:salam_allah]
مرحبا خواتي بما انه ريلي يحب السمج فسويتله مجبوس سمج وقلت لازم خواتي يشاركوني الطبخه والطريقة بعد
يالله نبتدي بسم الله
المقادير :
بصل مقطع و ثوم وزنجبيل
سمك اي نوع تحبينه انا استخدمت شعري مقطع واستخدم بعد الهامور
طماط حب مقطع ، بطاط ، بزار مشكل ، ملح ، شبت و جنجلان ، ليمون اسود مطحون ، حب هال ، جرفة .
الطريقة :
نحمس البصل في الزيت
نضيف الشبت على البصل
نحركهم مع بعض مثل الصورة
نضيف البهارات كلها
نضيف السمج ونحركه
هني ضفت عليه الماي وخليته يفور 10 دقايق
ويوم ضفت العيش
حركته شوي شوي عشان العيش مايتكسر
وهني يوم خلص،،، تفضلوا حياكم
يا الله عاد لا تبخلون علي بردودكم الحلوة اترياتكم
صحة وهنا
يسلموووو
ماشاء الله تسلمين
^_^ هني وعافية
وايد احب مجبوس السمج^.^
هني وعافية وتسلم ايدج باين عليه لذيذ خاصة مع الاجار يمي