كيف حالكن اخواتي ،،، عساكن بخير وسهاله ،،
اخواتي فديتكن انا عندي مشكلتين
مشكله نفسيه ومشكله اسريه … ارجوكم اتساعدوني في حلهن
اولا المشكله النفسيه:
انا اعاني من عدم التركيز ووايد اسرح جني مغيبه عن الوعي ، واحس اني دوم مستعيله في كل شي اسويه ،واي شي اسويه او اشتريه ما يعيبني واحس اني مخنوقه وابا اصيح، اشوف كل الناس ضدي واني انا مظلومه ،، هذا الشي مأثر علي وعلى زوجي وعيالي الصغار لني كله معصبه عليهم واصارخ ،،،،
ثانيا المشكله الاسريه: ناتجه عن مشكلتيه النفسيه
وهي ان حياتنا مستويه فوضى لني وايد كسلانه ومتعايزه واتكل عالخدامه في كل شي.اريد اغير حياتي وانظمها بس مب قادرة ،،،،،، افكر اني استغني عن الخدامه بس متردده لان هذا الشي صعب.
السموحه ،،، واتمنى تدعولي
كل يوم شغلى قران في البيت
حاولى تبين ورقة وقلم وتكتبين الاشياء الايجابية والسلبية الى فيج
وحاولى كل يوم تغيرين من الشي السلبي فيج وكل يوم قيمى نفسي هل خففتى من الشي السلبي او لا
وبالنسبة للشغالة اول شي حاولى تتغيرين وبعدها شوفى هل محتاجتنها او لا
وان شااااااااااااااااااء الله تتغيرين الى الافل ةالله يخليج لزوجج وعيالج
وثاني شي لازم تعتمدين ع نفسج شوي (خصوصا في عيالج) أنتي لازم تلبسينهم و تختارين ملابسهم…
و فرفشي و لا تفكرين في شي …. وغير نظام البيت شوي…يعني غيري أماكن الكنبات أو غيري بعض سجاد البيت و زيدي مناظر ع الجدران…..و انتي بعد أهتمي في نفسج وكشخي….وأهم شي تكونين واثقه من نفسج..
ولا تستغنين عن الخدامه