حاولت اجمع اكثر الاراء فائده لان الغالبيه تعيد وتزيد في نفس الاسئله فالردود المفيده تضيع
بليز يا بنات محد ينقل موضوعي بدون المصدر لان وايد تعبت فيه
الجزء الاول وايد قديم والاسعار والدكاتره من 2024 وكل شي تغير فحبيت احط الجديد حتى محد يتوه
او شي حبيت اقول كلمه
التوفيق من الله وايد دكتورات شاطرات سون غلطات لا تغتفر ومستشفيات كبيره ومعروفه وصارت فيها بلاوي
الوحده تتوكل على الله اولا وتبذل جهد في انها تدور مستشفى ودكتوره زينين ثانيا
ومن اهم الاشيا يكون عند المستشفى عنايه مركزه للبيبي لان ما يندرى شو يصير خلال الولاده حتى لو كل شي اوكي فالحمل
وحده من الخوات ربت في ان ام سي وبنتها تعبت وماعندهم عنايه فاضظروا ينقلون البنت لزليخه والام تمت في ان ام سي
ووحده ثانيه تراجع من اول حملها عند اندريا فالدولي وكل شي تمام لين السابع نقص الماي فقالت لها روحي الوصل وراجعي هناك لان ماعندنا عنايه مركزه للطفل لان يمكن تولدين بدري والحرمه وافده يعني تروح الوصل عالاخير وتدفع مره ثانيه 5000 للمراجعات غير الي دفعته فالدولي وهي قربت تولد يعني دبل
فخذوا حذركم من كل شي
________________________________________
مستشفيات دبي
الحكومي ( دبي والوصل )
دبي في منطقه ديره والوصل في بردبي
سمعتهم معروفه وفيهم الزين والشين ومثل ما ناس كثيره تمدحهم في ناس بعد تذمهم
طريقة التسجيل فيهم
من خلال الذهاب لاي عيادة في الرعاية الصحيه وفتح ملف هناك ومن خلال العياده يتم تحويل الام الحامل الى المستشفى على حسب منطقه السكن
للمواطنات وزوجات المواطنين ومن دول مجلس التعاون ساكني امارة دبي فقط مجانا اما الوافدين من جميع الجنسيات 5000 درهم للمراجعات اثناء الحمل و 7000 للطبيعي و 9000 للقيصريه وتشمل اقامه في غرفه مشتركه لليلتين والقيصريه اكثر وفي حال تعرض الجنين لاي مضاعفات يتم ادخاله الى العنايه مجانا لانه تم توليده فالمستشفى
عيبهم ما تقدرين تختارين الدكتوره فلا تسالون منو احسن دكتوره
انتي وحظج لان الممرضات هم الي يولدون مو دكتورتج الي اتابعين معاها مثل الخاص
آراء العضوات في المستشفيين
إقتباس:
الرسالة الأصلية كتبت بواسطة MISs Dlo0o
بنات شو رايكم بغرف الفي اي بي اللي في مستشفى دبي ؟؟؟؟
يمدحون غرف ال VIP في مستشفى دبي
بس ما يمدحون العنايه والاهتمام هناك
***************************
الغالية انا اختي ربت هناك وايد زين و اهتمام حرام الي يقولون ما شي اهتمام و احلى شي الأكل والله روعه كان اييبون المينيو و انتي تختارين لليوق و الغدا و العشا و النيرسات وايد حبوبات
*******************************
حبيت اسال عن مستشفى الوصل ….كيف اقدر افتح ملف عندهم … انا من عيمان و في الشهر 5 واول مره احمل و وايد احاتي سالفه المستشفيات هاي …قالولي وايد صعب افتح ملف في الوصل
وحبيت بعد اسال عن اسعارهم ؟
قالو النظام اليديد انهم مايستقبلون غير اهل دبي واهل الشارجه وعيمان بيحولونهم على مستشفى دبي ..
