كيف اتصرف مع هالخدامه ممكن تساعدوني 2024.

على طول بدخل في الموضوع اوكيه

بنات انا عندي خدامه انونيسيه كبيره في العمر بشكل عام تعتبر بالنسبه لباقي خدم العايله زينه والله عالم مافي قلبها اقدر اعتمد عليها اذا عندي ضيوف اذا بسير مكان يعني مطمنه من عدة نواحي صوبها وحتى اذا غلطت والله ركض اتيني وتعتذر وماتروح الا اذا قالت لي مدام مب زعلانه

لكنها تقول الاشياء اللي تصير في البيت للخدم مثلا كانت صايره سالفه في البيت وسايره هي وقايله السالفه حق بشكارة خالو يالله على التيلفونات والسوالف اللي ماتخلص بشكارتج قالت وقالت بعدين قلت لهم دام ان بشكارتكم قالت لكم السالفه اكيد هي بعد اطلع اسرار بيتكم بعدين صخو عني والشي الثاني اللي مضايجني منها انها وايد تسال مدام وين بتروحين مدام شو هذا مداوم ومدام واساله سخيفه انا وايد عصبيه بس اكون ماسكه اعصابي لاقصى حد مابي اعصب عليها لانهم مايتامنون بس اذا وحده فيكم مجربه تخبرني شو اسوي والا اسكت احسن ردو علي دخيلكم

اممممممممممممم … دامها مثل ماتقولين انها زينه ومرتاحه لها … خبريها بها النقطه انه ليش تطلع سوالف البيت .. قولي لها انه كل شي يوصلج وانج تدرين عنها … وحذريها من هالشي … وعن سالفة الأسئله .. لا تقولين لها عن المكان بالضبط ..بس قولي لها كل ما تسأل( بسير شوي وبرجع) لين ماتنطب عنج…والله يوفقج وياها

وقفيها عند حدها
لاتعطينها ويهه ولاتردين عليها يوم تسالج

هلا الغاليه انا بحاول اني اساعدج .. الغلا الخدامات ما اين الا بالسياسه …. لو انا عنج بناديها وبيلسها بقولها انا يوم اخترتج صليت صلاة الاستخاره والله راواني انج زيينه والحمد لله انتي يوم يييتي كل شي فيج زييين .. الحين انتي وحده من البيت وامرج يهمني .. وعيالي عامليهن شرات عيالج او اخوانج الصغار وانا لا يمكن اثق في حد غييرج .. بس انا يضايقني لو اي شي يصير فالبيت يطلع برا … واي شي انتي تنقلينه برا بيوصلني لاني استخرت ربي فيييج وكل شي مب زيين تسويينه الله بيبينه …..

حبيبتى طالما بتقولى انه كويسه وبتعتمدى عليها فى اشياء كثير كلميها بالمعروف وقوليها انا ما احب اسرار بيتى امى تعرفها فاهمة- وبعدين ما فيش داعى تخليها تكلم مع خدم الأهل لأنها اكيد بتدلوا الاخبار بين بيوتكم- من ناحية مدام وين رايحة قولها انا رايحة مشوار لو في اى شيئ تقدرى تتصل على الموبيل، ما فيش داعى تسألك انت رايحة فين ولا قدى ايه هتغيبى عن البيت –
نقطة مهمة مرة قوليها انا خارجة مشوار وهارجع بعد 4 ساعات مثلا وارجعى بعد ساعة علشان ما تشعر بانك بره البيت تتطمن وتسيب الدنيا هايصه.

مادام انها زينه واحسن عن غيرها تحمليها ويبها بزين وبسياسه وقوليلها انها من اهل البيت وحالها من حال اهل البيت وما في احد في البيت يطلع اسرار البيت وباج تكونين مثلنا وما تخبرينها بلي عرفتيه ولا الي غالج ومن ناحيت طلوعج لاتخبرينها لا مت طالعه ولامت يايه ولوقدرتي تودينها عند حد وانتي طلعه بيكون احسن وسمحيلي على الاطاله