شحالكن خواتي ؟
اليوم يالسه اطالع صور السفر في الارشيف و قلت ليش ما احطلكن تقرير يديد ^.^
موضوعي عن قرية بونيقين Bonigen في سويسرا من رحلاتي صيف 2024
قرية بونيقين تبعد عن انترلاكن 5 كم فقط وتقع على بحيرة برينزير Brienzersee والقريبة من محطة انترلاكن الشرقية ..
هي قرية هادئة وادعه جميلة تنفع كـ بديل للسكن في انترلاكن و اسعار السكن فيها ارخص عن انترلاكن
أو حتى للزياره و التمشيه لأنها تبعد 5 دقايق بالسيارة من انترلاكن ..
ما بتكلم وايد و بخليكم ويا الصور اللي اتمنى تنال على اعجابكم ^.^
و اللي عندها اي استفسار عن القرية او السكن تخبرني و بساعدها ان شاء الله
الصراحة كنت بجربها بس حسيت انها مال يهاال مب مستواي ههههاااي 
هالوردة اهداء من صميمات قلبي حق ماي نيو فريند حرم سموه. ^_*
و هذي اهداء حق صديقتي الصدوقه AL-Doomah
فدييتج والله لج وحشه يا الدبه ^^
اما هذي اهداء حق رووح سلطان بس جيه كيفي احبها لول 
و هالورده اهداااااء حق دم دم (^الدماني^) لانها عسل و منوره مواضيعي
و اخييراً هالورده اهداء حق الفضوليات اللي يراقبوني هع
مب من الله بس لان فيها سمسوومه عشان تقرصهن خخخخخ
:
:
يتبـــــع يتــــبع ،،
سبحااان الله كيف زرقا البحيرة >> بالظبط شرات بحيرة خاالد خخخ
هاي السفينه تقدرون تركبونها من انترلاكن لين هنيه أو العكس و ممكن تاخذون جولة في البحيرة ^^
رياضة التجديف مشهورة في سويسرا بسبب كثرة البحيرات فيها
:
:
و اخييراً بالنسبة للسكن في هالمنطقة حصلت شقة بسيطه و مرتبة و نظيفه
اسم الشقق Alpine Guest Home
ما قريت التفاصيل لني مستعيله الحين لوول بس هذا الويب سايت مالهم :
https://www.alpineguesthome.com/
و شفت السعر الليله على 300 فرنك سويسري في الصيف .. يعني 900 درهم تقريباً
و في النهاية اتمنى ينال الموضوع البسيط على اعجابكم
دمتمـ بود ^.^
تسلمين على الموضوع الحلوو
تسلمين الغالية على التقرير الغاوي والصور