وقالت أن الممرضة المسؤولة عن الرضاعة الطبيعية يوم اتربين بتشرحلج أكثر. بغيت أعرف من الي ربن من فترة قريبة قالوا لهم ها الكلام و ليش ؟؟
أنا عندي بنتي عمرها 3 سنين ونص وما قالولي من ها الكلام من قبل وعادي كنت أشربها ماي ويوم اييلها مغص أسويلها يانسون أو أشربها شاي الأعشاب والحمد لله ما أستوابها شيء.
لان في امهات ما شاء الله عليهم من يربون عطوا الياهل خمسين الف شي وعقب يصيحون الياهل الا مريض والا تعبان
وطبيا الاحسن الياهل مايعطونه شي غير الحليب لين 6 شهور ويكون حليب الام
اذا بتعطينه صناعي قالت لي الدكتوره من الشهر 4 تقدرين اتدخلين له الخضره وتبدين تعطينه اكل عالخفيف لان معده الياهل ما تتحمل اكل وايد ..
اما عن الينسون والاعشاب انا عادي كنت اعطي ولدي بس مره فاليوم اول كم شهر
اوناا نحن الامهات اليدد يووم يمرض علينا الياهل ربعنا به المستشفى و دوياات و تقل مناعتة من يووم صغيير
انا بصرااحة اقتنعت بكلامهم لانا حرام صغار و نحن نعطيهم ادوية و تقل مناعتهم و مرضهم يزيد اما الاعشااب عادي تنفع بس ما تضررررر
هذاا رايي و لكم مني احلى تحية
بس انا سوين اكبر طاف كنت اعطيه ماي واعشاب بس ما اكثر عليه بس اذا شغته تعبان من المغص
وكل عيالنا جي نسوي فيهم ما استوى شي الحمدالله
انا ربيت الساعة 8 وربع المسا … تخيلي من الساعة 12 نص الليل لين 6 الصـبح وانا يالسه ارضع بنتي وكل دقيقة اقلبها عالصدر الثاني عل وعسى تشــبع فديتها .. وحليلها من تعب المص كانت ترقد وعقب 5 دقايق ترد تنش وهي تصيح تعبنا انا وامي …
وكل دقيقة ازقر النيرس .. تقولي لازم ترضعينها بيطلع الحليب .. خيرتها عالساعه 6 انجبرت النيرس تيب حليب صناعي ولا وبعد خلووني اوقع اني اتحمل المسؤولية كاملة لو صار شي …..
يعني هم المفرووض يفكرون الام ما ترووم ترضع ونفسيتها تعبانه وغير ضغط الرضاعة …
اسلوبهم غلط ولازم يدورون بديل ثاني احسن ….. وطبعا انا مع الرضاعة الطبيعي وابد ما اشــجع الصناعي .. بس ساعات ننجبر والله …
ومرات اعطيها شاي بابونج الجاهز ..
خخخ فديتها فطامي حقل تجارب ..
بس ع الاقل انا اشوف هالسوالف احسن عن الادويه خص للي توهم مولودين 