غانم عمره شهر ونص ومشكلته مع البلغم :( 2024.

الغالية أنا بنتي يوم كان عمرها شهر عانت من نفس المشكلة وترقدت في مستشفى الوصل لدمة 4 او 5 أيام ويوم طلعنا رد عليها مره ثانية ( عاد حلفت ما اروح الوصل لأن ما يعطون ادوية) فوديتها مستشفى خاص وعطاني دوا اسمه برميكوت + اتروفنت + فينتولين استخدمهم في الجهاز والحمدلله فادها. انصحج نروحين عيادة الدكتور عادل مطاوع في الشارقة عند الدكتور أحمد (بس لازم تقوليله عن البرميكوت لأن في البداية ما وصفه لي إلا يوم قلتله أنا دكتور في عياده ثانية كان واصفنه لي عقب قال هيه هذا اوكى حق الحالات القوية بس ما يفضل استخدامه وايييييييييد). الصراحة د.أحمد وايد اوكى وإذا عندج ملف تقدرين تتصلين فيه في اي وقت إذا لاسمح الله البيبي صار في شي مثل زكام كحة او غيره ويوصفلج الدوا من غير ما تروحينله العيادة.

أختي البريماكورت هو عباره عن كورتيزون ، الجهاز وايد مفيد ويعطيج حل سريع وأحسن عنالأدويه اللي تمشي في الدم ،لأنه يروح على الرئه عالطول ويوسعها، ونصيحتي لج اصبري عالكرتيزون شويه لأنه هذا الدوا وايد مفيد بس لازم ما ينقطع مره وحده ولا بيتم ولدج معرض للأزمه (يخففونه على مدى شهور حتى لو بخير بيقولج لا توقفينه ) خليه على الأتروفنت والفنتولين على حسب شور الطبيب، وانشاالله أنه مايحتايه مره ثانيه، ولازم تبعدينه عن العطور والدخون والغبار، الله يعافيلج أياه انشاالله

اختي ستارز ..

تسلمين عالنصيحه بس أنا من بوظبي..

وانا استخدمله حاليا البيروتيك ..

والأتروفنت والفنتولين ماعتقد مرن عليه ؟؟؟؟

+++++++++++

اختي الصافنات تسلمين عالرد..

بس ماعرف اذا البيروتيك فيه كرتوزون ولا لا ؟؟!! هب متأكده

وعاد انا اصبحت مريضه وزجام واحتقان الله يعين..

اللي تعرف عن وصفات شعبيه..

ياليت تفيدني .. في شي يطرونه عن البان ماذكر احيد امي تقوله ونسيت اتخبرها

الغاليه نقعي شويه لبان من الليل و شربيه الماي الصبح على الريج انا فاد عيالي و للحين اعطيهم اياه يوم عندهم بلغم

والله يشفيه ان شاء الله

حبيبتي انا من بوظبي والصراحه الدكتور سعد في الفرنسي الاماراتي واااايد اوكي

سيريله وشوفي شو بيقولج بس اللي اعرفه ان الجهاز احسن من الادويه بس