السلام عليكم ورحمة الله وبركاته
آسفه عالازعاج بس بغيت استفسر عن شي
ولدي الله يحفظه عمره 2 ونص و يوم يرقد لازم ينش عقبها ب 3 ساعات وبعد يرقد وينش يرضع جنه ولد 8 شهور
مع أنه يتعشى عدل وجي …. والكل يستغرب مني يوم اقولهم ينش عالليل يعني مايرقد رقده وحده للصبح
وانا تعبانه وياه يعني ما ارقد عدل منه 
لـــــــــــــو سمحتوا خواتي شو تسووون لعيالكم عشان ما يقومون ؟؟؟
وربي يوفقكم يارب ويحقق كل ما تتمنونه
الله يحفظه لج حبيبتي انا بكرية وعندي ولدي عمره 11 شهر فديته الله يحفظه لي فما اعرف اذا 2 كيف بيكون رقاده ام شاء الله الخوات يفيدونج
مااعرف الصراحة
للرفع
الله يخليلج الكتكوت ويرزقج بره يارب
وماشاء الله سنه من سن ولدي الله يحفظه والحمد لله بعد مافطمته ينش ويطلب عصير او حليب بس ماعودته ع المرضعه اعطيه حليب فروله او فانيلا المراعي الصغار^^
لان اليهال يحبون جي ويشرب شوي ويرد يرقد ولله الحمد ولازم اطبطب ع ظهره عسب يرقد^___^
وماشاء الله سنه من سن ولدي الله يحفظه والحمد لله بعد مافطمته ينش ويطلب عصير او حليب بس ماعودته ع المرضعه اعطيه حليب فروله او فانيلا المراعي الصغار^^
لان اليهال يحبون جي ويشرب شوي ويرد يرقد ولله الحمد ولازم اطبطب ع ظهره عسب يرقد^___^
ربي يجعل ذريتج من الابرار الصالحين بإذن الله ,,شوفي شيختي اي طفل ماينتظم رقاده الا بـ اكله منتظم وصحي (مش اكل مطاعم ابــدآ) ويكون ريوقه غداه عشاه مجهز قبله بوقت هذا طبعآ لو لا قدر الله كنتي مريضه او اي عائق قوي وتحطين اكله بالثلاجه ويتسخن بحرارة النار الطبيعيه ومش (المايكرويف) مهم جدآ اتباع الصحه في كل شي هذيل اطفال واقل شي يمرضون منه ربي يحفظهم اللهم امين ولازم تدخلين السمج دايمآ في اكله مع الخضار الي على البخار ويحبب الخضار الخضرا وشوفي نتيجتها هيه مع العيش المش مشخول حتى حركة امعاء الطفل تكون طبيعيه وماينقصه في نظامه الغذائي الكامل ,دايمآ خليه يتعود يدخل الحمام كرم الله الموجودين وراقبيه لفتره 3اسابيع مستمره بدون ملل ومثل ماتعرفين اجر الام عظيم لأسباب لاتحصى وتراه في النهايه ظناج عندج الوقت العصر ابــــدآ ماتخلينه ينام خليه يلعب تحت مراقبتج ولما ايي الليل على الساعه 7 ونص او 8 يكون عشاه وعقبها بساعه سبحيه ودهنيه ولبسيه بجامه قطن بيتم يلعب لين ايي وقت نومه حذال السرير خلي قريبج حليب وموش مرضعه لااااا يكون كوب بو مصاص الي مسكر كامل علشان مايدخله الهوا بتشوفينه ينووود وبتلاحظين ساعات النوم بدت تزيد يعني لو رقد على الـ10 او الـ12 بتشوفينه يقوم الصبح على 6 او 8 بس لاتظايقين لو قام وانتي تبين ترقدين نظمي رقادج وياه لنه الطفل مرآة امه ولج اجرج يا اختي وربي معاج في ك شي بإذن الله وكل شي بأجره مايضيع اتمنى اكون فدتج ولو بالشي البسيط ربي يبارك فيج وعليج ولكل الحاظرين اللهم امين.
ماشاء الله اختي انثى تسلمين