معلمات اللغة الانجليزية في مدارس الحلقة الأولى ادخلوا بليييييز 2024.

في البداية أنا ما بغيت أكتب موضوعي هذا إلا لما انسدت في ويهي الأبواب .. وتدهورت صحتي الجسمية والنفسية
طبعا الحين بعد نزول قرار ال 24 حصة/اسبوع استوينا (كرمكم الله ) مثل البهايم نكرف في المدراس .. 5 حصص ندرس في اليوم .. واذا فضينا حصة أو حصتين .. بعد نقضيها في الشغل و التصحيح ومجابل أولياء الأمور و … و …. و ….. انتوا تعرفون مادتنا يبال تفرغ واهتمام بالوسائل التعليمية و كتب الطالبات اللي لازم تتصحح أول بأول .. ولما نرجع البيت .. طبعا أنا أدرس منهجين .. أيلس من العصر لين عقب العشاء وأنا أحضر و أطبع و أسوي شغل المدرسة .. و ريلي وعيالي ياحليلهم مالهم وقت ..
والله انظلمنا بهذا القرار يا مدرسات .. حرام عليهم اللي مسوينه فينا .. الخريجات ينتظرن الوظيفة ونحن ناخذ شغل معلمتين ..؟؟!! خلهم يوظفون معلمات يداد ما بيخسرون شي .. والله السنة اللي طافت كان نصابي 18 حصة والحمدلله حتى التحضير و التصحيح أخلصهم في المدرسة .. الحين العكس .. يومي من أفتح عيوني الصبح لين ما ارجع اغمضهم على الفراش في الليل كله للمدرسة .. مادري هذا قرار تطفيش ولا شو بالضبط مادري .. أنا أشل كتب طالباتي البيت وأيلس أصحح .. لا .. وأخلي ريلي يصحح وياي شو الحل والله تعبت ..المشكلة ظروف الزمن ما ترحم .. ما يصير أهد شغلي وأقعد بالبيت .. الوحدة تشكر ربها انها عندها وظيفة .. بس اللي صاير الحين يخلي الوحدة صراحة تفكر بالاستقالة .. ولا شرايكن بنات .. شاركوني آرائكم .. ارفعوا شوي من معنوياتي .. أنا مولية محبطة ومضايجة والله آخر شي بتخبل

الله يبعد عنج الاحباط حبيبتي

انا اخس عنج..تعيين يديد..و 24 حصه فاالاسبووع يعني فاليوم 6 حصص ورا بعض وتكون الرابعه بريكنا اتخيلي…وغير عن جيه ادرس 3 مناهج (انجليش رياضياات علوم)وكله بالانقليش

هذي مدارس الغد شو نسوي…

الله يصبرج ويصبرنا يارب

وانا حالي من حالكن
تعين يديد وادرس بس 19 ساعة( انجليش – رياضيات – علوم )وكله بالانجلش طبعا للصف الاول
بس باليوم الي فيه 3 حصص يكون فيه حصة احتياط + اجتماع بعد الدوام ساعة + مناوبة
وعلى فكره يوميا قبل الدوام ساعة دورة انجليزي
وبعد فوق كل ها الخطط الاسبوعية واليومية والشغل الي نسويه نحن ويمدحون الاجانب فيه الي احسهن يايات ياخذن الخبره منا نحن نعلمهم مب هن يعلمنا
والحين مكلفينا بمفكرات واجبات لازم نكتب فيهن الواجبات لكل بنت بالصف وتخيلن عندي 25 طالبه وبيدققون عليهن بعد
من غير تصحيح الكتب والدفاتر وترتيب الكلاس الي كل يوم يخربنه الفراشات ويعقن اغراضي بالزباله وكل ما اكلم الاداره عنهن يتجاهلوني
بس شو نسوي صابرين

على فكره اذا كنتن نفس مجالي وحابات نتعاون بالشغل ترى ماعندي مانع
لاني ابغي توزيع الدرجات بالدفتر الازرق كيف سويتنه او اقسامه

الله يعنكن ويفرج همكن

نفس الحاله .. الله يعين

الله يعنكن ويفرج همكن

السنة اتقاعدت ويلسة البيت وايد رراااااااااااااااااااااحة
اوف ما صدقنا