كيف نعودها عل الحجاب 2024.

شحالكم بنات وخصوصا الامهات بنات بنت اختي صف سادس وما تتحجب وهي في مدرسه استراليه هنيه في الدوله امها تقول ما اريد اغصب عليها وانا اشوف انها لازم تتحجب فكيف نخليها بروحها تطلب هالشي والمشكله المدرسه اللي هيه فيها ما يتحجبون مب مثلنا اول اذا ما تحجبنا ننظربحد عنده حل او خبره مع بنته اي طريقه خبرونا وانشا الله يكون في ميزان حسناتكم يارب

اختي رح احكي بعض الطرق وان شاء الله تجيب فايدة :
# ممكن تعطوها هدية عبارة عن شيلة وشي ثاني هي تحبه .
# اذا في احد من العائلة بنفس عمرها متحجبة ممكن انكم يوم تشوفونها هالبنت تقولون مثلا ما شاء الله حلوة الشيلة واااااااايد عليها طبعا تكون بنت اختك موجودة وتسمع هالحكي لكن ما تكون عينكم على بنت اختك حتى ما تاخذ الموضوع بعناد وكره للبنت ويوم ترجعون البيت او بالسيارة تتكلمون عن البنت بين بعض وكيف الشيلة مخليتها حلوة ومن هالحكي .
# ممكن تروحون السوق على محل الشيلة والعباية ويفضل في احد منكم تريد تشتري شيلة وحبذا لو بنت بنفس عمرها او اكبر منها بسنة – مو مشكلة – وبالمحل حاولو تشجعوها بالكلام الطيب ممكن تستخدمون البنت الي بعمرها هي الي تكلمها وتسالها كيف شايفة الشيلة عليها او كيف حلو لونها او التطريز كيف حلو ولا لا يعني هيك حكي بين بعض ، وطبعا مع بعض التشجيع منكم للبنتين .

اختي هذا الي خطر على بالي وان شاء الله اي جديد رح اوافيكِ فيه
وان شاء الله الاخوات هني مارح يقصروا معك
والله يهديها بنت اختك ويهدينا جميعا ويستر علينا وعليكم
دعواتي لكِ ولبنت اختك وللجميع
والسموووووحة
دمتي بود

السلام عليج

من تجربه ويا بنتي اول لبستا شيله من صف سادس لكن الحمد لله ربيعاتا كانن متحجبات وكانت تلف الشيله زين حتى المدرسه باركت الها جدام البنات وصفقو لها تشجعت :: على فكره بنتي في مدرسه خاصه :: ويمكن ابوها له دور لانه كان يقول لها ما بظهرج او بوديج مكان الا بشيله يمكن في البدايه تضايجت عقب ولله الحمد تعودت

:::::::::::::

لكن بالنسبه لبنت اختج هالشي امها لازم تغرس فيها هالشي ولازم تبين لها انه هالشي دينا فرضه علينا وما علينا من غيرنا :: وخلها تبتدي وياها برع المدرسه تلبسها شيله يوم مثلا بسير السوق او بيت يدتها وجذه لو حتى ما تلفها عقب بتتعود عليها شوي شوي وما بتودرها وبروحها بتتحجب وبتلفها :: اهم شي امها وراها وراها ما تودرها لازم وابوها بعد لازم يرمسها البنات يسمعون رمسة ابوهم اكثر ما ادري ليش ؟؟

والله يوفقها يارب

مشكورات خواتي ما قصرتن بس انا اعرف بنت عمها صف ثاني اعدادي حرمه يعني ونفس الشي ابوها غصبها على الشيله وتصدقين اذا محد اهلها ما تحطها نحن من جيه نخاف تحطها بدون اقتناع انزين بنات وين احصل الشيل الكويتيه الغاويه الملونه عشان تستانس عليهن

بالتوفيق ان شا الله

حاولوا تحببونها بالحجاب لما تلبس الشيله قولوا شو السالفه محلوه وجي وحاولي انج تخلينها تحبه لان لو ما حبته وانغصبت عليه يدامكم بتتحجب ومن وراكم بتفره ..

واضربوا لها امثله قولوا لها الحلويات النظيفه والاكل النظيف دايما مغطاي والكل يحبه ويبا يشتريه اما المكشوف وسخ وفيه جراثيم والكل يبتعد عنه والذباب يحوم حواليه فقولي لها انتي تبين تكونين حلاوه نظيفه والا وسخه ؟

يعني من هالاشياء

حبوبه..

أذا أنتي من دبي..

سيري (( سوق الصين)) دراغون سيتي.. في العوير..

عندهم من كل الألوااان.. والأشكااال والأحجااام..

وأنا من راااي كبدااايه بالأسكارفاات,, وااايد بتتشجع..

وخذولها الألوااان على حسب ملابسها.. أحس واايد بتستااانس..

وعسى الله يهديها.