*******************************
اختيه على حسب … تقدرين تفتحين ملف عندهم
انتي قد سرتي عالجتي فعيادات دبي مثلا طوار او القصيص ، يعني لازم يكون عندج ملف فالعياده
اذا كان ملفج في طوار انسي ,, مستحيل يحولونج على الوصل .. عاادي بيحولونج من العياده بس في مستشفى الوصل ما بيطيعون يعطونج موعد .. و بيحولونج ع مستشفى دبي
اما اذا عندج ملف فالقصيص .. دايركت بيحولونج على الوصل .. اول شي تدخلين على دكتور عام و خلاف يعطونج التحويله و طبعا اوراق التحاليل .. بس التحاليل تسوينها في العياده عندهم
بعد ما يعطونج موعد في مستشفى الوصل تتصلين عيادة القصيص وتطلبين المختبر و تخبرينهم متى موعدج وبيعطونج تاريخ حق التحاليل وخلاف تتصلين مستشفى الوصل وتاخذين موعد حق السونار
واذا ما عندج ملف من الاساس ،، اتصلي عيادة القصيص وخبريهم انج تين تفتحين ملف عندهم وتخبريهم عن الاجراءات حق فتح الملف
واذا فتحتي الملف بتكون الاجراءات مثل ما شرحت لج فووق ^_^
________________________________________
المستشفيات الخاصه
المستشفى الدولي الحديث يقع في منطقة المنخول
******************************
اليوم اتصلت على المستشفى الدولي الحديث اسأل عن اسعار الولادة عندهم قالولي الولادة الطبيعية 10000 بدون ابرة الظهر
والقيصرية 20000 شامل التخدير طبعا لثلاث أيام
وهذا السعر غير شامل معاينة البيبي يعني معاينة البيبي له سعر ثاني
________________________________________
مستشفى ويلكير
في منطقه القرهود
إقتباس:
الرسالة الأصلية كتبت بواسطة maithany_S
بناات بلييز شو رايكم في ويلكير ؟؟؟ عند دكتورة متيلفا؟؟؟؟؟؟؟؟؟
مافي احسن من ويليكير شوو اهتمام شو رعايه واااايد ممتازة خدمتهم
*******************************
الرسالة الأصلية كتبت بواسطة مستانسة
بنااااات ساعدوني شووووو رايكم بمستشفى وليكير عند الدكتورة كفاح العراقية ……………وشووو رايكم بمركز الانجاب في الشارقة لان الدكتورة عفاف حلمي تولد هناك
الغالية انا ولدت عند الدكتووورة كفاح
وهي اكثر من ممتازة استشارية وحبوبة وجدا حنونة و صبورة وقت الولادة
تحسينها عارفة شغلها وخياطتها نظيفة وما تحسين فيها وترصج رص ^_*
والمستشفى وايد اوكى والنيرسات حبوبات ويهتمون فالبيبي عددل ويريحونج
يعطونج مشد لبعد الولادة وتيج مدربة تعلمج حركات تشد البطن فيه وايد مميزات نسيت احين كملت سنة من ربيت
________________________________________
مستشفى ميدكير
في منطقه الصفا
انا الحمدلله من عشر ايام ربيت في ميدكير اللي في الصفا فدبي ..
من قبل كنت اراجع عندهم استشاريتي الدكتورة وفا سليمان ..
والحمدلله وايد وايد وايد ارتحت … من ناحية الدكاترة والممرضات …
************************************
ربيت بالأربعاء وكنت بترخص بالجمعه بس النونو صار فيه حرارة ورقدوه في العناية .. وترخصنا بالأحد ..
طلع الباكيج ب 9500 … على الضمان … وبس دفعنا 500 اضن حق تحاليل دم …
والغرف الخاصة العادية زينة ووسيعه … وشي عندهم غرف رويال وفي اي بي ..
**************************************
الميد كير ….الغرفه العاديه ب10000 بدون الادويه والبيبي
الفي اي بي ب 14000 والرويال ب 16000 والفرق بين الغرفتين البلكونه ومن تدخلين حق الولاده يحسبون عليج يعني لج 48 ساعه واذا تبين يوم زياده اليوم ب 4000
***************************************
انا سالت في الميدكير وقالولي انه الغرفه مع الدكتوره والبيبي ب 12000درهم
هذا اذا طبيعي
اما القيصيريه ب22000درهم وشوي مع الغرفه والدكتوره والبيبي
وانا دكتورتي وفاء وهذا السعر على حسب دكتورتج
******************************
هذي الغرفه العاديه ….بس وايد ضيجه الغرفه اذا ما شفتيها انصحج تشوفينها خاصه اذا ايونج وايد ضيوف…
واذا ولد التطهير ب 1200 واذا تبين ابره الظهر 1500
**************************************
بنات انا اراجع في ميدكير عند لوثرا
بس انا اشوف اسعارهم من النت للباكج
Health Packages : Maternity Package
Medcare Normal Delivery Package (M.D.P)
Duration: 2 days stay
Royal Suite: AED 16,500
VIP Suite: AED 14,500
One Bed Suite: AED 8,500
Twin Sharing Room: AED 7,500
Medcare Caesarean Package (M.C.P)
Duration: 4 days stay
Royal Suite: AED 32,500
VIP Suite: AED 28,500
One Bed Suite: AED 16,000
Twin Sharing Room: AED 14,000
بس عن الدكتوره بصراحه عندي تعليق عليها انا صح مرتاحه لها بس يوم قلت لها اني فتحت في الوصل ملف احتشرت عليه اونه انتي بتولدين عندي ولا عندهم قلت لها اني بولد عندها بس هذاك للطوارئ وغير هذا الموضوع بعد نفس الشي عن فحص من الفحوصات سويته هناك في العياده العاديه زين ماكلتني ماعيبني رد فعلها بصراحه
غير هذا انا طلع عندي التهاب بول يوم فحصت في الحكومه وهم عندهم مول ماطرولي اي شي تخيلي بصراحه انا خفت انهم مب اكيدين في الفحوصات ؟؟!!
