مشكلتي مع ريلي >>بموت من القهر ساااعدوني 2024.

السلام عليكم
خواتي بقولكن القصه وانتن احكمن وقولن لي شو اسوي؟؟
محتاره وايد وايييييييد
…………….
الله يسلمكم انا مالجه وعرسي بعد كم اسبوع …الله يتمم لي ع خير…
المشكله الله يسلمكن صارت قبل يومين من اليوم..
كنت ارمس ريلي ..هوه مهمل وااايد واااايد
رمسته الظهر قالي ما برقد بروح بوظبي باخذ لي اغراض وبودي ربيعي ويايه.. انا استانست لانه دوم يكون راقد قلت يمكن حس بالمسؤليه لان العرس قريب .. طبعا أثاثنا وكل شي امه وابوه اختارو كل شي وهوه ما اختار ولاشي…….
المهم
دقيت له الساعه 10 ونص مارد عليه
دقيت مره ثالثه ورابعه اخر شي رد
الحبيب ظهر توه ناش وماراح السوق ولاشي.. انا عصبت لانه مب حاس بالمسؤليه كل يوم يأجل يأجل لين متى ما ادري….
المهم قلت له غسل ورد اتصل بي
قال انزين
رد اتصل بي
قلت له ليش ما روحت السوق قالي رقدت
قلت له عدلت في قسمنا
ترا يباله نجار.. وكل يووم يأجل يأجل.. قالي لي لا واتخيلو ما باقي شي للعرس… انا عصبت
قلت له متى ان شاءالله بتيب النجار يوم بنعرس قالي هيه..
قلتله يعني عادي عندك تدخل ريال غريب يوم بعرس .. سكت ما قال شي..
المهم
قلت له امك تقول انك ما تركت الدخان <<<تراه يدخنن وهوه قالي انه ودر بس هوه يجذب عليه لان اخويه قالي انه كان مره وياه وهوه دخن .. … وانا قلت لامه انه ما يدخن قالت صح صح ما يدخن عيل منو اللي يخنقنا بريحة الدخان الصراحه انا قفطت.. قالي لا انا ما ادخن
قلت له وامنو يدخن ان شاءالله في الحمام عزكم الله .. صخ ما قال شي
وقالي عقب ربيعي يترياني تحت بنزل له بروح الدوام
قلت اوكي باي
واليوم الثاني ما دق لي
والبارحه دق لي الظهر مره وحده والله شاهد ع هالشي انا مارديت عليه .. لاني مقهوره منه ليش مادق اليوم اللي قبله.. يباني انا اراضيه شوه!!!!
المهم
ولين اليوم مادق ولامره غير البارحه مره وحده ولا طرش مسج .. يعني مب مهتم لزعلي عادي عنده ..
قولو لي شو اسوي انا اباه هوه يراضيني ولو بمسج…
الحين هل اطرش له مسج ولا اطنشه؟؟!!
وامي تسألني يتصل بج وانا اقولها هيه البارحه اتصل الظهر بس ما قلت لها اني ما رمسته..
قالت اليوم قلت لا امي هوه في الدوام اظهر له اعذار يدام امي…
ااه والله محتاره ياليت تساعدوني
بمووت من القهر..

الغاليه الرياييل مب مثلنا

نحنا واااااااايد نهتم و نخلص كل شغلنا قبل الفتره المحدده

ما عليج لا تحرقين دمج بيخلص كل شي ان شاء الله قبل العرس

انتي حاولي تيبينه بأسلوووب حلووووو

ما خليت اسلوب الا ورمسته به لكنه مش مهتم

لا تتصلين …. خليه هو يتصل اصلا الريال يتخبل ع حرمته قبل العرس بفتره … خليه يحس بالمسؤليه تعاليله بأسلوب راقي …. لا تينه بأسلوب الزعل … طنشيه ومرده لج

والله يا اختى الله يعينج والله ما ادري شو اجولج بس الريال ما ينعدل ابدا اذا كان هو ما يساعد نفسه ان شاء الله ينعدل ويتمم عرسكم ع خير
والريال دايما ينظر من الحرمه المصالحه تراهم ما يغلطون ابد
الله يوفقج

شو يعني تبوني اتصل به …
انا ماباه يتعود … اني انا دايما اتنازل له…

انا نصيحتى كل دقيقه دقى له على الشى والماشى وقولى له ولهت عليك وادخلى فى الموضوع راسا ولا تتركينه ابدا على هواه وخلى بالج بالاخص يكون اتصالج بالليل

وربى يوفقج