مستغربه من اظافري ولا عارفة شو السالفة 2024.

السلام عليكم

مشكلتي فاظافري.. احس كانها مخرقة بخروق صغاااااااار و واااااايد
في البداية كان في كم ظفر والحين بالكل .. وانا مب عارفة شو السبب ..
مع العلم اني ما احطي فيها مناكير ..

قلت يمكن ادل على شي .. مثل نقص الكالسيوم يحطي خطوط بيضه على الظفر .. فيمكن هذا نفس الشي لها مدلول ..

فاللي تعرف شو السبب يالييت اتفيدنا ..

واللي تدخل الموضوع ترفعة للفايدة ..

سيري لدكتور حبيبتي عشان تطمنين ^_^

هلا الغالية ..

أنا من سنتين تقريباً لاحظت اظافري شبه محفرة .. ومت من الخوف اتحريت مرض معدي ولا شي ..

وسرت عند دكتورة جلدية .. وقالتلي هاه نقص حديد … وكان عندي نقص حديد حاد من جيه طلع فظفوري .. وعقب عطوني حديد وخدته وردت ظفوري طبيعية ولله الحمدلله ..

انصحج الغالية تسيرين العيادة من البداية ..

وما تشوفين شر ان شاء الله ..

خوفتوني .. ما كنت اعرف ان هذا بسبب مرض ..
بس يالله بصير جازورا .. كل ما بشوف حديد بكله .. اشكركم عالرد
بس لحظة ..
من وين اييب الحديد .. اقصد شو الاطعمه اللي فيها حديد ؟؟

هلا الغاليه
حتى انا مع الاخت هاي نقص فى الحديد او الكالسيوم

سيري المستشفى احسن يمكن ما يكون نقص حديد

يمكن ما يكون نقص حديد ، أنا حرمة أبوي قالولها من السكري عافانا الله و إياكم
بس سيري اسألي دكتور عشان تطظئني أكثر ، لأن السكري منتشر هالأيام فالبلاد