انا معرسه من سنه تقريبا..
ابى اسأل عن مصروف الزوجه.. ابيكن تنصحوني لاني حاولت وايد اقنع نفسي اني اطلب مصروف مب رايمه..
ابي اقتنع اما اطلب المصروف او لا واحط حد للحشره الي فراسي. هههههه
القصه..
ريلي زوج مقتدر.. انا موظفه.. ريلي مب مقصر عليه بشي..
بمعني اذا رحنا السوق هو يدفع دايما واذا السينما مطعم اي شي دام اني معاه هو يدفع..
طيب المشكله وووين..
زوجي رجل مشغووول جدا.. من الصبح لليل برا.. طلعاتنا نادره.. السوق معااه نادر جداااااااااااا.. يعني اذا رايحين سينما فسنتر او مطعم ترانا بسنتر ويالله خذي الي فخاطرج والصراحه ما يردني… بس كيف وقته قليل بالطلعه يعني اسير السينما او اتعشي او اتسوق احتاج وقت وهو مشغول يبي يرجع المكتب او تعبان من يوم طويل او ماشي وقت داخلين متأخرين السنتر..
للحينه ماحس اني احتجت شي وايد وماعندي لاني عروس عندي من زهبتي للحينه يديد مانلبس.. بس خلنا من هذا كله..
هو بين فتره وفتره يعطيني بيزات.. بس مب مصروف شهري يعني مرات كل شهرين كل ثلاث شهور..
غالبا مشترياتي عليه وحتي الجمعيه هو يسألني وهو راجع بالليل شو تبين اييب لج بس اتلوم فيه يكون ميت من التعب وان اقول له ابي عصير وحليب وووو..
وبعدين انا ابي مثلا اخذ لي ساعه او ذهب يعني احتاج الاف .. بمووووووووت من الحيى مستحيه مووووت اطلب مادري ليش.. والله العظيم احااااول اقنع نفسي انه عادي من حقي لكن بأخر لحظه اتردد وماطلب اسكت..
امس من سنه تقريبا ما طلبت منه بيزات لشي معين.. مادري كيف تحاملت علي نفسي وقلت له ابي اشتري ذهب.. قال لي كم تبين؟؟ قلت له عادي الي بتعطيني اياه بشتري فيه.. قال لا قول كم تبين وانا ماردج.. احمم كم تتوقعون طلب؟؟؟ ثلاث الاف بس!!!!!!!
الحينه يالدعمه انا والله لو روحي بتوسق من بيزات ماتكفيني ثلاث الاف للذهب.. عنبوه الخاتم اذا ذهب بس مب الماس بحدود الالف.. ومن امس متلومه وويهي معورني لاني طلبت منه والله..
تعبت نفسيتي من الموضوع هذا..
رايكن اطلب مصروف شهري مره وحده او اسكت واشيل الموضوع من بالي بالمره لانه هو مايقصر اذا كنا مع بعض؟؟
ويزكن الله خير …...gif "13 (15)")
..
بس حاولي انج ما تتشرطين وايد .. يعني يعطيج ع حسب مقدرته وحالته المادية..
انتي قولي أبا مصروف وهو يحدد كم .. وعلى حسب مصروفج تحددون شو اللي عليج وشو اللي عليه
حتى لو هو ياخذ لج اللي تبينه، بس بعد أحيانا الوحدة تبا يكون عندها شي خاص فيها تتصرف فيه على راحتها، تصرفه ولا تيمعه بدون ما احد يحاسبها *_*
صح السالفة تفشل شوي خخخخ انج تطلبين..
بس يوم تفكرين فيها، تراه حقج مب شي غلط >.<
لمتــى؟؟؟
انا بالعكس ايام الملجه كنت استحي آخذ منه هو يعطيني وانا اقول مابا بس بعد ما تزوجنا بروحي اطلب منه اذا هو نسى او تأخر بس فديته ما ينسى .. يعطيني .. انا من النوع اللي وايد اصرف.. يعني يحط لي احتياط عنده
فلا تترددين ابد هذا ريلج
انا مدرسة وعندي راتب وما اطلب من ريلي شي بس اذا محتاجة اطلب
على كل حال لو تبين منه راتب اطلبي منه وباين انه ريلج من خلال كلامج ما بيردج
والله يسعدج