طبعا انا ما حلمت صار لي سنه و5 شهور
كل ما اروح افحص سواء عند احلام او كرامة تكون عندي بويضة وحده حجمها 16
خذيت ابر منشطه مع تفجيرية وما صار حمل والمفروض اكمل بس وقفت
هني اختربت عندي الدورة صارت غير منتظمه وصرت ما اعرف وقتها ومرة تكون مدتها 24 ومرة 31 لين ما شربت وقت الدورة عصير الاناناس وداومت على الميرامية بس طبعا فاوقات الدورة..غيرت العيادات وقررت اني اروح للدكتورة سهاد واتعالج معاها على طول لين ما ربي يكتب لي اني اكون حامل
لما شيكت عندها اتفااجأت ولأول مرة فحياتي ان عدد البويضات اللي عندي يمكن 6 او 7 ما اذكر لان في منها كبيرة وفي منها صغيرة اهم شي انهم زاادوا مب نفس قبل استاانست ..وقررت اني اكمل على الاناناس و الميرامية
الحين قالت لي الدكتورة ان في سبب يعيق انتاج البويضات وقالت احتمال في تكيس = هي السالفة فيها كلمه (احتمال) فقالت انتي سويتي تحليل للغدة وهرمون الحليب قلت لها لا وخذت مني دم وسوت لي فحص ثاني يوم اتصلت فيها قالت لي ان فيني ارتفاع بهرمون الحليب وخمول بالغده بس قالت لي اروح لطبيب الباطنية عشان اتأكد من هرمون الغده وعطتني دوا حق هرمون الحليب تقول هو اللي يمنع انتاج البويضات وما يخليها تنمو..اما دكتور الباطنيه طمني وقالي ما فيج خمول في الغده كل شي سليم الحمدالله
وبتم اشرب حبوب هرمون الحليب وانطر الدورة عشان اشرب الاناناس والميرامية مجهزة شدة عصير اناناس (ربيع) طبعا وقت الدورة
لا تشربون شي بارد وخاصة المشروبات الغازية هي اللي تسبب التكيس
دعواتكم ولي وبدعي لكل محرومه في المنتدى
ان شاء الله نشوف ذريتنا عاجلا غير آجل
فمان الله 
والله يرزقني وياج
بغيت اعرف الغالي شو اسم دوا هرمون الحليب لان انا عندي البويضات صغار وما يكبرن بسرعه واذا كبرن نسبه بسيطه جدا
ارتفاع هرمون الحليب : ياخر الدورة او يقطعها بالمره اذا كان مرتفع وايد. وماتكبر البويضات.
يمكن انتي تتاخر عندج عسب الهرمون مرتفع. شوفي بعد العلاج ان شاء الله ترد طبيعيه.
أنا مثلج كنت عند أحلام والحين حولت عند سهاد ارتحتلها بصراحه اح عندها خبرة وناويه اكمل عندها وان شاء الله نحمل على ايدها.
افضل دوا لهرمون الحليب هو dostinex هذا رفيق دربي من سنتين وانا أخذه 