وانا خبرتها عن النتيجه قالت انزين خذتي دوا قلت لها عطتني مضاد قالت عيل هاتيلي التقرير مال الزراعة
************************************
للاخوات اللي يسالن عن مستشفى
ميــــــــــــــــــــدكير
كانت ولادتي الثانيه فيه عند دكتورة لـــــــــــــــــــــــــــــــــــــــــــــــــ ــــــــــــوثرا ممتازه وخبره لكنها عصبيه شوي
يعني اللي ما يسمع كلامها ممكن يحصله هزبه خخخخخخخخخخخخخخخخخخخ بس كخبره تعتبر الافضل في المستشفى وهيه كانت في ولكير قبل ……
الولاده كلفتني 25 الف لحد يسالني عن التامين لاني ما عندي خبره انا دافعه روحي ….اعتبرو ولادتي مش طبيعيه لانه البيبي ما تحرك فسحبوه وعطوني طلق صناعي وما فاد قبل طبعا الغرفه كانت في اي بي رائعه اعتبرها من احسن الغرف اللي شفتها حتى احسن عن الستي هوسبتال اللي طايرين فيه الناس حاليا
وكان معايه اربع نيرسات في الولاده حنونات وطيبات وووايد ريحوني صراحه وبعد دكتوره مصريه بس ناسيه اسمها كانت ويايه لانه لوثرا ما اتم اتسير وترد لين وقت الولاده
*********************************
خواتي اللي يسألن عن ميدكير
مرت أخوي ربت عندهم ،، عند دكتورة وفاء العراقية
صراحة هي ما كانت مسويه بطاقة تأمين وربت توأم أولاد بعملية
وتمت يومين ونهار الثالث طلعت من المستشفى
و البيبيهات حطوهم في غرفة الملاحظة عشان تنفسهم كان سريع شويه
خذوا عنا أربعين ألف
بس مثل ما قلتلكم ( ما كانت مسويه تأمين )
________________________________________
المستشفى الامريكي
الأمريكي ممتاز للولادة عن تجربة أما بالنسبة للأسعار فالباكيج للولادة الطبيعية بحوالي 10000درهم شاملة النوم لمدة ليلتين أما الولادة القيصرية فحوالي 20000 درهم و إليك الرابط لمزيد من التفاصيل:
________________________________________
المستشفى الكندي
يقع في منطقة ابوهيل
*************************************
انا ولدت بمستشفى الكندي التخصصي فرع بوهيل فدبي عند الدكتوره زينب
والصارحه قمه على قمه من كل شي
فالوصل كانوا بيسوون لي عمليه عسب السكر والضغط بس هي قالت بولدج طبيعي ع مسؤليتها والحمدلله تسهلت والكل مستغرب كيف ولدت طبيعي
تميت يوم فالعنايه لان الضغط سوالي بداية تسمم حمل عسب جذيه ولدت قبل موعدي بس صدق العنايه المركزه عندهم غير وايد يهتمون بالمريض وولدي نفس الشي والحمدلله طلعنا منها ثاني يوم
والمراجعات كلها كانت عندهم لان فالوصل وايد اهملوني ولا كاني عندي كل هالمشاكل خص ان السكر اثر ع ولدي وما كان يكبر في بطني فحسيت بالفرق بينهم وبين الوصل وطنشت الوصل وكملت عندهم والزيارات مفتوحه لين الصبح كان ريلي يخلص دوامه ويجي الساعه 3 الفجر ويبات عندي لما تروح امي
كانوا كل ساع يعقمون لي الخياطه بالميبو والبيتادين والحمدلله الخياطه فنانه مول مو مبينه
والممرضات حبوبات والاداره بعد نفس الشي تميت عندهم 4 ايام لين ما تطمنوا اني اوكي موب شرات الحكومي سيده يروغون الحرمه ثاني يوم اذا مربيه طبيعي
الولاده عندهم طبيعي مع اقامة ليلتين ب 8500
القيصريه ما عندي فكره
نسيت اقول ان الدكتوره واغلب الممرضات ودكتور العنايه مال الاطفال كانوا يشتغلون فالوصل
ترا اغلب الدكاتره الزينين طلعوا من الحكومي
بس انا تميت فالعنايه وولدي نفس الشي فاتورتي طلعت 17 الف وولدي 7500 بس صحتنا اهم من فلوس الدنيا وادفع اكثر ولا اولد بعمليه
****************************************
تجربتي كانت في مستشفى الكندي التخصصي بس دكتورتي نوال العباسي
كنت اراجع عندها شهريا
ما سرت الوصل الا مرتين بس افتح ملف
كنت مربية قيصرية كلفني أنا والبيبي 20 الف تقريبا
بس لان الدكتورة سوتلي عمليتين 2 ان 1 حصلت كيس فالمبيض وقت العملية وطلعتة بالمرة
