ليش كله على الزوجه؟؟ 2024.

اخواتي دايم اسألي روحي هالسؤال

ليش كله على الزوجه؟؟

يعني قصدي ليش الزوجه اللي هي دوم تقوم بكل شيء براحة زوجها وشو يحب وشو ما يحب اليوم بسوي له ها لا هو ما يحب ها لازم اليوم اروح الصالون لازم اغير لوك لازم البس شيء يديد لازم اصبغ شعري لازم احني يديني وريولي لازم اسوي جو رومانسي لازم اوفر له اللي يباه ولازم نترياهم لحد ما يرجعون البيت ولازم نريقهم ولازم ما اطلع الا بأذنه وما اسوي شيء الا بعد مشورته ولازم ولازم ولازم ….الخ وكل ها علشان الزوج

انزييين ليش هم ما يعاملونا مثل ما نعاملوهم ليش ما يحسون فينا

لا واللي قاهرني انه ما شاء الله فيه بنات ما مقصرات على ريايلهن بشيء من كل النواحي وفوق ها كله يأخذون الثانيه

ليش يعني حلال على الريال وحرام على الحرمه

اتريا ردودكم ^_^

بالعكس أنا عن نفسي أستمتع بحياتي كأنثى .. والحمدالله إني عايشه في هذا كله ..
وأنتي بطبيعتج الأنثويه غير وهو غير .. هاذي سنة الحياة ..
وبعدين لا تنسين في جوانب روووعه للأنثى بسس باسثناء الريال والعكس صحيح ..

مثلا .. الرياييل يكرفووون معظم حياتهم بالشغل ..

استمتعي بحياتج ولا تحطين هالشي في بالج وإذا مليتي من الروتين سيري بيت هلج أسبوع غيري جو وبتحسين عمرج راجعه وكلج نشاط حق تكملين مشوار حياتج ..

وربي يوفقج

اختي الغاليه دمعة حزن أنا ما أعرف شيء عن طرحج لهذا السؤال بس بصراحه كل انسانه معرسه لازم في فحياتها لحظات اتكون حزينه ولكن ولكن لا بد انه في لحظات حلوه بينهم والواحد لازم ما يذكر اللحظات السيئه أبدا بس لازم ما ينسى علشان يعيش حياته بشكل أحلى لأنه لو تم يذكر اللحظات السيئة ما يقدر يعيش باقي حياته

المهم اللي أريد أقولج اياه انه لا تنسين انه الله سبحانه وتعالى ما خلق الزوجين إلا ليستأنسو ببعضهم واتكون شراكتهم مع بعض وبعدين لا تنسين انه كله في ميزان حسناتج إذا انتي ما قصرتي في ريلج لأن الله سبحانه وتعالى قال في كتابه العزيز بما معناه انه الله سبحانه وتعالى إذا أمر المرأه بالسجده فإنها تسجد لزوجها بعد الله سبحانه وتعالى فدائما حطي في بالج انه اللي اتسوينه لريلج مقابل الجنه يا ختيه الغاليه

لانه هو يقدر يعرس عليها من جي كل وحده ماسكه هالريل بضروسها وريولها وهو لو خان تسامحه هي لو حانت بيت ابوها وطالق بالثلاث عشان جذه كله على الزوجه

هئ هئ
صدقتي والله المشكله لي ماسوينا اهلشي بننلام وبنعاتب وبنطلع فاشلين بنظرهم اما هم لا عادي ماعليهم شي

صح كلامج الغلا…..