السيرة الذاتية حسب الترتيب الزمني:
يميل العديد من الناس إلى سرد خبراتهم ومؤهلاتهم حسب ترتيبها الزمني.
يمكنك أن تسرد مؤهلاتك العلمية وتاريخك الوظيفي بالترتيب من حيث الأحدث.
ومن مساوئ هذا الشكل:
هنالك تركيز كبير على الأحداث.
وتقليل من التركيز على صاحب السيرة الذاتية.
قد يحدث بعض التكرار في سرد المسؤوليات والواجبات التي كنت تقوم بها.
السيرة الذاتية الوظيفية:
هذا الشكل من السيرة الذاتية يلخص مجموعة الوظائف التي شغلتها تحت عناوين أساسية مثل ( التمويل ) ( الإدارة ) ( التواصل ) ………
هذا الشكل من السيرة الذاتية مفيد:
إذا كنت تملك تاريخا وظيفياً متنوعاً أي غيرت عملك كثيراً.
فهو يضع جميع خبراتك ومهاراتك الماضية أمام صاحب العمل.
السيرة الذاتية المختلطة:
هذا الشكل خليط للنوعين السابقين الزمني والوظيفي.
ويعتبر من اكثر الأشكال مرونة.
ويترك لك المجال للتركيز على مهاراتك وخبرتك.
ويغطى الفجوات في تاريخك الوظيفي.
ويساعدك في تحديد الهدف من سيرتك الذاتية من حيث العمل فى وظيفة محددة
في حاله انك شاب حديث التخرج يمكنك كتابه مهاراتك الشخصيه ونشاطاتك الاجتماعيه لازم تكون الانطباع العام للي يقرا السيفي للمتخرج الجديد انه الراجل دا طموح وعنده قدرات وهيعرف يتواصل ويتعلم وطبعا تكتب الكورسات ال يانتا اخدتها مثلا وانك اعددت مشاريع تخرج عن كذا وحصلت فيها علي كذا
ثانيا- يجب ان تقوم بتوزيع السيره الذاتيه في كل مكان يخطر علي قلب بشر
يعني تطبع منها كميه نسخ كثيره جدا ويفضل انك تطبعا طباعه كمبيوتر مش ماكينات طبع عشان ميبقاش شكل الطباعه متبهدل وتحضر حافظات لكل ورقه عشان يبقا كشلها مهندم انا عار فانها هتكلف شويه بس مش مهم كل دوت في سبيل انك تشتغل
تبتدي بالمنطقه الي اتا ساكن فيها لانه يكون افضل لو اشتغلت في منطقتك
تروح كل عماره كل شركه تروح توزع السيره الذاتيه.
كدا يبقا انتا خلصت اول جزي تيجي للجزء التاني
انك تبتدي توزع السيره الذاتيه الكترونيا عشان مواقع التوظيف والعمل الي علي النت كثيره جدا
والشركات الكبير بتوفر بدل متعمل اعلان علي الجرنان بتتجه لمواقع التوظيف والانترنت عموما
لذلك يجب نشر سيرتك الذاتيه في كل شبر علي الانترنت ))
تكتب علي العم جوجل مواقع التوطيف وتخش تنشر سيرتك الذاتيه زي السرطان
تخش علي المنتديات هتلاقي اقسام للتوظيف والعمل
هتلاقي شركات حاطه نمرت تليفون او ايميل ليها متكتفيش انك تبعتلها السي في علي الايميل اتصل بيهم
بالمصري خليك غلسسسس اعرف ناس كتير اتوظفوا بالطريقه دي
تروح تتصل بالمسؤل عن ال HR شؤن العاملين
عندك طبعا العم جوجل تقتدر تخش وتعمل بحث زي منتا عايز وهتلاقي ما لز وطاب
توقع انهم يتصلوا بيك ويعملولك اختبار في التليفون يشوفوك هل انتا مؤهل ولا ميضيعوش وقتهم معاك هيسالوك
انتا اسمك ايه مؤهلك ايه اشتغلت في ايه ابل كدا اتدربت علي ايه ابل كدا طموحك ايه تفتكر احنا لو قبلناك هنقبلك ليه هل انتا مؤهل للعمل معانا هتفيدنا بايه في الغالب هتبقا بالانجليزي فانتا اتدرب علي الاجابه بالانجليزي في كل الحجات دي وخلي حد من اصحابك يعملك مقابله شخصيه عشان تعرف اخطائك واياك والتهتهه واللعثمه