________________________________________
مستشفى بلهول
يقع في ديره
بخصوص مستشفى بالهول والدكتوره نهله وااااااااااااااايد يمدحونها ويمدحون المستشفى
الغلا انا بعد اراجع عند الدكتوره نهله وهي مولده اختي وحرمة اخوي ويمدحونها وايد بس هي ولدتهم في دبي الدولي
ياليت حد يخبرنا عن مستشفى بالهول وغرفهم وعنايتهم
وبخصوص السعر سالت الدكتوره قالت ب 9000
4000 حق الدكتوره و5000 حق المستشفى
*********************
الرسالة الأصلية كتبت بواسطة UAQ_LADY
اللي في ديره الغاليه وماعرف اتوقع مب شامل الغرف
الغاليه بس حبيت افيدج اتصلت فبالهول وسالتهم قالوا الولاده الطبيعه ب 9000 درهم شامله يومين لغرفه خاصه..والقيصريه ب 14000 شامله 4 ايام لغرفه خاصه
________________________________________
مستشفى ان ام سي
يقع في منطقه القصيص
الرسالة الأصلية كتبت بواسطة UMM ALI
بنات انا اراجع في مستشفى ان ام سي اللي ورا صحارى عند الدكتوره برفيينا اللي عندها خلفية عن هالمستشفى والدكتوره اتخبرني لاني مترددة وايد ما اعرف وين اربي
صراحه خدمتهم ممتازه والمموضات ما شي احسن عنهم …مرت اخوي من شهر ربت عنهم بس ما شاء الله الممرضات ع راسها وايد زينين ودكتورتها وايد زينه بس ما اذكر اسها…بالنسبه للسعر طلع 19000 لان الولاده قيصريه + الغرفه اللي كانت فيها VVIP
لان هم عنده 3 انواع من الغرف …
الاولى …الغرفه العاديه …الثانيه …VIP ….الثالثه …VVIP
الرسالة الأصلية كتبت بواسطة koko222
انا محتارة بعد اولد عند برافينا في ان ا م سي دبي والا عند ندى حمزة وهي تولد في ان ا م سي بعد. ارجوكم لاتبخلون بالتجارب
خواتي اللي تراجع في ان ام سي بذكركم بشغله مهمه
انه في العياده دكتورتين تتشابه أساميهم بالضبط وحده شاطره والثانيه ماتودي وأول مره كنت سايره عن برافينا من الزحمه عندها ولازم مواعيد استهبلوا عليي وغافلوني على الدكتورة بابيتا
ويوم خبرتهم قالوا انه اتلخبط عليهم الاسم عقب قالوا لي زحمه عندها ولازم موعد
عقب سألت وأتأكد انهم دكتورتين تشابه في الأسامي بس إختلاف بالخبره واتأكدوا قبل من الدكتورة
*****************************
أنا في بجري ربيت في NMC في القصيص وخذت غرفة في اي بي الحمدلله غرفة عودة وزينة وعندهم بعض في في اي بي والغرفة وااااايد عودة…..
فهالحمل بعد اراجع عند دكتورة برافينا زينة وشاطرة بعد الحمدلله مرتاحة وياها…
********************************
سرت ان ام اسي اسال عن الاسعار والدكاتره وقالت لي الفلبينيه الطبيعي 7000 والقيصري 13 الف وبصراحه ارتحت للمستشفى بشكل عام بس انااراجع عند دكتوره نهله اللي تولد في بلهول الدكتوره نهله تولد في بلهول الطبيعي ب10 والقيصريه ب18
*********************************
أنا رحت مستشفى ان أم سي وقالوا الولاده الطبيعيه 7000 وألقيصري أظن تبدأ من 13 ألف وشفت الغرف عندهم الغرفه العاديه تشمل مع 7 آلاف فيه شبريتين واحد حق الأم والثاني حق المرافق والغرفه لابس بها وألفي أي بي الليله ع 2500 درهم وغرفة حلوه ومرتبه ونظيفه وفي بعد ألفي في أي بي تشبه ألفي أي بي بس أكبر وارتب والليله على 3500
________________________________________
الحكومي
إقتباس:
الرسالة الأصلية كتبت بواسطة fatita6
بنات شو رايكم في مستشفى القاسمي بالشارجه
انا ربيت بالقاسمي 22/1/2008
ولدتني الدكتوره ( شهوب ) عراااقيه + الدكتوره ( غزاله ) باكستانيه
بس تعااامل ((((( بعض )))))) النيرسااات ماعيبني ،،~
الرسالة الأصلية كتبت بواسطة ونة العود
حد جرب الولاااااااااده فالقاسمي ؟؟
عكثر اللي اسمعه عنهم بس يمدحووونه فالولاده واهتمامهم بالام والبيبي وااااايد ..
