انا اشتغل و الراتب مب ذاك الزود و لي ربيعات في الدوام .. و السالفة دوم تبدا جي .. نسير الكافتريا عسب نطلب للفطور مثلا و جالكسي و شيبس و جي و يوم نيي نحاسب اخجل و اقول لها خلني هالمرة ادفع عنج على حسابي معزومة و تقول لا ما ابا و انا اقول لا هالمرة على حسابي .. و يكون ححسابها اكثر عن حسابي و بيزاتي على قدهن دوم و احاول دوم اقتصد ما اصرف وايد .. و مع ذلك ادفع عنها و جي
او يوم نطلب اكل من برع و نيي للحساب نفس السيناريو يستوي لين خلاص تعود الاوفيس بوي يي عندي ييب الطلب على مكتبي و ياخذ الفلوس !!
و نيي لليوم الثاني بعد نفس السالفة وياها او ويا وحدة ثانية تتكرر يعني من بنات الشلة و نفس السالفة بعد في الجمعية تحصل و ياي و الله حتى احيان اتسلف فلوس البترول و بيزاتي اصرفهن على هالبنات في الكافتريا او في الجمعية يوم نسر ويا بعض
و قلت لكن الحال على قده يعني مب ذاك الزود و تميت على هالحال لين ما تعودن ربيعاتي دوم ادفع عنهن حتى يراوني شو طلبن و انا اسير احاسب عنهن و الله اني اخجل و يستوي ويهي طماطة من الفشلة و اخجل اكون بوقاحتهن و اقول لهن ادفعن هالمرة
و الله احيان في نفس اليوم الي اكون حاسبت عن نفس البنت اتسلف منها تقريبا نفس المبلغ عسب البترول و ارد لها المبلغ ثاني يوم !!
هالحال يستوي لي يوميا الا الايام الي اتهرب فيها من السيرة للكفتيريا وياهن
نيي للصدمة عاد بالصدفة لو مرة كل اسبوعين وحدة منها دفعت عني او طلبت لي ادفع لها عقب و ما ارضى و اقول لها كل على حسابه و اتم وراها لين ما تاخذ البيزات !! يعني عسب يعرفن اني اابا كل وحدة تدفع بروحها
يعني يا بنت العرب شفتي اني ادفع لج الي طلبتيه لي و ما اقبل اطلب على حسابج و اكلف عليج خلي عندج ذوق و ادفعي الي عليج و خلي عندج دم
تعرفي حالي على قده و تشوفيني اتسلف منج في نفس اليوم تقريبا نفس المبلغ خلي عندج دم !!
ربيعاتي في كل شي و احبهن و ما اتخلى عنهن ذوق و اخلاق و مرح لكن هالسالفة عورت قلبي …
الله يساعدج على ربيعاتج
عزيزتي الحل انكن تسوون شراة ما يسوون أغلب الموظفات
يعني انا يوم كنت اشتغل كمعلمة كنا مسوويين مثل جمعية ندفعها بداية الشهر منها نشتري أغراض للغرفة ومنها حق الفطور اليومي مع اني تصدقين ما كنت أتريق بالمرة بس عادي أدفع
انتي اقترحي عليهن هالاقتراح واذا رفضن خلاص لا تسيرين الكفتيريا خير شر وياهن
والله يرزقج ويغنيج من فضله ويعطيج الين ترضين يارب
الصراحه اختي انتي لازم ما تتصرفين جه ..
يعني صح حلو انه تدفعون لبعض وجه ..
لكني اشوف انج انتي دوم الظحية ..
كل اللي عليج اتسوينه أنه يوم ايي وقت الحساب .. اخري عمرج .. وخليعن يدفعن احسابهن ..
يعني مرات ادفعو كلكم ويا بعض ومرات كل وحده على حدا ..
الين ما يتعودون ..
وانتي حليلج راتبج يالله ع القد ! ..
يعني الصراحه المفروض هم يحسون ع دمهم وو يدفعون الا هي 10 او 20 !
خلج قوية وعادي هاي الدنيا حبيبتي .. اذا صرفتي ع غيرج اليوم باجر بتندمين ..
لانه محد بيفكر اذا انتي محتاية ولا لا .. ؟! ما تدرين شراح يصير ..
وهالشي لو عند الاجانب والله جان ما ظظهروا ولا بيزه من جيبم .. !
والموضوع مافيه فشله ولا شيات دام انه هم جه ويهم لوح !!!
انتي تقوليلهن خلو انا بدفع وهن ما صدقن اكيد بيعتمدن عليج في ها الشي ….
عادي خلي ويهج لوح وقوليلهم انا عاد الحين ما عندي يا دوب يكفوني يا الله كل وحده تدفع عن عمرها قوليلهم بطريقة سوالف وغشمره …عادي ما فيها شي لا تستحين تراهم ما يستحن يخلن الغير يدفع عنهن وانتي عامليهن با المثل واااايد اشوف بنات جذه …
سيري مره ويا الكفتيريا ويبيها على طريقة مزح
قوليلها تراني معزومة على حسابج اليوم واضحكي
يمكن يحسن ، تعرفين نحن شو كنا انسوي نحن فدوامنا
كنا 4 بنات دايما نتريق ويا بعض ف شو نسوي كل اول شهر
نعطي وحده من البنات 100 يعني كم استوا 400 وهال400
انخليها لين اخر الشهر حق الريق ، يعني شوفي كلنا ندفع
ومتساوين ، انتو ترومون اتسون نفس الشي كم وحده منكن
تدفع مبلغ معين (نفس المبلغ) واتخلونه لين اخر الشهر بس
حق الكانتين هذا افضل حل ومحد بيكون دافع اكثر عن الثاني
بس الحين خلاااص .. أقولهن شرايكم كل وحدة تدفع عن عمرهااا ؟؟؟
وخلااص صرنا ندفع عن عمرهاا
سوي جيه وخلاص ما فيها شي