( الحبر يخلص وقضايا مجتمعنا ما تخلص
نجي لقضيتنا ومحور حديثنا
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )
_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها
_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..
ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..
_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان
قصص تبكي القلوب .. وأحلام تضيع في قرار
أمال وأمنيات تتبخر ..
بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماهيتأثر
لكن البنت حساسة وهتتأثر
وفوق كل هذا محد بيجيها خطاب لانهم يعرفوا انها محجوزة لفلان
ممكن الشاب يتأثر لان اهله اختاروا له شريكة حياته
وحجوزها له ..
لكن البنت هي اللي هتتأثر اكثر
من المذنب .في هذا كله. الشاب , الشابه , الأهل , العادات والتقاليد ؟؟
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟
وانت ايها الشاب مارأيك في مسألة الحجز وان تكون محجوز لفتاة ؟؟
وهل هذا الشي موجود في عائلتكم ؟؟ وماموقفكم منه ؟؟
من المذنب .في هذا كله. الشاب , الشابه , الأهل , العادات والتقاليد ؟؟
ف هالشي الاهل لهم دور كبير الصراحه والعادات والتقاليد ~
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
الاهل ~
اذا تقدم لكي شاب للآن يدرس وقالوا لك أهلك انه يبي يحجزك وش بيكون موقفك ؟
يدرس …..!!! مستحيل اوقف حياتي ع شخص للحين ماخلص دراسته ويمكن عقب يغير
رايه لان الشباب تفكيرهم غير عن تفكير البنات ~
وانت ايها الشاب مارأيك في مسألة الحجز وان تكون محجوز لفتاة ؟؟
هالسؤال سالته اخواني وكان كلامهم واحد .. انهم مستحيل يقتنعون ف سالفة الحجز
وهم احرار ف اختيار شريكة حياتهم ~
وهل هذا الشي موجود في عائلتكم ؟؟ وماموقفكم منه ؟؟
الحمدالله الحمدالله هالشي مب موجود عندنا ولابنفكر
هذا زواج وحرام نظلمهم ببعض لان الشباب ماشاءالله
كل يوم ف مكان ويشوفون اللي نحن مانشوفه ~
:.
العادات والتقاليد مب المذنبة .,.!!!
لاهي وحي الهي وعصينا ربنا بتجاوزه ..
ولاهي قوانين عوقبنا ان خالفناها .,.
اذا كان يدي ويدج تعايشوا مع هـ الوضع .,
فهم لهم زمانهم وظروفهم .,.
والله اعلم ان اصابوا او اخطأوا .,.
لكن حنا واهلنا جيل ثاني .,.
وكل عايلة تتحمل مسؤولية عيالها .,.
واي قرار تعسفي وله مضرة عليهم .,
واي حياة بائسة ومشاكل بالزواج .,
واي فسخ خطبة وضياع مستقبل بنية .,
بيكون بذمة الاهل وحدهم .,.!!
:.
كلامي اللي فوق مقتصر على الاجبار .,.
يعني اللي يحير بنت عمه مثلا ".,.
وكل الاطراف راضية .,.
وكأنها خطبة عادية بس مطولة .,.
ما نقدر نقولهم شي .,
:.
اعتقد المتضرر الوحيد هي البنية .,.
لانها اقلمت نفسها على انها زوجة فلان بن فلان .,.
ورسمت وبنت حياتها معاه .,.
فلما يأتي الرفض من قبل الشاب .,
تنهز صورتها بنفسها وتبدى تدور عن العيب فيها .,.
عدا ان الكل ماخذ عليها نظرة معينة .,.
خصوصا" اذا الزوج المنتظر عرس وعايش حياته .,.
وهـ الشي ممكن يأثر على فرصها هي بالزواج .,.
:.
حنا بعايلتنا ما نحجز ابد .,.
لكن شبابنا ما يختارون من البنات .,
الام تختار له المناسب وان كانت صغيرة ,.
وتخطبها له .,.
وطبعا" مع النظرة الشرعية والاستخارة والموافقة من الطرفين .,.
تتم الخطبة وان طالت المدة شوي .,.
لظروف العروس وسنها .,.
او المعرس ودراسته وشغله .,.
:.
موضوع مهم وطرح راق تشكرين عليه .,.
يزاج الله الجنة .,.
والله يرزق بناتنا وبنات المسلمين الازواج الصالحين والذرية الصالحة .,.
بس اهلنا صح انهم يقولون فلان حق فلانه من نحن وصغار بس اذا حد يا وخطب من طرف ثاني
يسألون البنت هل تبين هالشخص ولا ولد العم ويسالون بعد ولد العم هل تبا بنتنا لان في حد خطبها
وجذه محد يزعل او يتضايق لان يعرفون الزواج قسمه ونصيب ومحد يجبر حد على حد بس كلام
والحمد الله محد من اهلنا اتضرر ف هالسوالف
وبس في صدق ناس اتضررت من هالسوالف , لان في اهالي ياخذون الموضوع جد انا اعرف وحده كانت مخليه حق ولد عمها ويوم كبروا قالو الولد انا مااباها وطبعا صار زعل وسوالف ومن كثر البنت مانقهرت هاوشت امها وابوها لانها كانت تتحلم في ولد عمها , فيا واحد اتعرفه ف الدوام واحد وافد سارت خذته غصب على اهلها والحمد الله عايشه وياه مرتاحه
ادري اتفلسفت واااايد بس اخر شي
(الــــــــــــــــــــــــــــــــزواج قسمه ونصيب)
اهل البنت واهل الولد
انا ما ايد الحجز
يـمكن الموضوع الي تكلـمت عنه يـختلـف بـس آعرف وححدة من قريبـاتـي كلـه اتقـول آنا محجوزة و ها كـلام الام و الولـد خـــــــبر خـير , يـعني لو بـاجر هالولد قال ما آبيـها شو ردة فعل البنت , انرد اللوم علـى منو على الام و لا العادات و التقاليـد و لا البنت ؟؟
و صـدقج ليلى البنت هي الي بتتــأثـر بحكم مشاعرها الي تتـأثر بسرعه !!
الله يكون في العون . .
اعتقد المتضرر الوحيد هي البنية .,.
لانها اقلمت نفسها على انها زوجة فلان بن فلان .,.
ورسمت وبنت حياتها معاه .,.
فلما يأتي الرفض من قبل الشاب .,
تنهز صورتها بنفسها وتبدى تدور عن العيب فيها .,.
عدا ان الكل ماخذ عليها نظرة معينة .,.
خصوصا" اذا الزوج المنتظر عرس وعايش حياته .,.
وهـ الشي ممكن يأثر على فرصها هي بالزواج .,.
و ها الي قصـدته ان البنت اتكون رآسـمه كل شي مع هالولـد !!
