السلام عليكم حبايبي
مثل ما وعدتكم بحطلكم طريقة البطاط المهروس او ما يسمونه بيورية
البطاط اللي للطريقة الهولندية عاد لان البطاط هولندي كتبت الرطريقة هولندية هههه
يعني ماعرف شو اسم الطريقة لووول
المهم تحصلونه كل مكان حتى الجمعية ييون صغار و انا دايما ادور اصغر حجم
يسمونهم اعتقد بيبي بطاطس
تفورون نوعين من البطاط كبار العاديين و صغار
الكبار للمهروس و الصغار كاملين
بس لاحظوا تشلون الصغار قبل لانهم ينضجون اسرع
اول شئ البطاطس الهولندية :::
قشروهم عقب ما يبردون شوية
و رشيهم ببهار البطاط اخذه من سبنس و اكيد كرفور و ربعه عندهم
بس ما شئ منه بالجمعيات
ان ما عندج عادي استغني عنه و حطي ملح و شوية ثوم بودر و خلاص
شوي زبدة بالتاوة خليها تسخن
حطي بطاط الصغار و تمي حركي التاوة بسرعه
ممكن تقللون الزبدة و تحطون مسحه فقط
و انتهينا
الحين دور البطاطس المهروس اللزيييييييزة
و هي بالمناسبة اكلة لزيزة للبيبيهات من عمر 10 شهور لان فيه حليب فريش
تهرسون البطاط بجهاز الهرس وهو شبية اداء هرس الثوم بس اكبر
خذته من ايكيا
او تبشرونه كيفكم
و لكن لازم تكون ساخنه عسب تنهرس ان بردت خلاص انسوا الموضوع
و طبعا تحطون عليه كل شئ و هو بعيد عن النار
الحليب و ممكن تستخدمون لو فات عااادي
حطي شوي مثلا نص كاس و اخلطيه باالمضرب مال البيض
و عقب زيدي الجليب لين ما تتماسك نص نص
و ترومين تشكلينه
لانني مرات اشكله باكياس القمع مال الكريمة طبعا حسب المزاج هههههه
مطفية النار
و عاااااااااااااااافية على قلوبكم
اي استفسار آمروا 
بجربها ان شاء الله
الله يعطيج العافيه انوسه
يمممممم
يسلمووو أنوسه ^^
يمي ..يعطييج الف عاافية ..
يميييي
المشاركة الأصلية كتبت بواسطة جروح الزمن11 
بجربها ان شاء الله
الله يعطيج العافيه انوسه
المشاركة الأصلية كتبت بواسطة روح بلاروح يمممممم
يسلمووو أنوسه ^^
المشاركة الأصلية كتبت بواسطة جرح وحداوي يمي ..يعطييج الف عاافية ..
المشاركة الأصلية كتبت بواسطة قلبي وروحي يميييي
المشاركة الأصلية كتبت بواسطة شما الهاجري عااااااااافية على قلوبكم حبايبي