بناات انا واايد مضاايجه من ريلي
نحن اتفقنا ان نسير نختار الاثاث مع بعض لانه ابا الاثاث يكون حلو وهو ما يعرف حق هالسوالف
قالي يوم الخميس بنسير قلت له ماروم يوم الخميس عندنا حفلة في الجامعه وخبرته ان الحفله بتبدا الساعه 12 وبتخلص الساعه 2 قالي لا تسيرين الحفلة ومادري شو قلت له اربيعاتي كلهم سايرات وانا اوريدي ماخذة التذكرة حق الحفلة ومتحمسه حقها من شهر 3 وهو يعرف ها كله
البارحه كان متضاااايق لان اذا خذنا الاثاث الحين لازم الشقه تنقفل (( للعلم هو ساكن الحين في الشقه اللي نحن بنسكن فيها بعد شهرين )) انزين ومعاه في الشقه ولد عمه قلت له اوكي عادي بس الغرفه لازم تنقل اذا ركبنا الاثاث يعني اثاث معاريس لازم محد يشوفه ويستخدمه عصب علي وقال لي انا وولد عمي ما بناكل الاثاث اونه >>> اتخيلوا بنات يعني يبا يشتري اثاث ويبا يستخدمه هو وولد عمه قبل ما انا استخدمه عصب علي ويوم شفته عصب سكتت لاني اعرفه يوم اعصب وقال لي سكري مابي اكلمج حاولت افهمه واكمله بس كان معصب وسكر عني
بعد نص ساعه اتصل وهو مستاانس قال لي خلاص فلانه >> اخته بتي وياي بسير اختار الاثاث وانتي كيفج لو تبين اتين تعالي وكان مستاانس انا تضااايقت وايد لانه يوم يكون مضايق ما يحب يكلمني ابدااا واذا حاولت اهديه والا اواسيه يعصب ويبند ف ويهي قلت له اوكي
يعني بذمتكم اثاث غرفتي وبتختاره اخته قلت له اوكي بنسير يوم الجمعه قال لالالالا انا وفلانه يوم الخميس بس عندنا اجازة يعني هو اختار هاليوم لانه هم الاثنين اجازة ويعرف اني لو سرت اختي بتي وياي واختي في جامعه العين اتي العصر وهو يبا يحرك الساعه 12 وقت ما تبدا الحفله (( نحن بنسير الشارجه عشان نختار الاثاث )) ويعرف ان عندي جامعه وكلاسات وبالذات هالخميس بكون مشغوله بالاحتفاال وانا من المنظمات يعني مب حلوة اعتذر من البنات بعد ما اتفقنا ع كل شي
ادري بتقولون ماله داعي هالضيج كله بس اكثر شي ضايقني انه يوم يكون معصب ومضايق ما يبا يكلمني
امي دووم تقول لي ماعليه خلها تختار وقوليله عاادي بس بنات انا وحده احب الفخاامه مب الدفااشه بس الفخاامه واخته اتحب الشي السمبل واااااايد يعني فستان العرس اول شي اختارت لي فستان واايد سمبل وقالت لي لا تختارين فستان فيه وايد فصوص وكريستالات اونه مال اول الفصوص والكريستالات ما تستوي مال اول وحلاة فستان العروس يوم يكون مرصع بالكريستالات المهم ما طعت اني البس الفستان اللي هي اختارته لانه عرسي انا ومب الشي اللي انا احبه لانه ابدا مااافيه شي مميز وواااايد سمبل والحين تبا تختار الاثاث
الله يسامحه ويهديه …
اذا هم اختااره او انتي00فكري بأيجابيه يعني قصدهم انهم
يقضون عنج الشغل والتعب يعني نيااتهم راحتج وتفرغج لشغلج وجامعتج
الله يهدي النفوس 00لاتبتدين حياتج الزوجيه ع زعل وسوء تفااهم
امتصي غضبه قدر المستطااع والله يسعدج ويتمم لج ع خير الغاليه
بس واضح ان ريلج عند راسه ويبى يختبرج
الله يعينج
وهالحياة كلها اختبارات
دومج تبين تكملين معاه بالهدوء
ممكن تقردنينه بكلمتين
يعني شورك ورضاك اهم شي ومن هالكلام
وحاولي تكسبين اخته و تتفقين وياها تصورلج الاثاث قبل ليشترونه
عشان يكون عندج فكره
والحياة الزوجية يبالها صبر وذكاء وطولة بال حبيبتي
عشان بالاخير تحصلين اللي تبينه
المشاركة الأصلية كتبت بواسطة * ام خماس * 
اذا هم اختااره او انتي00فكري بأيجابيه يعني قصدهم انهم
يقضون عنج الشغل والتعب يعني نيااتهم راحتج وتفرغج لشغلج وجامعتج
الله يهدي النفوس 00لاتبتدين حياتج الزوجيه ع زعل وسوء تفااهم
امتصي غضبه قدر المستطااع والله يسعدج ويتمم لج ع خير الغاليه
اختي المشكله انه عادي عندي يوم الجمعه والسبت وهو اجازة واخته بعد اجازة بس يوم قلت له ان اختي بتي وياي واخوي الصغير قال شو رايج اتيبين بيتكم كله بعد يعني هو يروم يسير يوم ثااني بس مادري ليش جي يسوي انا عادي عندي والله بس اخاف الاثاث ما يعيبني لاني اعرف ذوق اخته
مشكورة ع الرد اختي الغالية ويعطيج العافية