهملت مظهري .. واهملت اللي حولي .. وصرت اعيش بدون احساس

ابي اقوي شخصيتي اللي انهزت .. ابي ارجع قويه .. ابي اقوي ارادتي .. ابي افوز باخر فرصه عندي

ابي انقبل طب بجامعه الامارات

يا ريت لو تساعدوني

ولو حتى بالدعاء ..

دخيلكن خواتي .. محتايه احد =(

احتماال هذا هوو السبب

يمكن ما فهمتي عليه لكن يووم مااقبلووج بالجاامعه الي تبينها مب معااانته انج تفقديين الامل

اغلبية مشكلاات البناات للأسف الي اشووفه فقداان ثقتهم بانفسهم

استهدي باالله وصدقيني صدقييني الله فووق وان شااء الله رااح يتحقق الي تبينه

بس انتي لا تهمليين عمرج !!!

كووني وااثقه من نفسج

والله اني اعرف كاانوا بوضعج لكنهم ماا فقدوا الامل وانا منهم

شدي حييلج اختييه واتأكديي اني بدعيييلج من الخاااطر عشاان تنجحييين

بس لاازم اول عزيمتج اتكوون قويه كييف بتذااكرين وانتي بهالحاله !!!

لا تخلين مشاعر اليأس والضعف ولالنكساار تتغلب عليييج

قولي ف نفسج مرحله وتعدي

واذاا ما حققتي الي تبينه ف هاي الفتره

بيي يووم بتقدرين فييه انج تحققينه

خلي حلمج انج تستويين دكتوره كالحبل الي ما ينقطع

لا تتخلين عن هالحلم

ابدا ..

علليييج بالدعاااء والصبر

وان شااء الله الخواات ما بيقصوور ويااج

وان شااء الله تنجحيين ياارب

انا عندي اختي ما قبلوها بمكان لانها ما راحت امتحان السيبا وهي الحين يالسه في البيت لا شغل ولا مشغله بتدخل ع السمستر الثاني حرام بتضيع على عمرها سمستر والحين عندها باجر امتحان اعاده حق السيبا وما اظنتي بتروح ,,,,وبيضيع عليها السمستر الثاني

المشاركة الأصلية كتبت بواسطة mao

تدرين اختييه العزيزه

احتماال هذا هوو السبب

يمكن ما فهمتي عليه لكن يووم مااقبلووج بالجاامعه الي تبينها مب معااانته انج تفقديين الامل

اغلبية مشكلاات البناات للأسف الي اشووفه فقداان ثقتهم بانفسهم

استهدي باالله وصدقيني صدقييني الله فووق وان شااء الله رااح يتحقق الي تبينه

بس انتي لا تهمليين عمرج !!!

كووني وااثقه من نفسج

والله اني اعرف كاانوا بوضعج لكنهم ماا فقدوا الامل وانا منهم

شدي حييلج اختييه واتأكديي اني بدعيييلج من الخاااطر عشاان تنجحييين

بس لاازم اول عزيمتج اتكوون قويه كييف بتذااكرين وانتي بهالحاله !!!

لا تخلين مشاعر اليأس والضعف ولالنكساار تتغلب عليييج

قولي ف نفسج مرحله وتعدي

واذاا ما حققتي الي تبينه ف هاي الفتره

بيي يووم بتقدرين فييه انج تحققينه

خلي حلمج انج تستويين دكتوره كالحبل الي ما ينقطع

لا تتخلين عن هالحلم

ابدا ..

علليييج بالدعاااء والصبر

وان شااء الله الخواات ما بيقصوور ويااج

وان شااء الله تنجحيين ياارب

ان شاء الله تكون مرحله وتعدي شرات ما قلتي اختي
والله ردج عطاني دفعه قويه ودعائج ما راح انساه
ما قصرتي اختي .. بس السؤال كيف ما اخلي اللي صار ياثر علي ؟
صدق احتاي انسى عسب اقدر ادرس للامتحان
بس صعبه السالفه شويه علي =(
الله يسعدج اختي ويوفقج دنيا وآخره .. وعساج ما تنحطين بالموقف اللي انحطيت به

ربي يووفقج دنيااااااااااااا واخره وتفائلي بالخيييير حبووبه ^.^