ملاحــظه في قسم الحياه الزوجيه 2024.

مساء او صبـاح الخير يا حلــوين

بصــراحه , قمت اشك في بعض الموااااضيع اللي تنطــرح في المنتدى !!!!
خاصــه في قسم الحياه الزوجـــيه ………!!!!
يعني في بعض المشــاكل احسها مالها داعي انها تنطرح من الاساس جدام الكل مابي اذكر الموضوع شو , لكن اكثرها تخــص المعــاشره الزوجيــه فهمتــوو صح ..
والله ساعات اشـــك بانه هل مشاركات مب من حريــم اصلا !!!
لانه صدق اللي يقرى الموضوع بيعرف والله و بيحس انه الموضوع فيه شي غلط

الغاليه الموضوع اللي مخالف لقوانين القسم يغلق او يحذف
وكذالك الردود فانحن كامشرفات على القسم نقوم بمراقبه مستمره على المواضيع والردود

اول شي :
بــــــــــل 325 مشاهده و لا وحده تعنت تكتب حتى لو كلمــه وحده !!!؟؟؟
ثانــي شي :
ادري يا مشرفه امـ زايـد انكم مب مقصرين و يعطيكم الف عافيه .
بس انا كان قصدي ( مع احترامي ) السخفاااات اللي تنطرح في القسم هذا , يعني في مواضيع الواحد يشك انه اللي كاتبه مب حـــــــرمه اصلا و في منهن حريم بعد ما انكــر هشــي , بس اتــمنى الرقـــي و جديه شوي في بعض المواضيع اللي تنكتب و تنطـرح في المنتدى .
بنوصــل 2024 م خــلاص خل نرتقــي بطــرح مشاكلنــا الخاصه ( الزوجيـه ) في المنتدى و مممم بــس .

كل شي وارد أختي .. طبعاً ما نقدر نتأكد اذا اللي كاتب حرمة أو رجل أو إذا القصة حقيقية أو لا

كل واحد وضميره !

لهذا السبب في مشرفات في المنتديات
والله يعطيهم العافيه على مجهوداتهم لتحسين وتطوير المنتدى

اختي دلعي غير… انا اشتغلت مع اختصاصيين نفسيين ومستشارين اسريين فترة سنتين تقريبا.. وكان شغلي يصب في نقاش ابرز المشاكل الزوجية… ومعلومة مهمة الكل غافل عنها انه 80 بالمية من حالات الطلاق ومشاكل الزواج سببها المبطن هو عدم الراحة بالعلاقة الجنسية.. وهذا مب انا اللي قلته.. كثير من النفسيين والاسريين قالو هالشي ومعظمهم كان لهم باع طويل بمحاكم الدولة… نحن الحين في سنة 2024 وخلنا نكون واضحين وصريحين ولا حياء بالعلم ولا بالدين… ادخلي المنتديات السعودية وشوفي البنات المتزوجات كيف يرمسن عن حياتهم الزوجية.. وبتعرفين انه نحن عايشين بعالم اخر منمق ومنسق وقاصين على عمارنا.. واكيد نحن مب احسن عن السعوديات.. وكل وحدة بالمنتدى تكتب مشكلتها وتغفل الجانب الجنسي لانه ممنوع ولانها تستحي وبالنهاية هيه مب واعية انه السبب…

وجهة نظري والله يهدي الجميع

عنقــاشه ..
بلعكس كلامج صح خيتي , بس انا ما كان قصدي في العلاقه الجنسيه بين الزوجين بلعكـــٍس ..
قصدت مواضيــع بايخــه و سخيفه و عيب تنحط في المنتدى هني ما اقدر اذكر لج عنــوان المشاركه
بس جد جد سخافه و احسها ابد ما يخصها بلقسم يعني !!!
بس انتي موووول , يبتي لنا الاحباط يا بنت الحلال ههههههههـ
يعني في منا عايشه حلوه و رومنسيه رائعه صدقني في يعني