دخيلكم اللي مجربه الولاده فيه تخبرني لاني فالسابع ولين الحين مافتحت ملف كل حد يشور علي بمكان
حرمة اخويه و خالتي ولدن فالقاسمي ،، بصراحه ما عليهم غبار
كل حد يمدح ولادتهم .. النيرسات يصبرن علييج مب على طوول يلله عمليه .. و حنونات ما يصرخن علييج
بس انا سمعت انه اذا وقت ولادتج كان في زحمه عندهم .. عادي يولدونج ماادري وين انا سمعت انه في ممرات قسم الولاده … يعني مش في غرفة الولاده
وحده من اهل ريلي ولدوها فالممر لنه واايد زحمه عندهم
الخاص
أسعار مستشفى الزهراء حتى الساعة الاخيرة 31/12/2008م
هي كالتالي:
( بدون علاج خلال فترة الحمل )
– ليلة: بين 6500 درهم إلى 7000 درهم
– ليلتين: من 9000 إلى 10.000 درهم
– 3 ليالي: 12.000 درهم
( مع العلاج والمتابعة أثناء فترة الحمل )
– ليلة: 9000 درهم
– ليلتين: 10.800 درهم
– 3 ليالي: 12.000 درهم
هذا للولادة الطبيعية
أما السعر للعملية القيصريه فهو:
– ( 4 ليالي ) والسعر يتراوح بين 18.000 و 20.000 درهم
– للمرافق: 150 درهم لكل ليلة ..
******************************
إقتباس:
الرسالة الأصلية كتبت بواسطة ام الحلوين2
بنات من فضلكم هل مستشفى الزهراء من ضمن المستشفيات إلي تتعامل مع الضمان الصحي ثقه
لا، للأسف
إقتباس:
الرسالة الأصلية كتبت بواسطة كيوت ومن
والي عندها بطاقه تامين تتدفع للغرف ولا غير شامل
يعتمد على نوع البطاقة اللي عندج..
هن كلهن ضمان : ( ثقه )
بس في نصهن مكتوب عليهن public AD يعني بس في ابوظبي ..
وللأسف ما تنفع في الإمارات الثانيه ..
وشي بطاقات غير ..
كاتبين فيهن كل شي ..
( بتحصلين هالسطر مكتوب في البطاقة تحت على اليمين )
مكتوب ..
يشمل: العيادات، والغرف الخاصة و ……. و ………. الخ …
^
^
^
انتي تقصدين تأمين من الدوام !
يعني شرات اللي في اتصالات و ….. و ……..؟!
هيه هذي تمشي ..
وتشمل الغرف ..
إقتباس:
الرسالة الأصلية كتبت بواسطة Moon!
ممكن معلوماتكم حول…………..!!!
مستشفى الزهراء الشارجه..
افضل دكتوره؟؟ تقريبا كل الدكاتره فنانات وشاطرات (انا اخترت د0 اميره ) وايد ارتحت لها وتصبر عليج وخياطتها ممتازه
الاسعاااار؟؟ ما ادري ريلي نسى بس على ما اعتقد ب 13 الف ( الولاده الطبيعيه )
الغرفه؟؟ الغرف العاديه شويه صغيره بس عادي انا اهم شي عندي النظافه والتعامل والخدمه وانصح كل حامل اتسير هالمستشفى لان وايد اوكي والحين انا حامل وبربي بعد عندهم باذن الله
انا ربيت فالزهرا قيصرية، وكلفتنيه العملية والغرفة في اي بي لمدة اربعة ايام تقريبا 28000 درهم، سوولي خصم 4000 بدون ما اقولهم، اهتمامهم كان وااايد ممتاز فيني وفالبيبي…
إقتباس:
الرسالة الأصلية كتبت بواسطة باربي الإمارات
السلام عليكم…انا قررت افتح ملفي فالزهراء ان شاءالله..انا بدش الخامس وابغي بس ولادة وغرفة عندهم بدون مراجعة يصير؟ وحدة من اهلي مدحوا اميرة المصرية و2 بعد وافكر احجز عندها فياريت اللي مجرب لايبخلوا والله يسهل على الجميع ويرزق المحرومات يارب
أنا ولدت عند أميرة ما شاء الله عليها ممتازة وتراعي الحرمة اللي بتربي وايدها خفيفة وهي صبورة الحمد لله الله يسر لي دكتورة شاطرة فاحجزي عندها وانت مطمئنة والله يسرلك
**********************************
انا في حملي الاول ربيت في مستشفى الزهراء عند دكتوره اميره
ما شاء الله عليها فنانه وطيوبه وتعاملها وايد حلو وخياطتها وايد نظيفه وحتى في المواعيد اذا كان عندج استفسار اتجاوب عليه بالتفصيل بس اذا كل شي طبيعي تخلصج بسرعه لان وايد زحمه عندها
تعامل الممرضات زين والغرف نظيفه والاسعار تلقونها في موقعهم
*********************************
السلام عليكم
الحمدلله انا ربيت في الزهرا عند الدكتوره تفيسه ووايد حنونه وصبوره
وماشا الله معاملة الممرضات روعه
وكلفني تقريبا ۷وشوي هذي عاده سنة ۲۰۰۹
******************************
انا بصراحه ربيت ابولدى الاول فزليخه بس معاملتهم مب شئ ولا يهتمون؟والثانى بالزهرا بصراحه يهتمون فيج وبالياهل .
