حبيباتي ممكن ترشحولى افضل اساس وبودره للوك البرونزي
مع الشكر مقما
وبوبي براوين اصلا ماركه للسمر فكل شي عندهم برونزي
انا احب برستيج لانها تنتج مستحضرات للبيض الي يبوون يسمرون يعني كانج مسوية برونزاج واررررخص من بوبي براون
برستيج بتحصلونها يا بنات من لايف ستايل
وهاي بعض المنتجات الي ممكن تستخدمينها
هذا مينيرال برونزاج بودر
وهني فيوجن برونزاج تقدرين تستخدمينه بلاشر والا اي شادو
هذا المنتج رووووعه اختي جربته مثل ستيك ملطف العرق الي نستخدمه وتمسحين جسمج فيه عشان يعطيج لوون برونزي رهيب والحلو فيه انج تقدرين تتحكمين بلون البرونز الي تبينه بعدد مرات الي تمررينها على جسمج لو تبين لون قوي مرريه كم مرة ولو خفيف على لمعه مرات خفيفه امسحي جسمج فيه وله فوايد انه مرطب والخ الخ لو تبين ابحثي عن المنتج واقري خصائصه
وهاي البودره للجسم وفيه منها للويه مال الجسم تييج علبتها عوووده اكبر عن كف ايدج مع اسفتجه وش كبرها
وهني درجه ثانية ونوعيه ثانية للبودره
هذا بعد معصار للون البرونزي
وما ننسى الارواج البونزية على قولتهم فيها مرطبات والخ الخ اقري عن المنتج بعدين
وهذا الرابط لباقي الالوان
https://www.beautyencounter.com/brand…lip-color.html
وهاي شيمر لوز باودر اي شادو عيبوني فقلت بحطهم
منتجاتهم حلوة الصراحه انا من لايف ستايل احب برجوا وبرستيج وان واي اكس غيرهم مو لهناك والي عندها معلومه والا مجربه شي غير هذول وعايبنها لا تبخلون علينا خلونا نفيد ونستفيد من بعض
وبالتوفيق
علوة كفيتي و وفيتي بس ان شاء الله يكون عندنا في جدة
مس ميومو قصدك سيلف تان