ماعرف شو اقولكم من القهر.. وادري البعض ما راح يعيبه الموضوع… بس كلنا نحس وفالنهاية جدام رب العالمين محد احسن عن حد
والله اني مقهووورة.. تخيلي لان امج مش مواطنه تلقين كل التفرقه مب بس من الاهل حتى من الناس… يعني شو ذنب اللي يايه عالدنيا.. جنها اختارت قدرها ومصيرها… والله الود ودي لو كان هالشي بايدي جان ما اخترت اني انولد واعيش التفرقه 
شو يعني امي هنديه انزين!!!! تراها ربتني وكبرتني وعلمتني… والحمدلله احسنت تربيتي..
تعرفون شو اكثر شي تعلمته فالدنيا.. الصبر.. على كثرالمصايب اللي صارت لنا من صغرنا سواء وي اهل ابوي الله يرحمه ولا من الناس…
ابوي الله يرحمه.. مادري شو اقول بس.. الله يسامحك بس فكرت في نفسك وتزوجت ويبت وحده فقيرة ترعاك لان مافي مواطنه رضت فيك.. بس ما فكرت فينا.. ونحن اللي تلتهنا عقبك..
واخواني واهلي من ابوي.. ما اقول غير الله يسامحكم.. تضاربونا في حقوقنا… وتتحكمون في الصغيرة والكبيرة… وتسمونا عيال الهنديه بدال اخوانا..والله ان قلتلكم قصة حياتي بتنصدمون.. من الظلم اللي شفناه واكل الحقوق…
والله العظيم انا مواطنه وبنت عرب وجبيلة معروفه في الامارات.. انا اللي اسم ابوي معروف عشت حياة الوافدين والهنود في صغري وطفولتي.. شو بقول و شو بخلي الله كريم….. اصلا ما عشت طفوله من الظيم و المشاكل
تدرون قبل يوم اشتغل انخطبت.. بس من يدرون ان امي مش مواطنه يشردون.. ليش شوفيني غير عن بنات المواطنات.. اصلا انا اللي ما اتشرف اذ واحد يعايرني.. ولا ابا ولد مواطنه يقولي يا بنت الهنديه
والله من قهريه كتبت هالكلام.. من اقول حق وحده امي هنديه تتغير معاملتها لي مثل ما صارلي من وحده والله وايد اضايجت.. عايرتني الله يسامحها
جني يربانه محد يقرب صوبي
عالاقل الوافدات احسن من بنات البلاد اللي يتطنزون
معقوله الرمسه للي يالسه اقرهااا
نحن 2024 وبندخل 2024
وشش نااااس جي اتفكر
الصراحه يعني لو اخويه فكر يخطب وحده امهااا هب مواطنه عادي عندي
بس اهم شي اتكون عاداتهااا شرات عادتنااااا
الله يهديهم ويشافي النفوس المريضه
والصراااحه ماااااله داعي اي عنصريه بين جميع الجنوووس العالم ودين دينا دين التســــــــامح هــــــــــــــــــــــب دين عســـر ع الناس <<<
والناس للناس والكل بالله (( ونعم بالله ))
وقال النبي (ص) لافرق بين عربي ولا اعجمي ولا احمر ولا اسود الا بالتقوى .,,..,,
فديتج واحناااا كلنااا عيال ادم وحواء ^_^
اختي ما عليج من حد هاذي امج اللي ربتج وتعبت عليج
لازم تفتخرين فيهااا
فديتج مب عيب ولا حرام ان امج هنديه
وكلنا عيال حوا وادم ومحد احسن عن حد
كلنا من التراب خلقنا والى التراب سنعود