*******************************
مستشفى زليخة فالشارجة الطبيعي 3000 و القيصري 8000 بس طبعا بيكون في زيادة حوالي 2000 لأنه الغرف صغيرة فعشان تاخذين ال deluxe or vip لازم تدفعين زيادة
وانا بربي هناك عند دكتورة اسمها بيتي شاطرة ماشاءالله
________________________________________
تعرفون شي عن المستشفى الملكي فالشارجه
انا سألت كم وحدة من اهلنا مربين قبل شهرين تقريبا في الملكي
ومدحولي اياه
وانا الحين بديت مراجعاتي عندهم
*******************************
الصراحة المستشفى الملكي اللي الشارجة يقولون وايد اوكي ربيعتي ربت هناك وبنت عمتي ويقولون وايد زين
انا بقولج اللي سمعته عن المستشفى الملكي..
بصراحة كل حد ما مدحلي وقالولي ان الزهراء احسن بوايد..
مستشفيات عجمان
انا ربيت في جي ام سي بس ما ارتحت فيه للامانة هم كويسين بس ما ارتحت للمكان
اسعارهم 2500 مع غرفة خاصة لمده يوم ( ولاده طبيعية )
الرسالة الأصلية كتبت بواسطة حبي w
بنات شو اسعار مستشفى جي ام سي عيمان حاليااااااااااا؟
حد يرد علي بللللللللليز لان ما بقى ع ولادتي الا شهرين… وابا ارتب اموري….
يوم الخميس اللي طاف اتصلت على المستشفى وسألتهم قالولي ان الولاده الطبيعية 3000 والقيصرية 7000*******************************
انا ربيت مرتين فالكورنيش بس الحين ابدا ما يمدحونه واايد قضايا ومشاكل بسبب الاداره اليديده..
هالمره انا ناويه اربي فالنور اليديد..ومن اول حملي اراجع عندهم..ومن اسبوع خذت موعد عشان اشوف غرف الفي اي بي والرويال عندهم على انهم ما فتحوهن رسمي بس فيه شيخات ربن وخذن الرويال..وسرنا انا وريلي وشفنا الفي اي بي بس انصدمت انه وااايد صغير واحنا ماشالله هلنا وااايد وهو عباره عن غرفتين صغار..وعقب سرنا شفنا الرويال واااااااايد عود كأنج في شقه بس ماكان مرتب لان كانت وحده من الشيخات توها طالعه وكانو يشلون اثاثها لانها شلت اثاث المستشفى…
والجناح الملكي عباره عن:
*غرفة المربي:ارضيه خشب وكبيره مع طقم كراسي وفيها باب يوديج على غرفه ثانيه الي هيه غرفة النيرس والدكتوره والنيرس اتكون مسؤله عن البيبي من تدخلين المستشفى لين ما تطلعين..
*غرفة المرافق: فيها سراير او انتي تطلبين شو اتحطين فيها وكم سرير تبين..
*مطبخ صغير
*مجلس حريم: ارضيه خشب وكبييير ووااايد حلو..
*مجلس رجال: حجم عادي
*مجلس ثالث: كيفج اتسوين فيه الي تبينه مثلا غرفه طعام والا بوفيه والا اي شي..
والمميز في هذا كله لج بوابه خاصه ولفت او اصانصير وباركينج كامل عند المستشفى مكتوب عليه مواقف الجناح الملكي..
ريلي اتخبل عالجناح الملكي وحجز بس انا اشوفه واااايد كبير وهو يقولي ماشي حل ثاني..
الصدمه الي مبالغ فيه الاسعار:
سعر الفي اي بي = 5800 درهم..والضمان ما يغطي الا 1500 سعر الغرفه العاديه..
