انا والده من 40 يوم الحمد لله و الله رزقني بولد 
احلى من القمر 
الحمد لله ولدت بقيصرية لانه نبض ولدي نزل وااايد وكان فخطر
الحين ابا امنع
اول ما عرست كنت اعزل و ما نفع معايه ما شاء الله دورتين والثالثه كان حمل 
انا ما ابا اخذ حبوب لاسباب صحيه 
وما اقدر اركب لولب الا عقب 6 شهور لانه مسويه عمليه
سالت دكتورة سوسن في مركز ناديه عن اللصقات قالتلي نفس الحبوب مفعولها بس ما تلعب بالمزاج والنفسيه وغيرة 
كتبتهن لي
بس انا فديتني ما عرفت الصقها 
مادري حسيتها ما تلصق
حد يعرف كيف يستخدمها وكيف الصقها
حد جربها قبل وحمل عليها اخاف احمل بدري
وانا ما ابي الا عقب 3 سنين ان شاء الله
يا ريت حد يفيدني اون لها من الشاكرين
للرفع
اذكر مره سمعت وحده اتقول ان اختها تلصقها على جتفها مادري عاد صح والا لا
طريقتها سهله واضحه بالصور اول شي تختارين مكان جاف وما يكون فيه شعر وتشلين الطرف الاول وتلزقينها عقب ماتلزقينها اتشلين الطرف الثاني واتمين ضاغطه عليها مده 10 ثوان او اكثر ….
بس في بنات يقولون انها ما تجوز لانها تمنع وصول الماي اسالي المشايخ عنها
واي سوال انا حاضره
سويت سيرج لقيت انه بنات من السعوديه يقولن : مفتي المملكه اجاز استخدامها
طيب هل ابدا مع اول يوم دورة؟
ولا عادي اي يوم؟