طبعا لو حسو انك مؤهل هيطلوبوك للمقابله الشخصيه
اولا في شوية حاجات لازم نكون عارفينها
و في خطوات معينة لكل انترفيو
و طبعا التوفيق دة من عند ربنا احنا بس نعمل اللي علينا
ثانبا
اول لما بتدخل الانترفيو بتسلم علي اللي بيعملك الانترفيو … السلام بيكون فورمال يعني
hello .. how are you
msh hi .. how its goin’
ممكن بيديك لمحة بسيطة عن الوظيفة المتقدم لها و معلوات عن الشركة و ممكن يبدا يسالك علي طول
( خلي الاسئلة شوية بس ) نتكلم عن طريقة كلامك و قعدتك و طريقة الرد
ايوة لأن كل دة مهم جدا جدا
بعد لما يخلص هيسألك عندك اي سؤال ( لازم دايما تكون محضر اسئلة) و هنقول امثلة كمان شوية
هيقولك اية اللي هيحصل و هيردوا عليك ف خلال اد اية و ينهي المقابلة
متنساش تشكرة علي وقتة زي
thank you for your time
nice to meet you
it’s been a pleasure to meet with you
ثالثا
خلال الانترفيو في حاجات لازم تخلي بالك منها
1- خليك واثق من نفسك و مستعد كويس و كمان متفائل
2-لازم يكون عندك معلومات كويسة عن الشركة زي جنسيتها عملائها المستهدفين بتشتغل ف اية بتقدم خدمات اية و منتجاتها اية كمان تكون
عارف المنافسين و مقر الشركة الرئيسي و حجم الشركة و فروعها
3-تعرف الوظيفة اللي انت مقدم ليها و تعرف هيا محتاجة اية كويس و تعرض نقاط القوة ف شخصيتك اللي تخليك افضل مرشح
4-تسمع اللي قدامك كويس اوي و تركز ف الاسئلة و في المعلومات اللي بيقولها
5- البنات مسموح لهم بالجلوس و انهم ( يحطوا رجل علي رجل) الولاد لأ … مش تفرقة عنصرية و الله
6- الولاد بيكونوا فورمال او لابسين بدل اكيد لمل يقعدوا هيفتحوا زراير البدلة
7- و لما يقوموا العكس
8-لازم تبص ف عين اللي قدامك مينفعش تبص ف الارض او تسرح ف حاجة لوحة مثلا علي الحيطة او تسريحة البنت اللي بتعمل الانترفيو او اي حاجة ملفتة للنظر خالص
9- لو هما 2 او اكتر من واحد….
ترد علي اللي يوجهلك السؤال و ترجع تبص للباقين و انت بتكلم و تنهي كلامك عند اللي وجة السؤال
لازم تبصلهم كلهم و انت بتكلم
10- مينفعش التهتهة في الكلام خد وقتك و خد نفس عميق و رتب افكارك و
رد
11- تجنب الاجابات القصيرة او الرد المبهم بردة تجنب الاجابات الطويلة اوي عشان متوهش منك الفكرة و متزهقش اللي قدامك
12- لما تيجي تقعد علي الكرسي متقعدش علي طرف الكرسي لان دة بيدل علي انك مش مرتاح و قلقان
كمان متربعش ايدك لان دة دليل عدم الثق.. بردة مطرقعش صوابعك و لا تعض شفايفك و لا تقرقض ضوافرك
13- تقعد علي الكرسي و تفرد ضهرك و تحط ايدك مفرودين علي رجليك و متحاولش تحط ايدك علي المكتب او الترابيزة و بالنسبة للبنات متحطيش شنطتك بردة علي المكتب
14- ممكن و انت بتكلم تعبر باديك بس مش اوفر عشان بيكون عيب
وان شاء الله بالتوفيق للجميع يا شباب
جزاكِ الله خيرا على الإفادة …