سعر الرويال = 18 الف و 500 بعد لووول…وبعد الضمان ما يغطي الا 1500 وهم يسوون خصم 10 او 15%…
****************************************
المشاركة الأصلية كتبت بواسطة * نور الهدى * 
المستشفى نظيفة وجيدة
الدكتورة دكتورة ماجدة مريحة وحبوبة وزينة جدا
تذكر الله باستمرار وعمليتها القيصرية ممتازة
عملتلي عملية قيصرية والخيوط مش باينة
والعملية ناجحة بفضل الله عز وجل
عملت حقنة تخدير نصفي من الظهر والحمد لله لم يحصل اعراض جانبيه
بس الدكتور كان رجل للأسف الشديد بس فاهم شغله كويس وايده خفيفة
الممرضات حبوبات وخدومات جدا
ينظفنني وينظفن بنتي باستمرار
وكلما طلبتهن يجوني بسرعة
أخذت غرفة عادية ولم يدفع زوجي مع بطاقة آدنوك إلا 1500 درهم فقط لكل شيء
يعني بدون آدنوك كل شيء قريب 16000 درهم
عملية ومتابعة وغرفة عادية 3 أيام وأدوية وبامبرز وفوط صحية …. الخ
بالنسبة للغرفة ضيقة وليها حمام خصوصي ولا يسع فيها عدد زوار إلا 4 زوار فقط وفيها سرير واحد هو بتاع الام
عيبها الوحيد الزحام عند المراجعة
قريب منها حديقة
للتي عندها أطفال
أو حابة تقعد ترتاح في جو حلو بعد زحمة المستشفىممكن تفتحي ملف من أول زيارة لك لعندهم
************************************
حبيباتي انا اول ولادة لي كانت قيصرية وعند الدكتورة شاه فالكورنيش وكانت اوكيه … بس يوم رحتلها في حملي هذا ****
في حملي الاولي كنت اراجع عند الدكتورة نوال وشاه عشان اتاكد تعرفون اول حمل والواحد يتم يحاتي …
انا وااااااااااايد ارتحت للدكتورة نوال الخالدي .. وقلتلها تولدني هالمرة ووافقت .. المهم هي تولد في مستشفى النور .. وانا توني متصلة اسالهم عن الاسعار اذا عندج ثقة …
اول شي مستشفى النور شارع المطار … عندهم ثلاثة انواع من الغرف النوع الاول غرفة والله يعزكم حمام بس مافيه ميلس ولثلاثة ايام ضمان تدفع كل شي … والنوع الثاني الفي اي بي يكلفج عقب ما ثقة تغطي اللي عليها 4900 درهم فاليوم ويكون فيها ميلس واستقبال … والنوع الثال اللي هو الرويال ب 18000 الف فيالليله بس ما سالتهم لانه واااايد غالي وماخليتهم يكملون ….
المهم انا قررت باذن الله تعالى وتسهيله لي ادعولي الله يسهل علي اني اربي في اللي في شارع خليفة …
السويت عندهم فالليلة ب 2400 لمدة ثلاثة ايام …
***********************************
الرسالة الأصلية كتبت بواسطة ام علووش
وين بنات العين يفيدونه ؟اللي ربت فالنور تخبرنا
انا اختي وربيعتي ولدن فيه وحده قيصري والتانيه طبيعي
مدحوا فيه والخدمه زينه
*************************
ربيعتي ولدت في دار الشفا عند دكتورة سوسن وتمدحها لي وايد وتقولي انها ساعدتها بعد في تقليل مدة الآلام وولدتها بسرعة وفي اهتمام بالمستشفى
************************************
إقتباس:
الرسالة الأصلية كتبت بواسطة * نور الهدى *
ما رأيكن بمستشفى السلامة في أبو ظبي
والدكتورات : ثناء مختار وسوسن محمود ؟
انا جربت الدكتوره ثناء
روحت لها بعد معاناه مع مستشفى الكورنيس عذبونى وبهدلونى وبلاخر كنت تعبانه وهم رافضين يولدونى
انا بولد قيصريه وحددولى موعد اخرر التاسع واقول لهم تعبانه يقولو انتظرى موعدك
اقول لهم الجرح تاعبنى والحمل ضاغط عليه يقولو اذا اتفتح بندخلك تولدى طوارئ وبلاخر خليتهم وروحت لدكتوره ثناء
مشاء الله عليها قبلت حالتى رغم انى رابع مره قيصريه والحاله حرجه
كشفت عليا وقالت يا بنتى الجنين عمره 40 اسبوع ازاى لسه لحد دلوقتى
ووصفت لى 4 ابر واخذتهم وبعدها بيوم ولدت وربى رزقنى بــ عمر حبيبى
وللاسف دخل الحضانه لان الرئه كانت اشتغلت وشرب ماى وهو ببطنى
وتم 3 ايام
وكانت تمر على 3 او 4 مرات بليوم
وللحين اتصل بيها وسأل عنها والرسائل بينا على طول وترد بمنتهى التواضع
الله يوفقها يارب
وكيف مستشفى السلامة من ناحية النظافة والعناية والممرضات والغرف
الله يخليك ردي علي
كويسه الحمدلله
هم بيعتنو بلبيبى وكل شوى يبدلو له ملابسه
ويحملونه ويرضعوه الحليب وكل شي يسونه
وبس تضربى لهم الجرس بيكونو عندك بلحظه وكمان يبدلون لك ملابسك وينظفو السرير ويبدلون الشراشف
وبيوم جانى ضيوف ووياهم اطفال طلبت عاملة النظافه وحت نظفت لى الغرفه
الغرفه فيها سرير وتليفزيون وثلاجه صغيره وحمام وكنبايه و2 درسى لأستقبال الضيوف
