قهر و الله قهر << سالفتي مع راعي الجمعيه الخيريه حسبي الله عليه 2024.

ماعليه اعذروني اضطريت ادخل بعضويه جديده للخصوصيه

انا ما اعرف من وين ابدا معاكم من القهر اللي فيني

كنت متردده اكتب هالموضوع بس قلت خل غيري ياخذ حذره من هالناس الاشرار اللي مافي قلوبهم رحمه ولادين ولاضمير

دنيااااا مافيها خيرررر

شوفوا شو صار معايه

حسبي الله عليه و نعم الوكيل ،، الله ينتقم منه هالظالم لعوزني..

السالفه ومافيها ::

قبل موعد عرسي باسبوع او اسبوعين ياني رقم غريب من بيت مش من موبايل و انا من عادتي ما احب ارد ع ارقام غريبه ..

المهم قلت يمكن ها محل او خياط متصل عليه يخبرني عن اغراضي ان خلصت .. المهم رديت

المتصله:: السلام عليكم ..

@ريماني33@:: عليكم السلام اختي ,,

المتصله :: اختي نحن من جمعيه ؟؟؟ الخيريه و عندنا مشروع اذا حابه تشاركين فيه تتبرعين بمبلغ بمناسبه قرب شهر رمضان و نحن مستعديين اني عندج للبيت نطرش لج مندوب يستلم الفلوس ..

@ريماني33@:: جزاج الله خير اختي .. و انا ما عندي مانع ,,

المهم عطيتها معلومات عن اسمي الاول فقط و مكان بيتنا ورقمي .. و قالتلي قريب وبي المندوب يستلم المبلغ للتبرع .. قلتلها بس انا عرسي قريب و يمكن اسافر .. قالت مب مشكله بنتواصل معاج بعدين .. قلتلها مب مشكله و جزاج الله خير ..

المهم مرت الايام و عرست و سافرت و الحمد لله كنت مستانسه مع ريلي ..

في يوم من الايام كنت عند اهلي بشهر رمضان ياني رقم غريب !! مارديت طنشت ,, المهم الرقم تم يتكرر و يتصل ويتصل تضايقت قلت ارد و اشوف شو السالفه ..

ليتني ما رديت << حسبي الله عليه و الله مقهوووووووره

رد عليه ريال،، و قالي اختي نحن من جمعيه ؟؟؟ الخيريه و انتي من مشاركين بالبرنامج الخيري و انا مندوب قوليلي وين بيتكم بالضبط عشان اي استلم من عندج المبلغ .. المهم قلتله اخوي انا الحين مش متوفر عندي المبلغ لاني في بيت اهلي .. قالي ما شا الله متزوجه .. قلتله هيه .. قالي حتى انا جريب بزوج .. قلتله الله يوفقك .. حسيت انه مصخها ويبا يسولف وتم يسالني عن منطقتنا و يخبرني يقولي فلانه اللي ساكنه بمنطقتكم بعد دوم تتبرع معانا وتعرفيني فلانه وفلانه و يرمس ويرمس عن عمره ويقولي انا بعد بعرس جريب بس باخذ وحده برا البلاد .. قلتله اخوي انا بسكر و خلاص لما ارجع بيتي و بوفر المبلغ تقدر تمر توصله للجمعيه .. حشى لزقه ><

الاسبوع الياي اتصل ،، كنت حزتها بالمستشفى تعبانه من الحمل ,وقالي اختي انا خلاص ها اخر اسبوع لي بالجمعيه الخيريه لاني متطوع للعمل عندهم .. قلتله انا حاليا بالمستشفى و جزاك الله خير و خيرها بغيرها .. انا شخصيا بتواصل مع الجمعيه و بطرشه لهم .. المهم تم يحاول يقولي لا انا بي وبزورج بالمستشفى و ما نبي نتعبج قلتله خلاص ما صارت امسخت السالفه >< .. هالكلام كان برمضان ..

<< و الله لو ادري انه نيته سيئه ما كنت رديت عليه ,, والله ما كان قصدي الا اني اسوي الخير و اشارك بهالمشروع الخيري ..

مرت الايام ولاحظت انه ارقام غريبه اتيني بشكل كبير والارقام تتكرر و يطرشون مسجات << طنشت و ما كنت ارد ع حد .. كنت بحاله صعبه و نفسيتي تعبانه و مشاكل مع زوجي فما فيني اقوله عن الارقام و تزيد المشاكل..

المهم بالامس وصلني مسج :: الاخت ….. (( اسمي ))…. انا اعرفج !! واريد اكلمج بموضوع مهم ..

انصدمت منو ها ؟؟ من وين عرف اسمي ؟؟ لا و هالرقم مب غريب عليه ،، من الاشخاص اللي تصلوبي ..

لاشعوريا رديت عليه من الخووووف شو السالفه ؟؟

قالي انتي الاخت …. و ساكنه بهالمنطقه وهذا رقمج ؟؟ قالته انته منو و كيف عرفت عني و شو تبا !!

