انا كنت ابغي اسير الكلية بس صليت استخارة شفت كل شي تيسر لي قبلوني بسرعة ونجحت وتسهلت اموري بس انا مب مرتاحة ومتضايقة وتعبانة وراسي دوم يعورني من ابغي اسير الكلية علما اني اشتغل واسير العصر الكلية،،،،،،ما اعرف شو اسوي لما اقول اني بأنسحب اتضايق وما اقدر انام…حتى مرة كلمة زميلتي في الكلية اني بأنسحب وطرشت مسج للمسؤولة بالكلية بس لما كلمتها سهلت علي الامور وقالت انني انا طالبة متميزة وحرام اني اترك الكلية،،،،،انا الحين مب عارفة شو اسوي واحس اني مضغوطة وتعبانة وكثر علي الشغل في الدوام،،،،
فيدوني الله يفيدكم لاني محتارة في الموضوع ووووووايد وووووايد
الله يسر لج امورج
ودامج متردده كملي دراستج وصدقيني
عقب بتندمين إذا ظهرتي ولو كنتي تشتغلين
لان الشهاده غير والامور احين ما تمشي الا بالشهاده
والواسطه في بعض الاماكن فكملي دراستج وحافظي على مستقبلج
الغاليه انتي قلتي انج تشتغلين ..
و قلتي ( انا مب مرتاحة ومتضايقة وتعبانة وراسي دوم يعورني )
ها من الشغل لأنج تشتغلين من الصبح و عقب تدرسين فترة المساء ..و إنتي تاخذين مجهود و كل إنسان له طاقة محدوده 
هل ماخذه تفريغ حق الدراسه؟ إنج تترخصين من وقت تسيرين ترتاحين في البيت و عقب تسيرين الكلية
و كثرة التفكير يسوي ضيق و عوار راس .. و إنتي تفكرين بأشياء يضيق بج و ما ترتاحين
فأتمنى إنج تطردين الأفكار الي يضيق بج و لا إتمين تفكرين وايد
أكيد عندج طموحات تبين توصلين له فكري بطموحاتج و كل شيء له حل بهالدنيا
انا اشتغل و قاعده أجاهد عسب أكمل دراستي صدقيني بدون الشهاده ما بنوصل لشيء و بنتم مكانا طول عمرنا و لووو ما نفعتنا بالمجال العمل بتنفعنا فحياتنا المستقبلية .. و ما في أحلى من الكليه بصراحه
و ربي يوفقج ان شاء الله و تنالين مرادج ان شاء الله
المشاركة الأصلية كتبت بواسطة فتاة جلفار 
الغاليه انتي قلتي انج تشتغلين ..
و قلتي ( انا مب مرتاحة ومتضايقة وتعبانة وراسي دوم يعورني )
ها من الشغل لأنج تشتغلين من الصبح و عقب تدرسين فترة المساء ..و إنتي تاخذين مجهود و كل إنسان له طاقة محدوده
هل ماخذه تفريغ حق الدراسه؟ إنج تترخصين من وقت تسيرين ترتاحين في البيت و عقب تسيرين الكلية
و كثرة التفكير يسوي ضيق و عوار راس .. و إنتي تفكرين بأشياء يضيق بج و ما ترتاحين
فأتمنى إنج تطردين الأفكار الي يضيق بج و لا إتمين تفكرين وايد
أكيد عندج طموحات تبين توصلين له فكري بطموحاتج و كل شيء له حل بهالدنيا
انا اشتغل و قاعده أجاهد عسب أكمل دراستي صدقيني بدون الشهاده ما بنوصل لشيء و بنتم مكانا طول عمرنا و لووو ما نفعتنا بالمجال العمل بتنفعنا فحياتنا المستقبلية .. و ما في أحلى من الكليه بصراحه
و ربي يوفقج ان شاء الله و تنالين مرادج ان شاء الله
حبيبتي مشكورة على الرد الحلوووووووووو،،،،انا بصراحة هذي الدراسة مول ماتخص الشغل هي تخص هوايتي الفنية يعني بعد ما اتخرج بتكون لي علشان اسوي تجارتي الخاصة،،،،،وبعد انا مب عارفة على رايد لي اني اكمل او لا لاني وووووايد تعبانة وحاسة جسمي متكسر حتى هذا لاسبوع الماضي ماسرت الكلية شووووووووووو الحل مب عارفة