وانا بنظير كل شي يهون اذا الدكتوره شاطره
يعنى انا مش مع البنات اللى تدور الغرفه وتقول يبالى سير اشوف الغرف
المهم الدكتوره الشاره والتمريض والله اتذكر ممرضه مصريه هناك محجبه يوم كنت تعبانه طوووول الليل عندى بلغرفه وما تركتنى وابنى دوووم نظيف
الرسالة الأصلية كتبت بواسطة ام علووش
مشكوره حبيبتي اخيرا حد عبرني
انزين والخياطه عندهم زينه؟وانتي ليش تفضلين توام؟
والسموحه منج ثقلت عليج بالاسئله
الله يسلمك عزيزتي
بالنسبه للخياطه بعد زينه ، ما شكوا منها ابد
وبالنسبه لتوام، انا ولدت بابني البكر فيه، شاطرين ، وبجد الممرضات حنونات وقت الولاده اجتمع يمكن ست ممرضات علي مع اني ولادتي ماكان فيها مضاعفات…
غير هيك اذا كان المولود ولد بيعرضوا انهم يعملولك الطهور تاني يوم، ولا غلبه اخد موعد والمواعيد بكل العيادات طويله وبعيده وكل ماكان البيبي اصغر كل ما كان طهوروا اسهل
وكمان مطعوم الطفل الجديد بيعطوه بتوام باول يوم ببلاش، بالنور مايعطوا الا اذا طلبتي ويكلف اعتقد 400 درهم
واخيرا في قسم بتوام عشان تستخرجي شهاده ميلاد…ولا انك تروحي على الطب الوقائي….يعني كل شي موجود بمكان واحد…وانتي تعرفي الحرمه الوالده مالها داعي تطلع باول ايام ولاده عشان تعمل هالحوسه
************************************
الرسالة الأصلية كتبت بواسطة الفجـــــــر
بنااااات بلييز شو عن مستشفى توام بالعين وخاصة الرعاية للولادة القيصرية وجزاكن الله خيرا
هلا اختي
انا والله ما ارتاح غير لتوام عن تجربه بس بولدي 2 ربيت بقيصريه والخياطه كانت بدبابيس ويوم شلوهن عني كان يعور مب نفس المستشفيات الثانيه يسوون باليزر وهذا احسن من الدبابيس
بس عند الولاده الطبيعيه وايد اوكي والتسهيله تراها عند رب العالمين
***************************************
هلا بنات انا بتكلم عن تجربتي في اول ولادة وببجري التووم
وكانت لي بالتوام ويقولون كل وحدة تربي على حظها وعلى حسب الطاقم الطبي
حملي الاول كان طبيعي بتووم وربيت طبيعي وكنت اراجع عند دكتورة ايمان عراقية هالشي الزين الوحيد
كان حلو وزين بالمستشفى بأمانة والله يشهد النظافة اوكي كل شي اوكي
بس الولادات على الحظ احس جي كانن اكثر من 5 ووياهم الدكتورة على ما اذكر ماجدة عراقية بعد وايد زييينة
الدكتورات العراقيات بالتوام روووعة بس احسنهم تعامل وحنية وتذكر لج الله وقت ولادتج وتشجعج
يبت بنت وولد والحمدالله بكامل صحتهم الاخت اللي تقول ختان وشهادة ميلاد هذا شي طبيعي متعودين عليه
في كل مستشفى حكومي وانا ولدي تميت عندهم 3 ايام وما ختنوا له وهو مواطن والتطعيم بعد شي طبيعي اول حقنة من المستشفى في اي مستشفى حكومي وخاص ما فرقت غير انج تدفعين او لا
واهم شي الصحة و النفسية من كل شي ثاني انا ما اقول غير كل وحدة وحظها ويا الولادات
________________________________________
راس الخيمه
مستشفى راس الخميه الخاص الجديد
محد سمع عن مستشفى راس الخيمه الخاص اليديد؟
المستشفى فيه ناس يمدحونه وفي ناس ايذمونه
انا هنتين من اربيعاتي ربن فيه اواايد مدحوه وروحي زرتهم وارتحت للمستشفى .. وناويه اربي هناك ان شاالله
اختي هذا مستشفى العمليات
ما يصبرون على الوحده
على طووول يخوفون الوحده و يقولون لها عمليه
وحده من اهلي قالوا لها عمليه و يوم كانوا يجهزون للعمليات ربت قبلهم هذا اكبر دليل على خريطهم
والله اكثر اللي ربواا هناك كلهم عمليات
بين ال 10 وحده طبيعي
و كل هذا عشان البيزات
موووول ما انصحج تربين فيه
***********************************
انا ربيت فراك مستفشى راس الخيمه و خ1وا عني 7500 درهم طبيعي و الحين انا حامل الشهر ال2 و انشالله بربي عندهم اذا الله راد…وايد ارتحت عندهم بس اختي ما عايبنها بس انا عايبني ورااااااااحه الصراحه وايد اوكي
**************************************
إقتباس:
الرسالة الأصلية كتبت بواسطة مياو_مياو
حد يعرف عن مستشفى راك ولا صقر؟ أي أحسن؟
وكيف معاملتهم .. اذا في دكتوره تنصحوني فيها
وشكرا
اهلين ياقلبى انا ولدت فى صقر والله مره كويسين
وارتحت فيها كتييير وكانت المتابعه فيها كمان
حتى الدكتوره اللى ولدتنى ربى يجزاها كل خييير على صبرها على الناس
ومعاملتها الطيبه وكل اللى فى هالمستشفى
________________________________________
يعطيكِ العافية