موضوعي هو عن مراحل تطور الكيك في الامارات او نقدر انقول في العالم العربي من التسعينات الى الان 
طبعا قبل الحياه كانت ابسط من الحين ماكان في وسائل تكنولوجيا مثل الحين والانترنت كان متوفر فقط عند الناس المهمين ورجال الاعمال…. وطبعا ماكان في قنوات فضائيه وايد مثل الحين وبرامج الطبخ كانت محدوده وكتب الطبخ ماكانت منتشره وايد وغير جذي الكيك كانوا يسوونه الناس في البيت تقريبا في الشهر مره او كل اسبوعين مره وكثير من الاحيان يشترونه جاهز …. اول كيكة انتشرت بين الناس هي كيكة بسيطه جدا وهي كيكة الفانيلا اللي تتكون من مقادير الكيك الاساسيه الطحين والبيض والبكنج باودر والفانيلا هالكيكه في هذاك الزمن كانت انجاز والناس كانت تتلذذ بطعمها حتى انه يوم كانوا يسوونها كانوا يحسون انها تاخذ وقت لين ما تخلص لكن الحين هالكيكه اسويها في 5 دقايق بس قبل ما احطها في الفرن طبعا قبل الوقت كان يمشي ببطء
كيكة الفانيلا قديما بسيطه ومن غير تزيين ولا كريمه ومع ذلك كانت لذيذه يمكن الحين ما انحس بلذتها مثل قبل
وبعد شوي طلعتلنا كيكة يديده مع نكهه واللي هي كيكة البرتقال وانتشرت بين الناس
وبعدها طلعت نكهة ثانيه اللي هي كيكة الاناناس اللذيذة ونقدر انقول كانت اول كيكة مزينة 
وبعد فتره طلعت كيكة الشوكليت الساده طبعا من غير اي شي وكانت تعتبر كيكة من الطبقه الراقيه
وبعدها بشوي قمنا انزينها بكريمة الدريم ويب تزيين متواضع
اما الان فأصبح الكيك متوفر بشكل كبير وبنكهات عدة واشكال مختلفه واصبح كل بيت يسوي الكيك بشكل شبه يومي ولم يعد يأخذ وقت طويل في صنعه والحصول على وصفات الكيك صارت سريعه بمجرد ما ندخل النت نقدر نلقى اي وصفه نباها وكتب الطبخ اصبحت متنوعه وفي متناول الجميع
اشكال مختلفه من كيك الشوكليت
كيكة الجزر
كيكة الفواكه
كيكة التمر
كيكة البلاك فورست
بالاضافه الى الكب كيك المنتشره بكثره وبقوة باشكاله الجذابه
وشــــــــــــــــكـــرا 
شكرا كتير عى الطرح
بس لو مكتوب طريقتهم كان أروع
يالله تعالي سويلي من يدك يا حلوه وابغاها زي الي في اخر صوره..
ههههههههههههههههههههههههههه