مدرسات رابع أحب أسطر لكم كلمه شكر لازم تنقال في حقكن علي المجهود والتعب اللي تبذلنه ويا عيالنا أنا أم لبنت في صف رابع مشكلتي معاها أنها ماتخبرني عن إمتحاناتها يعني من بدأالفصل الثاني مافيه يوم يت تقولي اليوم الفلاني عندنا إمتحان كلة اسألها تقول الأبله ماخبرتنا متي وأنا بصراحه أحسها تكذب يعني مستحيل يطوف شهرين واثر ماياخذون ولامتحان في أي ماده والمشكله الثانيه مب عارفه كيف أخليها تحفظ جدول الضرب حاولت بالترغيب والترهيب مافيه فايده أرجوكن خبرني شووأسوي معاها كيف أغيرها وأخليها تهتم بدروسها حتى لو أنا مب موجوده .
أنا ماني مدرسة .. و لكن خليني أقولج وجهة نظري في مسألة بنتج .. الظاهر إن البنت عندها خوف مدري من شو بالضبط .. سيري المدرسة و شوفي المدرسة المشرفة عليها .. يمكن عندها ضعف في مادة من المواد .. أو إنها تخاف تراويج درجاتها في الإمتحان و تعصبي عليها .. و بالنسبة لجدول الضرب .. استخدمي الوسائل الموجودة في البيت .. مثل الفواكه البلاستيكية أو الأقلام أو أي شي يخطر في بالج .. لأن عقل الطفل يستوعب هالأشياء .
هذا إللي عندي .. ومدري إذا أفتدج أو لا .. لأن ما عندي خبرة . ^^"
هلا إختي ….المفروض إتابعينها وإتشوفين بنفسج كتبها + ورقة الواجبات ….خليج على إتصال مع مدرساتها يعني إتابعينها … حاولي تتقربين من بنتج وبطريقتج في الكلام حاولي تفهمين منها شو المدرسة ؟ شو الواجبات ؟ شو أحسن مادة؟ شو لو كنتي معلمة ,ووووو من هالكلام ممكن تفهمينها شو المشكلة إذا كانت في مشكلة بالنسبه للدراسة …. أنا كنت أعاني مع ولدي لين مافهمته ..
جدول الضرب يبغي التكرار اليومي يعني ابدي معاها في جدول 2 بس وكرريه معاها طول اليوم بس جدول 2 وركزي عالارقام اللي تغلط فيها بس خليها بطريقة مرحة يعني كرري عليها الرقم اللي ما حفظته بين الارقام اللي تعرفها ويوم تتقنه انتقلي بها الى جدول 3 وبالتكرار المرح وانتو تتغدون وانتو تطالعون التلفزيون قبل ما تنام بس بطريقه مرحه عشان تتجاوب معاج واهم شي التركيز عالارقام اللي تغلط فيها وبالبسبة لامتحاناتها لازم اتابعينها في المدرسة واتكلمين الاخصائية وهي بتساعدج واسمحيلي عالاطالة
السلام عليكم
كأنج تتكلمي عن بنتي نفس الشي بالضبط .
وتسلمين
كأنج تتكلمي عن بنتي نفس الشي بالضبط .
وتسلمين
مشكورات خواتي الغاليه أم وليد تعرفين أنا شو ماحب شي أسمه دلع وهي دلوعه وبعدين أنا ماعندي سياسه يعني كله بالويه ذاكري يعني ذاكري وحبسه طول اليوم في غرفتها ويوم تطلع ماتجاوبني علي أي سواال بجرب طريقتج وبدعيلج لو حفظته .
سوووري الغاليه أم ريما22 كتبتج أم وليد