هذا والله اعلم ان كانت صدق هالطريقه صح بس ان شاء الله بجربها
سفيد آب كلمه ايرانيه معناها الماء الأبيض للعلم بس أوكي ؟
زين شلون نسوي سفيد آب و احنا جالسين في البيت و ما نصرف فلوس ؟
لقولكم أني شلون على بركة الله نبدي
قشور بيض ما نرميها جمعيها و غسليها بلماي زين وحطيها في قنينه زجاجيه كبيره و بعدين ضيفي فوقه ماي بارد و كميه من الملح غطي القنينه و اتركيها لمدة عشرة 10 ايام
ملاحظه,,,,تقدرين تقيسين الملوحه المناسبه بحيث ما يكون اكثر من المطلوب و لا اقل املي قدر بلماي و حطي كميه من الملح و خلطي زين وحطي بيضه نيه بدون ما تكسريها و شوفيها أذا طافت فوق يعني الملح قليل و أذا نزلت للقاع يعني الملح مناسب
نرجع لقشور بعد 10 ايام نطلعه من الماي و نغسلها بلماي البارد و نحوطها على صينيه مفروشه بقطعة قماش ونتركها كم يوم حتى تنشف
بعد ما تنشف نطحنها جيدا و ننخلها و نحوطها في أي قنينه نظيفه و نستعملها عادي
نحوط ماي ورد بس للكميه ألي نحتجها بس الباقي نحتفض بي ناشف مثل البودره
أتمنى تستفيدون منه و يعجبكم يا رب
واكيد البعض بيتسائل شو استخداماته
سفيد آب فوائده استعماله طريقة عمله في البيت
بسم الله الرحمن الرحيم
هلا بكل حلوات منتدى
اول شي خلي اقولكم شنو فوائد السفيد أب
ماكو وحده ايرانيه تقدر تستغني عنه مو بس الايرانيات حتى كل نساء و بنات المناطق الشماليه في العراق و آني واحده منهم
الهل سبب نشوف صفاء و نضاره و بياض البشره عندهم
السفيد آب انحوطه على الوجه و الرقبه قبل ما نبدي بنزع الشعر لأن يخفف الألم و يسهل على نزع الشعر و ما تطلع حبوب بعد الحف بلخيط مو بلحلاوه
بلليل نحوطه على الوجه و انام فيه الصبح نغسله بلماي و الصابون يطلع الوجه صافي و مورد أني كل ليله أخلي على وجهي بس لازم تخلطي بماي الورد حتى يصير مثل الكريمه و بعدين تحطينه على الوجه
حتى نحوطه على المنطقه الحساسه و مع الوقت تشوفين بياض و نعومه ما توصف
منقول
مشكورة الغالية
حبيباتي راح انقل لكم موضوع الي حاز على اعجاب البنات طبعا في منتدى ثاني بس من غير ما اذكر اسمه علشان لا تقولون اسوي دعاية للموقع هههههههههه امزح الطريقة هي:
اليوم يا عرايس جايبه ليكم تجربتي في عمل السفيد آب بالبيت حبيت افيدكم مثل ما استفدت كثير منكم .
طبعا انتوا عارفين يا بنات وش هو السفيد آب وهو عباره عن بودره بيضاء ومن مميزاتها تبييض البشره ودايم كنا محتارين هل السفيد آب مضر او مفيد للبشره لان كثير منه مغشوش ويضيفون له مواد ضاره تضر البشره . ولما قريت موضوع لأحد الاخوات من العراق بس مو حاضرني اسمها الله يجزيها خير والموضوع كان طريقه عمل السفيد آب بالبيت خزنتها عندي وقلت بجربها وذالك اليوم كان عندنا عزومة اذكر ومستخدمين بيض كثير واتذكرت الطريقة والي هي:
تآخذين قشور البيض وتغسلينهم عدل بلماء وتحطينهم في برطمان زجاجي محكم الغطاء وبعدها تسكبين فوقها ماء بارد جدا وممكن تضيفين فنجان ماء ورد وحطي كمية من الملح يعني لكل نصف لتر حطي 2 ملعقة ملح اوكي يا عرايس. وخليها بغرفتك في خزانه وانسييييييها لمدة عشرة ايام بعدها طلعيها وجيبي صينيه مدري وش تقولون عنها ههههههه وافرشي فوطه نظيفه عليها وحطي قشور البيض بس عليها وخليها 3 ايام. بعدها اطحني القشور بطحانة القهوه عدل عدل بيصير لكل مثل البودرة البيضا انخليها بمنخال الطحين بتطع البوووووووووودره ناصعة البياض .
الحين نجي لطريقة الاستخدام.:
ملعقة من السفيد آب الي هي البودرة مع ملعقه ماء ورد وممكن تضيفين شوية حليب طازج بتصير لك مثل الماسك الابيض افرشيه بالفرشاة على وجهك وقعدي نصف ساعه انا اول ما حطيته كامل على وجهي حسيت بلسعه خفيفه ترى عادي هذا من تأثير الملح وخليه نصف ساعه وغسلي وجهك وشوووووووفي المفاجأة بياض والله انا لما غسلت وجهي حسيت اني حاطه فاونديشن على وجهي وانا عندي مسامات شوي مفتوحه بخدي والله اتسكرت كأن مافيه مسام. جربوه واذا حسيتوبالفرق ادعوا لي ربي يفرج همي . انا بستخدمه يوميا
من فوائدالسفيد آب المصنوع بالبيت:
1. تبييض البشره
2. شد البشره وملئها كانك عامله كولاجين لان البيض يحتوى على مادة البروتين.
3. سد المسامات .
4. ازالة البثور وآثارها.
ونصيحه مني لا تشترون السفيد آب جاهز لان اغلبه مغشوش انا بنفسي شريته كان لونه مايل على اصفر وعرفت انه مو طبيعي مغشوش و يمكن يضر ، سويه بيدينك احسن واضمن لك.
يلا يا بنات همتكم واي استفسار لا تترددون انا حاضره.