شحالكم ؟ ان شاء الله بخير
فيني صيحة ، والله حيل متضايجة ..ما دري شو ياني مرة وحدة حسيت اني وحييييدة وايد وايد،
يقولون كثرة الضغط يولد الانفجار ، وانا وصلت لهالمرحلة من حياتي ، اني من كثر ما اكتم احس اني بفجر كل اللي فيني ..ان شاء الله لو ما رديتوا علي ما عندي اي مشكلة ، بس حابة افضفض واطلع كل خاطري في الكتابة ،
انا صايرة كتومة بشكل ما تتصورووونه ، قبل يوم كنت يكون عندي اي مشكلة سيدة استيشير ربيعتي فييهااا …وهي تنصحني وتساعدني ..بس هي سافرت قبل كم يوم ..والله اول مرة احس عمري اني وايد وحيدة …يوم اتصايج ما عندي حد افضفض له ..وتخيلوا لاول مرة احس اني وحدة بلا صديقاات …
والله يا ما انا كل مرة حد يكون متضايج اسمعه لين الاخر …واقدم نصايح وحلول ..بس لما انا ابغي افضفض لحد موول ما احصل حد ، كل حد هايت ويا مشاكلله ..!!
اخواني واخواتي وزميلاتي وصديقاتي بالجامعة ..الكل لاهي بمشاكله ما عندي حد اشتكيله ..معقولة انا وحيدة .!!!
الموهييم مشكلتي بكل اختصار شديد ، اني وايد عاطية اهمية حق الناس …يا ما ناس يغلطون علي اسكت …ومن كثر ما اسكت تعودت على هالشي وحتى ناس تعودوا على سكوتي …فتخيلوا الحينة اشوف الكل قام ياكل حقي ..ساعات بالفعل انا اكون الصح بس ما عندي جرآة واتكلم واقول انا الصح وانتوا الغلط لاني تعودت اسكت ..
اخواني ما ياخذون برايي ، اخواتي عادي يطولون لسانهم علي وانا اسكت
في الدوام عادي يطنشوني انا اسكت ..والله تطيح علي اشغال ويخلوني مضغطوطة ..وعادي لو ابغي اسال احصل كل حد مشغول ومحد يبا يساعدني …بس فالحين يفرون الشغل ويسيرون وانا اتم ساكتة ..
ويوم ابغيهم يعلموني يتعذرون انهم مشغولين ..وخصوصا مسؤولي ، بس يفر الشغل ويالله خلصيه ..وانا ما قمت اساله لاني اعرف اني يوم بساله ما احصل منه الجواب الشافي …
والله قمت اكره الشغل دووم كنت مستانسة والحينة ايي وانا مبوزة ..بس ابغي اخلص وارد البيت …
نفسيتي تعبت وما قمت اهتم حتى في الاكل 
ربيعاتي عادي يزقرون الكل في الاعراس االا انا احصل عمري في قائمة النسيااان …
شو اسوي والله ضايقة من الكل …ما دري شو بلاهم الناس علي ..لهالدرجة يكرهوني ، محد يحبني …
الله المستعان …
الصبر صبران صبر على ما تكره.. وصبر على ما تحب.. والصبر من الإيمان كالرأس من الجسد.. ولا خير في جسد لا رأس معه.. ولا إيمان لا صبر معه..
يقولون إن الذي يعجز عن نسيان الإساءة ( قلبه أسود ) ويقال إن عدم النسيان هذا لا يشير دائماً إلى سواد القلب ..
فبعض الأشخاص يستطيعون رد الإساءة بمثلها في وقتها وهؤلاء يأخذون حقهم بأيديهم قولاً أو فعلاً.. وبعضهم يختزنها في أعماقه لفترة … يتحين الفرص لكي يرد الإساءة بمثلها فإذا ما تهيأت له الفرص المناسبة رد الإساءة بمثلها وربما بأكبر منها والبعض الثالث يتغاضى عن الإساءة و يتناساها متعمداً ، يلقي كل شيء وراء ظهره وينظر إلى الأمام دائماً ، واثقاً من أن ( التطنيش ) نعمة من الله عز وجل…
ويسعدج وين ما كنتي وكل شي باجره ان شاء الله,,
حيااج تكلمي ونحن ويااج ندعي لج وننصحج اذا قدرناا,,
بقولج شي
انا كنت جييييييه قبلج
كنت اقوول محد يحس فيني ،، محد يفهمني
اعطي للناس ، بس ناس تجرحني جرح ، طعن كل شي
بس هالاياام الحمد الله لولا كتااب الله ، جاان احنا ضعنا
انصحج اختي ترا هالشي شيطاان يوسوج لج ،، اذا طاهرة رووحي توضي صلي ركتعيين و اقري قرآن صدقيني ترتااحيين وااايد
واذا عندج عذر ، اذكري ربج دوووووووووم ،،، خلي لسااانج يترطب بذكر الله
وربي يسعدج