كيس خبز توست
حليب
للحشوه :
بصله مفرومه ناعم
دجاجه او باكيت صدور دجاج مسلوق ومفتت
جزره كبيره مبشوره او 3 صغار مبشورين
علبه مشروم مقطع شرائح
فلفل بارد مقطع مكعبات صغيره
شبت وكزبره مفرومين
عصير ليمونه صغيره
ملح وفلفل اسود وبهارات
للصلصه
علبه جبنه بوك صغيره
1 قشطه
كاس حليب
علبه وحده مايونيز قودي صغير
الطريقة :
الحشوة : حمري البصل وضيفي له المشروم وخليه لين يذبل وضيفي الفلفل والجزر والدجاج وباقي مكونات الحشوه وعقب ما تنضج اعصري عليها عصير اليمونه وترى هالخطوة مهمه والله لا تنسين الليمونه …
قطعي اطراف التوست وصفيه في صينيه التقديم وبللي اطرافه بالحليب بواسطه الملعقه
وزعي الحشوه فوق طبقه التوست وصفي فوقها طبقه ثانيه من التوست الي ازلتي اطرافه
اخلطي مكونات الصلصه وحطيها على الوجه ودخليها الفرن لين ما يحمر الوجه
وبالعافيه
لازم تستعملون ما يونيز قودي ولازم تعصرين ليمونه صغيره على الحشوة لانه يفرق في الطعم وايد … وهذا سر الطبخه
خواتي هذي الطريقه اخذتها من صديقتي لذيذه جربوها
تسلم الأيادي راح نجربها إن شاء الله
شكلها لذيذ
تسلمين الغاليه على هالوصفه