قصــــة ولادتــي بالصــور ^^ 2024.

السلام عليكم ورحمة الله وبركاته

مســاء الخيرات يا بنــات وحريمــات

اليوم قررت انزل قصة ولادتي

سلمكن الله انا كان مقرر اني اولد بتاريــخ 512012 ، بس الله ماراد
وتغير تاريخ ولادتي الحمد لله على كل حال ^^

اللي استوى انــي كنت ماخذه موعد بتاريخ 18122011 ويا الدكتوره اللي بتولدني عسب نتطمن على سير الحمــل
طبعا ماكان عندي اي اعراض للولاده سرت المستشفى وكنت مقرره عقب ما اظهر اسير صوب باتشي عسب اسوي طلبية التشوكليت

يوم وصلت المستشفى قاسو لي الضغط وسوو فحص السكر طلع كل شي تمام والحمد لله ^^
عقب قالت لي الدكتورة بنسوي لج تخطيط عسب نطمن عالبيبي
وافقت وربطو بطني بالحبال << وياكرهي لهالتخطيط

طبعا التخطيط كان طبيعي الحمد لله شي تقلصات بس بنسبه بسيطه الين هني كنت مستانسه ^^
عقب ما خلصت قالت لي بنسوي سونار، نشوف نسبة الماي والحبل السري عن يكون لف عرقبة البيبي

وكانت الصدمه
حصلت الماي ناقص والمشيمه فيها تكلسات قالت المفروض ما تكون بالهوقت
فطالعتني وقالت لي شو رايج الحينه يا نولدج اليوم او باجر يا انج تستمرين عالتخطيط والمراقبه اليوميه الين موعد الولادة
ساعتها كنت بصدمه وصابني تخوف عالبيبي فقالت لي الافضل انه تتصلين على ريلج عسب ايي
اتصلت عليه وطيران وصل خبرته الدكتوره بالسالفه فطالعني قالي قومي صلي استخاره وخل نتمشى شوي عسب تفكرين سرت صليت و طلعنا من المستشفى وسرنا سيتي مردف وكان خاطري سينابون ويا لاتيه
عسب امخمخ <<< متفيجه ترى

عقب سرت المسيد صليت المغرب وصليت استخاره مره ثانيه وحسيت براحه اني اربي سبحان الله
خبرت ريلي واتصل بالدكتوره قالها اني قررت اربي فقالت له لازم الساعه ثمان تكون بالمستشفى
وانا بصدمه شو ثمان يعني عقب ساعه ونص مب معقول
واشتغل المسجل اللي بداخلي على ريلي حليله
اونه للحينه ما خلصت طلبيات الفواله والتشوكليت ووووو ..
وطمني انه بيخلص كل شي بس اهم شي الحينه انقاذ البيبي
طلعنا سيده من المول عالبيت شليت شنطتي وشنطة النونو ورحنا المستشفى
اول شي حجزنا الغرفه وسرت حطيت غريضاتي وغيرت ثيابي

وعقب يو ركبوا لي المغذي وعلى جناح الولادة سيده

اول شي افحصتني الدكتوره وطلع الرحم مفتوح 3 cm قالت لي بنحط لج تحميله عسب تزيد التقلصات ويفتح الرحم
المهم من الساعه تسع ونص الين الساعه 12 بالليل الوضع كان جدا عادي ما احس بشي حتى التخطيط ما كان يظهر فيه وايد تقلصات
عالساعه 12 ونص خلاص بديت احس بويع مب طبيعي بس يوم تفحصني الدكتوره يطلع انه للحينه 3cm فطلبت انه يعطوني ابرة الظهر طبعا ريلي خاف وقام يطرح وايد ااسئله جنه هو اللي بياخذها لوول
المهم قالت الدكتوره انه طبيب اللي يعطي الابره مب هي وطلبت موافقة ريلي فيوم شافني شقايل اصيح وافق خخخ<< ترى صحت صج مب تمثيل

يا الدكتور عطاني ابرة الظهر وما اقولكم راااااحه ما قمت احس بشي بس المشكله انه التقلصات تظهر بالتخطيط انها وايد مرتفعه بس الرحم ما فتح
وحسيت اني ابا ارقد عقب الابره ورقدت الين الساعه اربع ونص
وعتني الدكتوره وقالت انه لازم نقص الكيس عسب يطلع الماي وبالمره بنحاول نوسع الرحم عسب نساعدج
بس يوم بطلو الكيس طلع الماي لونه اخضر وجاااان ينصدموا
وعلى طووول لغرفة العمليات عسب ينقذون البيبي لانه سوى كاكا بالماي وخافوا انه يشربها :12
(32):

وسووا لي العمليه وطلع البيبي عالساعه 5:28 بالضبط يوم 19122011
وثالت يوم ختنت البيبي ،وتميت مرقده الين تاريخ 2212 وعقب ظهرت تميت يومين فالبيت وصابتني حمى بعيد عن الكل ياارب ورديت للمستشفى وترقدت خمس ايام والحمد لله على كل حال
ما خلوا ابره ما عطوني اياها ولا فحص ما سووا لي اياه
بس الحمد لله يوم اشوف هالقطيو اللي ترييته مدة خمس سنين اقول كل شي يهون لخاطر غمازته