اول شي بعطيـكم لمحه عن هااي العايله من البدايه ……
بو رااشد متزوج ام رااشد عن حب ((هي ما شالله عليها قمر والكل يشدلها بجمالها )كبدايه كااانو يموتووون في بعض لدرجه انهم ما يستغنون عن بعض ابدا وكان الي بينهم اكبـر عن كل شي .. طبعا ام راشد حرمه متديـنه زياده عن اللزووم وتخااف ربها .. اما ابو راشد ف من ياااب اول بنت له والي سماها فاطمه بدا يدمر واتجه صووب الشرب والشله الفاسده وطبعا محد كاان يعرف عن هالشي الا ام رااشد وهي كالعاده تموت في زوجها ومستحيل انه تخبر عنه او تفضه ,,
ام راشـد :بو راشد فديتـك انته شو تسوي بعمرك الحين صارلك شهر من يبنا فطامي وانا اشوفك تشرب من هالسـم خااف ربك من الي تسويه وجابل بنتك ..
بو راشد:اووهووو انتي شو تبيـن بالضبط !!يعني الواحد ما يعيش حياته ان كان مع اهله ولا زوجته …!!
ام راشد: الله يهديك انشالله ويصبرنا على ما ابتلاك مب زين يا بو راشد مب زين …
طبعا ما اتحمل هالكلام بو راشد ودخل الغرفه وصك الباب بقوه وتمت ام راشد يالسه فالصاله وترقد فطامي فديتها وعلى ويهها علامات التعجب من التغير الي في ابو راشد ..
,,,,,,,,
عااااااااشت معاه وصبرت ام راشد كالعاده متمسكه بالبيت وبزوجها الي تحبه وفطامي وبعد سنتين طبعا فطامي صارت تمشي وتلعب وتركض فديتها وابو راشد اتجه لمجال المخدرات وصار يتعاطئ منه ودمر الريال …وام راشد حامل ب ولدها رااشد…..
ظلت ام راشد تكلم ريلها وتنصحه لان انجلبت حياته جحيـم وهو مب عارف شو يسوي بعمره اكثر عن جذي ……….بعد اسبووع بالضبط وصلها خبر من اهلها ان ابو راشد انزخ وهو يتعاطئ المخدرات طبعا كااااااانت صدمه مهما كان اي وحده نفس الشي بتحزن وتتعقد …….
وخصووووصا انها حاامل فالشهر السابع في راشد **ترقدت ام راشد فالمستشفى من الصدمه وطبعا وقفو معاها كل اهلها ….
بعد يوميـن طلعت من المستشفى وقالت لاخوها احمد يوديها تزور ابو راشد …
ام راشد:انته شو سويت فعمرك يرضيك الي يالس يستوي!!انا يا ما نصحتك وما سمعت النصيحه وما طعتني !
ابو راشد:……………..
علامات الحزن واضحه في ملامحه .
ام راشد:الله يصبرك ويصبرنا على فراقك …
ابو راشد والدمووع تارسه عينه:انا غلطت ولازم اتحمل غلطتي لاني ما سمعت كلامج يالغاليه
……..
ما قدرت تتحمل ام راشد تشوف زوجها بهالمنظر وطلعت من المكان هي واخووها ..وبعد اسبووع طلع حكم القاضي على زوجها اللي هو السجن لمده 5سنين مع العلاج وهني زااادت نفسيتها تعب فوق تعب وصارت اتزور زوجها كل اسبوع عشان تخفف عليه ومن حبها له وكل يوم المسكينه ترتب غرفته وتعطر الفراش على امل انه يطلع. ..
بس سوال القصه كم جزء؟؟
يتم عياله وهو حي
عورني قلبي على أم راشد حليلها ><
