يله عاد يابنات وخاصه العرايس..كل وحده مملوج عليها او مخطوبه او متزوجه تقول لنا
كيــــــف إنخطبت؟؟
شافوها بعرس؟؟ إمدحوها للعريس؟؟ رفيج أخوها؟؟ يقرب لها؟؟؟ زميلها فالعمل؟؟؟
طبعا هذا نصيب ومكتوب لكل وحده وهي فبطن امها لكن نبغي نعرف كيف تم الموضوع!!
يله بنات الكل يشارك وخلونا نستانس ونتذكر الايام الحلوه
اسمحولي أبدأ بنفسي
انا وهو نشتغل مع بعض وعجبني وعجبته وعلقني وعلقته طلبني للزواج وفرح قليبي وتم بحمد الله
الفال لباقي البناات يااااااااااارب
يله دوركم عاد
الله لا يحرمني منه ويبعد شياطين الانس والجن عن حياتنا يارب ويبعد الحساد اللي ما يبغون يودرونا في حالنا
حلوه سالفتج والله تمينا نضحك في الدوام ع سالفتج
يالله كملوا الباقي وادعولي ربي يرزقني بالزوج الصالح
احيد كان باقي اسبوع على رمضان ,, ابوي قالي تعالي ابيج بسالفه انا خفت قلت ليكون مسويه شي <<<< شكيت بعمري ,,, دخلني الغرفه وقالي ترا فلان ولد فلان يبيج على سنة الله ورسووله فكري بالموضوع وصلي استخاره وردي عليه ,, انا الصدمه على ويهي ,, قلت بقلبي معقوله يتذكرني لانه كنا صغار نلعب مع بعض ومن كبرنا افترقنا لانهم من اماره واحنه من اماره ثانيه ,, المهم عداا رمضان وانا مستحيه اني ارد على ابوي ,, وبنفس الوقت ابوي ما كان يسالني قلت بقلبي خلاص شكلهم هونو ,, وطنشت السالفه ,, وعقب فتره اخوي نواا انه يخطب وحط بباله اخت الريال يلي خطبني ,, انا انصدمت منه قلت ليكون ابوي بدل ما يرمس اخوي مرمسني انا ,, المهم احيد كان عقب اليوم الوطني بيوم ابوي قال يالله بنروح بنخطب لاخوكم ,, فرحنا كلنا خواتي واخواني لبيتهم ,, الرياييل بالميلس واحنه البنات بالصاله ,, عاد احنه فينا فضول حتى العروس نبي نعرف شوو يقولون بالميلس ,, عاد انتشرنا كل حد بصوب يبي يسمع ,,, وعقب نادو على حرمت اخوي عسب يعرفون رايها ,, وقالتلهم انها موافقه ,, وعقبها نادوو عليه يسالوني موافقه على فلان هني حسيت سطل ماي بارد منصب عليه ,, ماتوقعت انه يخطبوني رسمي بها اليوم ,, من الصدمه مارديت ,, جااااان اتصل بربيعتي واقولها الحقي عليه يينا نخطب لاخوي وخطبوني انا بعد ,, وعقب اسبوع يوو بيتنا عسب يخطبوني رسمي ,, والحمدلله انخطبنا وملجنا وعرسنا ,, وعسى لا يحرمني منه ويخلينا لبعض
اسمحولي طولت عليكم ^^
المشاركة الأصلية كتبت بواسطة حبيبتي ايمي 
حلوه سالفتج والله تمينا نضحك في الدوام ع سالفتج
يالله كملوا الباقي وادعولي ربي يرزقني بالزوج الصالح
بمسح ردي ما فية تقرين في الدوااام ويطلع ريلي بدوامج وتوصله السالفة خخخخخخخخخ
لي عوده
يعني عن طريق بنت عمي رمسووها ورمستني وشي من هالكلام ….
مشكوره ع نقل ويسلموااا فديتج