اشحالكم أخواتي الغاليات
حبيت أستفسر منكم
منو يوم ربت في مستشفى الكرنيش
عطوها حبوووب منع الحمل الي جربته ترد علي
عن نفسي ما أنصح أي وحده يا أخواتي تاخذه مب زين يابلي المرض بغيت أموت والله يعافيكم
تعرفون شوصار أول شي ردوعلي بخبركم
انا بولدي الاول خذتهن قالت لي اكلهن بعد ثلالالاث اسابيييع .. بس انا كلتهن بعد شهر وكملت شهر وانا اطفح من ها الحبووووب .. لييين ما حسييييت بالمووووت في محاملي ورحت عند دكتووورتي و نزلت عليه الدوره اول شي وعقب عطتني حبوب سيرازييت مالت الرضاااعه واللهم لك الحمد والشكررد كل شي طبيعي … وباثاني قالن تبين حبووووب قلت لهن لا دخيلكن مشكورات عندي تجربه سابقه شكرا …
ويلالا خبرينا شو استوا فيج يوم كلتيهن …
انا جربت هالحبوب بعد ولادتي الاولى لمدة سنتين والحمدلله ما شكيت باس وبعد ولادتي الثانية رديت وخذتهن لمدة سنتين بعد والحمدلله ما عندي اي مشكلة وان شاء الله ناويه اخذهن بعد ما اربي ومع انهن حبوب رضاعة يعني مثل ما يقولون مفعولهن مش اكيد في المنع هذا الكلام مش صحيح لان اذا استخدمتي الحبوب بانتظام تسويلج مانع وطبعا يختلف من وحده للثانية بس انا فادتني
المشاركة الأصلية كتبت بواسطة cute me 
انا بولدي الاول خذتهن قالت لي اكلهن بعد ثلالالاث اسابيييع .. بس انا كلتهن بعد شهر وكملت شهر وانا اطفح من ها الحبووووب .. لييين ما حسييييت بالمووووت في محاملي ورحت عند دكتووورتي و نزلت عليه الدوره اول شي وعقب عطتني حبوب سيرازييت مالت الرضاااعه واللهم لك الحمد والشكررد كل شي طبيعي … وباثاني قالن تبين حبووووب قلت لهن لا دخيلكن مشكورات عندي تجربه سابقه شكرا …
ويلالا خبرينا شو استوا فيج يوم كلتيهن …
مرحباااااااا الغاليه
أشكرج على مرورج
عاد أقولج السالفه
يوم خذيت الحبوب أول يوم عادي 2و3و4و5عادي
طاف اسبوع بس جفت نفسي دراااااام منتفخه نفخ شكلي موليه هب شي
وستمريت عليهم 30 يوم مارمت أتحمل ويوم هديتهم أقولج 1و2عادي و3
يودي عمرج من العوار مارمت أمشي بغيت أموت أموت من العوق الي ياني
تعرفين كنت أزحف عشان أسير احلمام الله يعزج وصيح وريلي يطالعني ويالس مايسوي شي ياس يقول ماعليه بخف عنج
اصبري لين 7 تيام و أنا طايحه على الفراش ويوم سرت عند الدكتوره
تقولي انتي مخج خربان كيف اتعقين الحبوب من دون ماتكملين 40 يوم
والحمد الله الله ستر ماستوالي نزيف الحمد الله وعطتني الدكتوره حبوب مسكنه لمدة 3 أيام
وبعد 3 أيام يودي عمرج يني ذاك العوق نفس الاولي
و المصيبه مب جذه قبل تحت والحين فوق شوسالفه وصيح وصيح صياح من العوار ماروم أمشي والله كنت أمشي مثل العيايز أحني ظهري و زحف من العوار ولدي يوم يصيح ماروم أرضعه أسير وأنا أزحف وماروم أرضعه
عقب
رحت عند دكتوره قالت لي مافيج شي
عقب رحت عند دكتور باطنيه
خذ تحاليل وأشعه
قالي فيج
1 قولون
2 تضخم في الكبد
كله بسبب الحبوب الي عطوني اياها المستشفى الكرنيش تعرفون ان الحبوب ماكانت اذوب بصراحه صدق عجب
والله لين اليوم أعاني من هذا لبشي وخطر علي ماروم أحمل و لين يومج مانزلت علي الدوره
والله يساعد كل وحده يوم تاخذ شي تفكر فيه أكثر من مره
المشاركة الأصلية كتبت بواسطة ام روضه2002 انا جربت هالحبوب بعد ولادتي الاولى لمدة سنتين والحمدلله ما شكيت باس وبعد ولادتي الثانية رديت وخذتهن لمدة سنتين بعد والحمدلله ما عندي اي مشكلة وان شاء الله ناويه اخذهن بعد ما اربي ومع انهن حبوب رضاعة يعني مثل ما يقولون مفعولهن مش اكيد في المنع هذا الكلام مش صحيح لان اذا استخدمتي الحبوب بانتظام تسويلج مانع وطبعا يختلف من وحده للثانية بس انا فادتني
أشكرج على مرورج الكريم
المشاركة الأصلية كتبت بواسطة جنة أمل هلا فديتج
دخيلج لا تخاطرين
مو كل شي يلمع ذهب
استمتعي بصحتج الغاليه
وأشكرج على المرور