السلام عليكم ورحمة الله وبركاته
عساكم بخير داشه عندكم كلي حماس وهمه واراده وهذي اول مره احس
اني مشجعه باللي ابي اسويه ..
يسلم غاليكم بخبركم نبذه عن وزني قبل وبعد الزواج وبعد الولاده للعلم انا عمري 22 ..
وزني سنة 2024 = 63
وزني سنة 2024 = 68
وزني سنة 2024 ( قبل وبعد الولاده ) = 75
وزني حاليا واللي انا عن نفسي مب مصدقتنه لأني صج خفيت من
الاكل وما آكل شرات قبل لا اعرس = 79
بموت من الغصه يوم ربيت يتني دكتوره التغذيه وقالت لي لازم تخفين لين 65
كيلو عشان لو حملتي مره ثانيه ماييج السكري لأن انا ياني بالسابع وقالت لو ماخفيتي
بييج بالحمل الثاني من وقت .. يعني بالشهر الرابع او الثالث السكري روحه ييب الهم
اختي اللي اصغر عني عمرها 19 ماشاء الله رشيقه بنظري بس هي بعدها تحلم ببطن
عارضات الازياء ههههه وتسوي رياضه ماشاء الله وياما قالت لي كرشت
ولادتج مابتروح مني والدرب لازم تمارين شد البطن .. اول امس ( الاحد ) رحت العرس
وشفت ربيعتي مربيه مرتين وبطنها سطاحي وبنت عمها بعد اعرفها درست معاي ومربيه مره
وبطنها سطاحي قلبي عورني على عمري
وسألت شو سوت قالت تمارين انصعقت مول ماتوقعت انهم يسووون رياضه يالله يالله يحصلون
وقت لأنهم ماشاء الله بعدهم يدرسون .. وعيال ماشاء الله ماشاء الله ..
امس رحت محل مانجو وحبيت فساتين ماتناسب الا الرشيقات وبعد قلبي عورني اتضايق من نفسي
شلون اهملت عمري كان عندي سنه و8 شهور عشان اوصل للي ابيه بس خلاص مثل مايقولون لا فات
الفوت ماينفع الصوت .. المهم انا حاليا ما افكر بالرياضه ابداً لأني ابي اييب لغيونتي اخو ولا اخت وهالشي
بيد رب العالمين بنتي بشهر ابريل بتكمل سنتين فأفكر بالياهل الحين بس ابيكم
تساعدوني عشان اخفف من السعرات الحراريه والدهون عشان بطني يتعود على الاكل الخفيف =)
الرياضه راح ابدئها بعد الولاده اذا ربي راد احمل ^^ .. ابيكم تحمسوني فديتكم صج محتايه ألبس اللي بخاطري
لنفسي ولريلي =) ,,
استغفر الله اول مره احط موضوع بهالقسم ماتوقعت جي يكون #_#
ام الظاهر انا ونتي نمر بنفسسس المشكله انا قبل ما احمل باول بيبي كان وزني 54
احينه جوفي الشريط ها بعد مايبت اخر بيبي من5 اشهر وعمليه والله والقيصريه روحها يابتلي كرشه الله لا راواج
عاد بالنسبه للتمارين ماتوقعها تسوي وايد اخوي كان وايد متين عقب ماشالله نقص نص وزنه وصار ممشوق القوام هههه بس الترهلات فظييعه والمدرب بالجيم قاله اللي يشيل الترهلات السباحه او السيكل عاد انتي قوم اسبحي دوريلج اي نهر هههه
انا بشجعج دخلي معانا القروب انا من امس بديت وياهم صج بتشجعين والله
بخبرج ترى وايد بنات يلبسن كروسيه او مشد مب شرط يكون ها بطنهن سطاحي ^^
الحال من بعضه
ليش ما تييبن لج وحدة تسوي رياضة بالبيت
وخفي اكل
والله كريم
بخصوص ربيعتي تراها تسوي تمارين وسيكل والفستان اللي كانو لابسينه شيفون
واسترج من داخل فيبين معالم الجسم وماكانو لابسين مشد ابدا ماشاء الله والله عيني عليهم
بارده صج صج جسمهم روووعه يالله اتمنى من كل قلبي اضعف ^^ ..
اليوم رحت شريت اكل لو فات وشقر فري وان شاء الله اخف لو طشونه =)
التجمعات مابي ألتزم فيهم عشان آخذ راحتي بالتخفيف ^^ ,,
ماشاء الله ماتيلس كل شوي تروح عند يدتها وترد عندي مابتخليني على راحتي وترى الرياضه ماراح
اسويها الا بعد ثاني بيبي عشان اريح =)
المشكلة في الكرش بعد العملية اشلون تروح
ادا فيه تمرينات خاصة بنات فيدوني