مادري والله اذا القسم مناسب او لأ ,,
بس ما لقيت ساحة افضل من هاي ^__^,,
المهم,,
اكيد معظم البنات يشتكن من سالفة التشقير الي يسوونه فالبيت ويطلع ويهم شرات الشمس من كثر ما الشعر مستوي اصفر ,فمجبورة اكيد انها اتسير الصالون عسب ما اتخرب ويها ويعطيها الصالون النتيجة الي هي تباها,,
وبعد بتلاحظون انه مب الكل الصالونات تظبط التشقير يعني جنج ولا سويتي شي, بس خسرتي عمرج عالفاظي,,
اليوم براويكم كيف اتسوون التشقير بطريقة احترافية شراتي ^__^ وبيخليلج الشعر شفاف ولا امبين منه شعره غامجة يعني باختصار جنج حافه ويهج^__^ ولا صالون شاميه ايسويلكم اياه جذا,,
طبعاً صالون شاميه معروف انه احسن صالون فراس الخيمة حق تشقير الشعر,,
عاد انا اليوم شقرت فقلت ليش ما اصور وافيد البنات ,,خلني آخذ فيهن اجر عالاقل ^__^
احينه براويكم الخطوات والصور:
بسم الله نبتدي بالادوات وكل وحده فيكن اطلع ورقة وقلم:
نحن بحاجة لمقص-علبة صغيره او فنيان حق الخلط-التشقير الي انتي تستخدمينه (وطبعاً تشقيري ها ما استغنى عنه^^)-فرشاة (عدد الفراشي يختلف طبعاً على حسب,يعني اذا انتي تبين اتسوين ويهج كامل ويا حواجبج فإنتي محتايه فرشاة عريضة شوي حق الويه والثانية شرات فرشاة الروج عسب ترسمين حاجبج عدل)
احينه اقص الجيس مال البودرة-ولاحظي الكمية الي بحطيها,تراها بتكفي حق ويهج مرتين-يعني اترومين اتسوين حق اختج بعد بهالكمية البسيطة ومو بس ويهج لأ ويهج ورقبتج-ما احلاج والله اتشقرين الويه بدون لرقبة(بيكون فرق بين لثنين:tongue
احينه ظيفي الاكسجين-بنفس الكمية او زيدي عليه شوية
اخلطي الاكسجين والبودرة بالفرشاة مال الويه—شوفي انا صورتلج فرشاتين عسب اراويج كيف انه حتى شعر الفرشاة اتغير صار لونه اشقر ^^لأني دوم استخدم هاي الفرشاة حق التشقير ولا حظي الفرشاة الي حذالها ,جذا كان لونها فالبداية
تمي اخلطي لين يصير الاكسجين الاصفر على اخضر فاتح واحيانا ازرق (ها اذا كنتي امزيده البودرة)واتأكدي انج خلطتي كل البودرة عدل وما يتم عندج تكتل,,
السموحه ها من الاشيا الي نسيت اصورها فالبداية-خذي القطنة مال الاذن وشلي اشوي من صوب حواجبج او ويهج عسب تتأكدين اذا شف الشعر او لأ
هاي القطنه تستخدمينها آخر شي ,اتشلين التشقير فيها وعقب تغسلين (مب على طول اتغسلين ويهج والتشقير عليه)-اهنا انا خلصت موعد التشقير-دقيقتين بس ولا اتزيدين طبعاً ها يعتمد عالتشقير الي تستخدمينه مثل ما نوهت فالبداية اذا زيدتي فالوقت بيصفر الشعر عندج واحيانا يصير لونه عذهبي فاتحملي خلي حذالج ساعه ,,
وووبس خلصنا اهنا بس بغيت اراويكم الكمية الي تمت-تقريباً نصها بس ما استخدمتها فقمت وغسلت القوطي ^^
اتمنى اكون افدتكم ولو بجزء بسيط,,
ما ابغي منكم غير دعوة صااادقة من القلب لأختكم اذا عيبكم الموضوع
بس أنا قبل لا أشقر أمسح فازلين في المكان اللي أشقر فيه عسب لا تحترق البشرة.
وشي ثاني ما أستخدم الفرشاة لني أحط المشقر بعد ما أخلطه في كيس نايلون يكون شرات معصار الحنة وبجذه أقدر أتحكم فيه وأعصره بدقة في منطقة الحواجب بالذات.
عقب ما يتشقر الشعر أغسله وعلى طول أمسح بماي الورد.
يزاج الله خير اختي
نفس طريقتي تقريبا ..
بس أنا قبل أحط فازلين عويهي
ممكن أسم المشقر حبوبه ,, ينلقا فالصيدليه؟
تسلمييييين خيتو ع الطرررح ما قصرتي