هلا خواتي الغاليات
اليوم قلت بحط لكم طريقتي لورق العنب الي الكل يحبها وان شاء الله انتم تحبونها صح رح تستغربون كيف طريقتي بس والله انها لذيذه
المقادير :
# ورق العنب اخترت العلالي
# 2 بصل متوسط نقطعه صغير الي ما تحب البصل وايد على راحتها لو بصله مب مشكلة
# 2 طماطم حجم كبير
# حزمة بقدونس مع شبت
# 15 فص من الثوم ( الي ما تحب الثوم على راحتها بس هو الي يحلي طعم بعدين _ في وحدة اعرفها تحط الثوم كله !! وحدة كاملة )
# كوب ونص رز مصري
# ملعقتين كبيرة من صلصة الطماطم ( معجون الطماط )
# بهارات (ربع ملعقة صغيره فلفل اسود + ربع ملعقة صغيرة فلفل احمر + ربع ملعقة صغيرة كمون)
# ملعقة ونص ملح ( ملعقة صغيرة مب الكبيرة ) ولا بيكون ملح وااايد انتبهو هههههه
# نخلط جميع المكونات
# نغلي الماي شوي 5 دقايق وبعدين نضع فوقه ورق العنب ونفكه عن بعض ونخليه 10 دقايق
# بعدين نشخل ورق العنب عن الماي ونخليه شوي 5 دقايق يبرد .. بعدين نضع المكونات الي خلطانها فوق ورق العنب .. انا عندي ((جهاز ورق العنب )) اسهل شوي واسرع للوقت ومرتبه وتكون نفس الحجم .. ولا تزيدون بس تضعون ربع ملعقة من المكونات المخلوطة فوق ورق العنب في الجهاز لأنه ما رح تستوي ولا رح تنلف بتخترب بعدين بس شوي تضعون في ورق العنب وبها الطريقة رتبته وحطيته في القدر صغير ..
وبعدين نجهز ماي دافي تقريبا كوبين ونص فوق القدر الي فيه ورق العنب وشوي ملعقة صلصلة طماطم وربع كوب زيت زيتون وتعصرون 6 ليمونات فوقه .. ونتركه على نار هادية لمدة ساعة تقريبا وتغطون عليه غطا يكون يدخل لداخل على ورق العنب شوي يسكر عليه بالضبط داخل احسن عشان ما يتفكك ورق العنب .. وتخلونه على حسب ما تشووفن بعدين الرز اسوى
وعليكم بالعافية 
بس للأسف تواجهني مشكلة يوم اطبخه الجدر يكون في قاعته البطاط يحترق وتستوي عفسه عندي يوم اطبخه
خاطري أعرف جدر المحاشي وين يبيعونه؟
شكله مرتب وحلو
ونفس مقادير الحشوه اللي اسويها
بس انا بدون ثوووووووووم
تعرفين نفس طريقتي
يسلموو الاياادي
الله يسلمكن
شكرا لمروركم الكريم والاهتمام