المشكلة بختصار أعاني من ترهل بالزراعين …والسبب إني ضعفت 30 كيلو ..بالبداية كنت منتظمة بالرياضة وبعدين كسلت وصرت عيازة بشكل ومستمرة بالدايت من غير رياضة ….والحين تعبانة من الترهل ..سرت عيادة كوزمسيرج عشان أسوي حل لها الترهل قالولي:
الحل الجراحة من كوعي للإبط..وبيتم شكل العملية واضح مثل القيصرية .gif "12 (46)")
لا وبعد يمكن الترهل مايروح 100% ..ويرجع الترهل مرة ثانية لوزاد الوزن ..والمبلغ المطلوب 33ألف درهم …والله ماهمني المبلغ كثر مااعاني من هالترهل ..جسمي حلو بس إيدي مخربة علي …ساعدوني فديتكن …إلي تعرف أي حل ولا عيادة تخوز هالترهل من غير جراحة ..وربي يجزاكم الجنة .
هاذي مشكلتنا كلنا سبحان الله
شوفي عزيزتي .. سمعت مره (الدكتوره سعاد لطفي) تتكلم بهذا الخصوص
وقالت : اذا كان الترهل أكثر من (3 سم) فما فيه حل غير الجراحه
هالكلام صح ..!
أما اذا أقل ففيه وايد تمارين مخصوصه للذراعين .. وايد وايد
لو التزمتي عليها (20) دقيقه كل يوم ولمده لا تقل عن (3) شهور
صدقيني بتلاقين تحسن بشكل جدا ملحووووظ .. بس لازم نصبر شوي على النتايج
أنا كنت متعقده وبشده من هالشيء بس الحمد لله أقتنعت بعد ماحسيت بشوية تحسن
كان مقاس زنودي (15.5) انش والحين الحمد لله (14) انش
وبعدين فيه دكاتره يسون هالعمليه بنصف هالسعر .. لا اله إلا الله
(33) ألف شوووه هاذا الاستغلال .. فيه بمركز ناديه الطبي (دكتور عراقي)
كان يشتغل بمستشفى خليفه ويقولون شاااااطر والله أعلم ويشيل الندب الي بالجروح
وأنا مره كلمته ويقول ممكن يسوي الجرح في الباط بس بدون مايمد الجرح لين الكوع
واذا عشان الندب .. الدكتوره سعاد لطفي عندها تقنية ليزر تخفي ملامح الجرح
بس لازم تتفقين وتنسقين مع الدكاتره وتتأكدين من هالكلام بروحج ومن تجارب البنات
والله أعلم
(( دكتور رجل ))
لأنه يعني من وجهة نظري .. ما أروووم أفتي .. العمليه الي مش للضرووووره
ومافيها خطر على حياتي
فلا يجوز أني أتكشف على ريال من أجل بس أجمل نفسي
:: وفي هاذي النقطه بالذات يقول الله تعالى ::
(فاسألوا أهل الذكر ان كنتم لا تعلمون)
جسمي تغير بس مب وزن وحتى ايديني انشدت
بس الحين من زمان ودرت الرياضه لكن ضعفت وايد
الحين عندي نفس هالمشكله
فقبل لا تكون اسوء – رديت اسوي رياضه
وان شالله بتابع مع CD سيندي !! لان رياضتها تشد الجسم
علشان جيه دائما انصح البنات ان مب زين الضعف بسرعة وبدون رياضة