مشكله قالي الدكتور مالها حل في حد مر بهالمشكله ولقى لها حل 2024.

السلام عليكم ورحمة الله وبركاته… خواتي لو سمحتو عندي مشكله ما لقيت لها حل والمشكله أن ولديه عمره سنتين دايم يحط شى في خشمه يعني في يومه أطلع أكثر من خمس مرات أشياء يمكن تقولون أبالغ بس والله هذا اللي صاير والمشكله مب شي أعرفه وبقدر أمنعه بقولكم الأشياء اللي أطلعها (طعام الزيتون, قطع دياي, فصوص كرستال,حصى صغير,ازرار الملابس,أوراق مجلات أو دفاتر بتصدقون أني مره طلعت عود كبريت ,قطع خيار ,مكسرات ,أحجار سراميك ) ومره دخل حصاه صغيره في خشمه ورحنا المستشفى وما قدرو يطلعونها فقالو روحو اليوم وييبوه باجر على أسلس يسوون له عمليه بعد ما وقع أبوه على العمليه ورحنا البيت وفليل بت أقرا قرآن عليه الأني خفت عليه من البنج لأن مستشفى توام ما يقايس بالبنج زين وبعدين الصبح الساعه 8 يلست ألبسه على أساس نروح المستشفى قمت أخاوش خشمه بالكلينكس لين عطس الولد وطلعت مع أن المستشفى قالو مستحيل تطلع الا بعمليه والحمد لله طلعت وما رحنا المستشفى والحين أرجوكن خواتي اللي عندها حل أو حتى اقتراح لا تبخل علييه جزاكن الله خير

الغالية ديري بالج عليه وحطيه تحت المراقبة او حاولي تخوفينه وتقوليله هذا واواه او قوليله بوديك عند الدكتور يعطيك ابرة الله يحفظه لج يا رب العالمين وما تشوفين شر فيه

لا حول ولا قوه الا بالله هالعاده صدق اتييب المرض حق الام انا ولد اختي كان يخش الكيلنكس في خشمه ويودونه الدكتور كل مره لانه ما يدرون انه خاش شي ويتم تطلع باد سمل من خشمه وحلجه بسبه هالشي بس عقب ودرها بروحه والحين ريال ولد 12 سنه ماشاء الله .

الله يعينج عليه

+
::::

بالفعل ولدج خطير غناتي انا مرة صارت حق ولدي وقلبي انشلع من مكانه لكن من عقبها

بس ما عليه شكله غشيم ومش مفند الشعور بالخوف والعوار

كلميه دوم ليما يفهم عليج عاقبيه بحرمانه من الشغلات اللي يحبها

دوري في كتب التربية كيف العقاب الفعال وجربي عليه ليما ينفع وياه

والله يحفظه لج ان شاءالله

::::
+

لا تحاتين انا بنت عمي كانت نفس حالت ولدج حاولو معاها اهلها تترك هالعاده ما فاد معاها لين كبرت شوي واهي بروحها فهمت ان هالشي غلط

الله يعينج حطيه تحت مراقبتج