اخواتي حبيباتي ابي منكم نسوي ملف سهل وسريع الاكلات رمضان او غير رمضان يساعد الاخوات الموظفات والي ماعندهم وقت يطبخون فطوراو سحور او للبنات الكسلانات او العجازات او للجوها ضيوف فجاء نبي نقدمهم يد المساعده اي وحده عندها طبخه سريعه وسهله وحلوه لرمضان من شوربه او مقبلات او سلطات او اطباق الرئيسيه او حلويات تسدحها في هلملف خلونا نخلصه قبل رمضان عشان الكل يستفيد وشكرا
دجاجة مسلوقة ومفتتة
ماجي دجاج
2أو 3بصلات مقطعة ناعم
خس مقطع صغير جدا
مخلل خيار مقطع صغير
طماط مقطع شرايح ناعمة
شوي زيت
ملح
ورق لف السندويش
خبز الحجم اللي صغير تفتحينه بالنص وتقطعينه مثلثات صغيرة يعني الخبزة الوحدة تصير 8 قطع
خلطة الصوص ( اللي بندهن فيه الخبز)
4ملاعق روب + 2 ملعقة طحينة + قطرات عصير ليمون + فص ثوم مهروس
الطريقة :
أول شي نحمر البصل شوي ثم نضيف الدجاج المفتت ونخليه دقايق يتحمر ويا البصل، نضيف مكعبين الماجي ونتم نحرك لحد ما يتغير شوي لون الدجاج ، وتتغير ريحته وطعمه وممكن نعدل الطعم بالملح ،،،
نفرش الخبزة المثلثة وندهنها بالصوص ، وبعدين نحط عليها الدجاج والخيار والطماط والخس (أهم شي ما تكثرين عشان السندويشة تطلع صغيرة وضعيفة ونلفها بورق لف السندويش) ،،،
تصفينهم بصحن التقديم بيكون حجمهم صغير ولذييييييذ ،،،
نصيحة جربوهااااااا ومابتندمون ،،،،
المقادير :
خبز فرنسي تلاقي منه طويل وتلاقي صغار انت اختاري الي تحبينه
جبنه كاسات
فلفل رومي مقطع مكعبات صغيره *
جبنه موزريلا
شوي زعتر*
حبتين ثوم تكفي لخبزه طويله
اصباع زبده 100غرام
بقدوس حسب الرغبه مقطع صغير
الطريقة*
اول شئ تذوبي الزبده وبعد ماتطفي النار وهي ساخنه تحطي الثوم بعد بشره والبقدونس والجبن الكاسات والفلفل الرومي *كمان عشان تختلط النكهات مع بعض*
بعدين تقطعي الخبز بالسكين الخاصه بالخبز*
تقطعينه على شكل مائل او ممكن تخلينها بطولها بس تقطعينها نصين وبعد الطبخ تقطعينه لقطع صغيره
يعني انت وذوقك في التقطيع*
حجم القطعه تكون نحيفه يعني اصباع ونص تقريبا^_^ احسن من العريضه
الان اول شئ ندهن الخبز من الامام بالزبده المخلوطه بالثوم مجرد دهن فقط*
ثاني شي ملعقه من خلطه من الجبنه الكاسات *والفلفل والبقدونس وثوم من الجهه الي فوق فقط
ثالث شئ تحطي جبنه موزريلا وكثري شوي*
وبعدين ترشي شوي زعتر
وتدخلينها الفرن تذوب وتتحمر فقط من فوق*
تقدم ساخنه*
ملاحظه*
ممكن الاستغناء عن الزعتر والبقدونس او استبدالها بالكزبره
سواء خلطها بالزبده او رشها على الوجه
يمكن استخدام جبنه بارميزان بدال الموزريلا او خلطها كلها مع بعض*
ممكن استخدام الخبز الصامولي بدال الفرنسي << لكن مايجي اطعم بصراحه^_^*
المقادير :بطاطس وباذنجان مقطعه مكعبات ومقليات
بصل مفروم و ثوم مهروس
بصل اخضر مفروم .. بقدونس مفروم .. جزر مكعبات وفلفل اخضر رومي مكعبات وكوسه مكعبات
فلفل …. بهارات وكركم و ملح وفلفل اسود واجينموتو
صدور مكعبات مسلوقه
الطريقه:1-نحمس بصل وثوم ونضع فوقها دجاج ونقلبهم ونضع البهارات
2-نضع الجزر والفلفل الرومي والكوسي ونضع مغرفه من مرق دجاج الي سلقناه فيه ونخليه دقيقتين لما يغلي
3-نضع البطاطس والبيذنجان ونقلبه وخليها لما تتسبك وتنضج الخضار
4-نضع البصل الاخضر والبقدونس
5-تقدم مع الارز الابيض
المقادير:كأسين كبار بقدونس وكزبره طازجه
ملح
فلفل اسود
باربيكا
زنجبيل بودره او طازج
كركم
كمون
ثوم
ليمون
خل
زيت زيتون
زيت نباتي
الطريقه:
1-ناخذ الهاون او المدق ونضع الثوم والملح ونهرسها ناعم وبعدها نضيف البقدونس والكزبره ونهرسهم ونضيف بقية التوابل
لو حسيتي انها صعبة الهرس ممكن تضيفين قليل من عصير الليمون وتكملين هرس وممكن تفرمينها بالفرامه
2-سمك هبره كنعد او هامور فيليه نغسله وبعدين تبله بصوص الي هرسناه قبل ثم نغلفهاونتركها في الثلاجه
3-نسوي رز ابيض بشاور مع كشنه
4-نسوي سلطه ولعمل السلطه غسلت ليمونه صفراء بقشرتها وقطعتها لمثلثات صغار ولازم تكون السكين كبيره وحاده حتى لايفقد كميه كبيره من السوائل وهينا اضفت كميه من شرايح البصل الاخضر الطازج وبكذ انتهينا من السلطه
5-نحمي الزيت نجيب قطعه السمك ونضعها في الدقيق للحفاظ علي شكلها وتتبيلتها ثم نقليها من كل الجهتين
6-ثم تقدم مع الارز الابيض والسلطه
حلا وايد سهل وسريع وان شاء الله يعجبكم
كوب طحين جميع الاستعمالات
3ملاعق كبيره جبن سائل مراعي اوغيره
ملعقه صغيره بيكنج باودر
تخلط المقادير مع بعض وتعجن وممكن تضيفين شوية ماي عشان تعجنين عدل اذا احتجتي
وتفريدين العجينه نفس الخبز وتقطعينه باشكال صغيره بالقطاعات وتقلينه وتصبين فوقه شيره نفس اللقيمات
وبالعافيه