قالي انا صراحه بخبرج عن شي تعرفين شخص اسمه ؟؟؟ من جمعيه ؟؟؟ الخيريه ..

انا سكت تقولين حد صب عليه ماي بارد ؟؟

قلتله هيه هذا مندوب الجمعيه كان يتصلبي برمضان عشان موضوع الخيريه ..

قالي انتي كنتي ضحيه لواحد حقير وسراق وانا حبيت اخبرج و انصحج ..

قلتله ليش شو السالفه ؟؟<< مدري ليش كنت خايفه و اصيح و الله انه ما بيني و بينه شي هالانسان و الله بس كنت ابي اسوي الخير و اشارك بالمشروع الخيري ..

قالي هالانسان انا واحد اعرفه و قالي ييلس ويانا بالميلس مع الشباب .. وهو عراقي الجنسيه ساكن بالامارات .. وقال مره بعد رمضان يانا بالميلس و مستانس الاخ و يقول للشباب :: شباب انا خلا بعرس و عندي بنت منو يبا يتعرف عليها بنت حلوه اسمها ؟؟؟ من منطقه ؟؟؟ << حسبي الله عليه وين شافني !! انا لا طلعتله ولا عطيته المبلغ اصلا خلاص كنسلت السالفه من قالي انه خلاص بيطلع من جمعيه ..

المتصل يقولي كان مفتخر و مستانس و تم يوزع رقمج بين الشباب ،، وقالي في شباب قلوبهم ضعيفه خذوا رقمج و خزنو عندهم

حسبي الله عليهم حسبي الله عليه هالنصاب << عشان بس يتفاخر جدام ربعه يقوم يوزع رقمي و يخبرهم باسمي

تخيلوا لو كان اللي بين هالشباب واحد من هلي شو بيصيرلي ،، و الله اكتبلكن و الدموع بعيوني .. مايخصني بهالسوالف ومايهمني باالهدنيا غير بيتي و زوجي حسبي الله عليه هالظالم حسبي الله عليه .. بمووووت من الخوف و الله ناس مافيها خير ..

قالي وانا كنت واحد من شباب اللي خذيت رقمج وقال كان غرضي بالبدايه العب عليج بس انتي ما كنتي تردين ع رقمي ..

قال الله هداني و امس بالصدفه شفت اني مخزن رقمج بفوني للحين و تذكرتج قلت لازم انصحها و احذرها ،، قال ما اعرف شو اللي خلاني اطرش هالمسج بس ابا اخبرج بهالموضوع ..

قالي وانا قمت و مسحت رقمج من تلفونات ربعي اللي اعرفهم و قالي لاتردين ع ارقام غريبه لاتخلين حد يقص عليج وقالي هالانسان اللي مسوي عمره متطوع لعمل الخير كان يسرق فلوس من الجمعيه ..
شكرته ع فعله و قلتله جزاك الله خير انك نبهتني .. وقالي لاتحاتين انا بمسح رقمج من ارقام ربعي و الله يوفقج بحياتج و سكر عني ..

حسبي الله عليه يسرق فلوس الفقراااا و من التبرعات و يوزع ارقام البنات ع شباب .. و القهر مسوي عمره مواطن ..

يمكن بعضكن يقول لو انتي تبين تسوين الخير ماكان له داعي تتواصلين مع هالانسان ..

بس و الله كانت نيتي اسوي الخير و خصوصا انه بشهر رمضان و نيتي كانت للخير و الله .. وقلت دامهم يوصلون للبيت زين بما اني انسانه ما اسوق و قلت الاجر لو كانت صدقه بالخفيه احسن من اني اعطي حد من هلي و اقوله تبرعولي بهالمبلغ للجمعيه ..

صح الموضوع انتهى ..

بس انا حبيت تكون قصتي عبره لكن خواتي و لاتردن ع الاشخاص اللي مسوين عمارهم تبع جمعيه خيريه و يبون الخير و في قلوبهم حقد وكره لعيال امارتنا الحبيبه و يبون ينتقمون منهم باي طريقه ..

قسم بالله قهررررررررر قهررررررررر اللي قاعد يصير بهالدنياااااااااا

ما عليه اختي لا تضايجين والمشكله انحلت من ولد الحلال

.. وكلي امرج لله فيه

والله يوفقج زواجج

اللّه يحفظج دوووووووووم,,,يارب

حسبنا الله ونعم الوكيل

الله ستر عليج الحمدلله

ولازم نتحذر من هالسوالف

الناس يخوفون هالايام

الله يحفظناااا

اعوذ بالله من هالناس ..

صدق مافيهم خير ..

الله بياخذ يزاج منه ..

امبيه ><

مره اتصلوبي بس الحمدلله اللي طرشوها عشان تستلم البيزات هي حرمه

وبعد مره امسات متصليبي وقالو بيمرون لما كنت عند امي بدبي بس مامرو ..

الله يكفينا شرهم >< ,, ناس بلا ذمه وضمير ..