انا ضد ان مدرسه ادرس ولدي بتقولن من الناحيه العلميه والتربويه لازم الولد يظل في كنف امه بمعنى عند مدرسه وليس رجل لكن انا اقوول اخوااانا واباااائنااا درسوهم رجال واتخرجوا وخذوا مراكز ومناصب لانهم طلعوا من تحت ايادي رجااال علموهم وربوهمعلموهم العادات والرجوله والخشونه ايام ماكان التعليم يأتي بعد التربيه الحين صار مجلس تعليم وكل يوم المدرسه بدق عليج تعالي شوفي ولدج سواا وسواا وقال لكن المدرس يعرف يتعامل مع طبيعة الولد
اذكر في اجتماع ولدي قال المدير غنه لو دخل صف ولقى الولد في مكانه بيكون مب طبيعي الولد بطبعه يناقز يوقف على الطاوله وصوته عالي عنده طاقه بااجر المدرساات بيستحملن هالشي ولا بيقولن عنه مشاغب وراعي مشاكل
وداااااعا التربيه والتعليم
ملاحظة : انا ما اقلل من كفاءة المدرسات بالعكس في مدرسااات نابغاااات وقديرااات جداااا
ويعلمن بناتنااا وعلمنااا احسن واكفئ تعليم يناااسب طبيعتهن وطبيعه البنات
محن في الشارجة صار لنا اكثر عن 8سنوات والحلقة الاولى بنين وبنات معلمات يدرسونهم
صح ان طلاب الصف الخامس والرابع احيانا يكونون اكبر عن سنهم بس بعد الحرمة احن عليهم
انا درست اولاد في الصف الخامس صح مشاغبين بس مع شوية شدهو شوية حنان يصيرون هاديين
والقرار بتانيث الحلقة الاولى وفر فرص عمل لوايد بنات خريجات وكانن عاطلات
بالعكس،،لو تقارنين كفاءة المعلمين بالمعلمات ،،صدقيني بتلقين المعلمات ياخذن النصيب الأكبر من ناحية الكفاءة،،مب شي علمي انه طبيعة الولد تتناسب مع طبيعة ولد ثاني،،بمعني انه مدرس يدرس أولاد،،ومدرسة ادرس بنات،،ما يخصه بتاتا،،،
بكلمج من ناحية تربويه،،اذا انتي ماخذه الموضوع على انه الولد ممكن يطبع بأطباع البنات وما يطلع ريال خشن،فهالشي ما يخصه ،،بالعكس انا اشووف الولد يكوون أكثر احتراما،،ويطلع مطيع ومهذب،،ويتعلم الاخلاق من المعلمة أكثر،،انا اوافقج الراي في انه بعض من المعلمات ما عندهن قوة تحمل،،او صبر على الطلاب اللي عندهم حركة زايدة،،وشو المشكله اذا المعلمة دقتلج ونبهتج على بعض النقاط اللي اتخص ولدج من ناحية أخلاقية أو تعليمية،،
انا مع هالقرار،،وأكيد ما تم تطبيقه إلا لأنهم شافوا نتايجة مثمرة،،صدقيني الولد في هالسن يحتاي اي حد يحببه في المدرسة والكتب وهالأمور،،وبوجود معلمه تبتسم له ،،واتكون حنونه عليه،،واتعلمه الصح من الغلط،،وتبدي اهتمام لهذا الطالب،،،صدقيني بيعتبرها مثل امه الثانيه،،وبيته الثاني،،
اتمنى وجهة نظريه وصلتج،،،
في حفظه
ولدي يدرسونه معلمات و انا مرتاحه من ها الشي
لاني اقدر اتصل فيها و استفسر عن ولدي و هي تطمن على ولدي لو غاب
و اقدر اروح اجتماعات اولياء الامور
و انا شايفه ان المعلمات معلمات ولدي مثل الامهات بارك الله فيهن
لو كانو المدرسين رجال كيف باتواصل معاهم ولو نقول ابوهم بيتواصل ابوهم مو فاضي عنده شغله
انا فرحااانه بهذا القرار و ان شاء الله ما يتغير
الا ابوظبي المنطقة الوحيدة الا مااطبق فيها
اخوآني معلمات يدرسونهم من زمآن هب الحينه من سنه او سنتين خخخ في ابوظبي
ماحس القرار يديد بس يمكن بيتعمم فالمدآرس الباقية ^^