نصيحة تتعب الام شوي ويا رضيعها وماتلبسه ( حفاظات ابدا الا عند الخروج من المنزل ) في المنزل تخليه بملابس داخلية واسعة شوي قطنية وتبدله كل مااحتاج الامر وتنظفه لو 100 مرة في اليوم
ويوم بيعرف المسميات وبتشوفينه كم مرة عرف ما لا داعي تلبسن حفاظات حتى في الطلعات لانه بيحبرج يوم بي وقته
وبعدين يوم بتشربينه شيىء بالمساء بعد ساعة خليه يرقد وقبل الرقاد خذيه على بيت الراحة والساعة مابين 12 – 1 انتبهي شوفي متى يسويها بس عرفي الوق واليوم الثاني شليه وهو راقد وديه بيت الراحة ورشي على مكان حاجته ماء شوي شوي مب فجاة توعينه خفيف وتنزلينه وتقولين بابا سوي وذكري اسم الحاجة ورشي الماي بتشوفينه انه يسويها ورديه رقديه وكل يوم على ها الحال بتشوفينه بعدين بروحه بنشج من سريره بيسير بيت الراحة وبيرد كمل رقاده
بعدين مهم يوم تعطيه الرضعه الطبيعية او الصناعية انها تتأمل رضيعها وتمسح على راسه وتكون مبتسمة وسعيدة وهي ترضعه .
يوم يبتدي يحبي تعطيه مجال وحرية وتوفر مكان امن له وتعلمه شوي شوي وهو يحبي انه يقضي حاجته في المكان المخصص وتسمي الأشياء الخارجة منه بمسميات يستطيع ان يتلفضها وهي بعد تحبي ويا لي مايوصل المكان بتسالن كيف عرفين متى بيقضي حاجته انتبهي على شكله بشوفينه يتغير هني احبي وياه للمكان المخصص ويوم يظهر منه سميه الشي الي ظهر وبعدين بتشوينه وهو بعده يحبي بروحه بيوص لمكان قضاء الحاجة بس يبغي حد يساعده
والمشي يوم بتشوفينه بدا يمشي ويوقف ويطيح شجعيه وحطي ريلة على ريولج وامشي طبعا انتي تمشين على وراء وهو يمشي على جدام وانتي قابضة يديه وهذا يساعده ويستانس ولاتسخدمين المشاية ابدا ولا مصاصة وعوديه يستخدم البيب والكاس والملعقة وياكل وياكم طبعا اكله الخاص
وحاولي تلعبين وياه وتقصين عليه القصص وخليه يختار ملابسه ويلبسهن وخلي يرسم ويشخبط عطيه وسائل والوان وخليه على راحته هذا كله حتى يكمل اربع سنين
وتحاوري وياه وخليه يشوف رسوم ومسلسلات خليجية اجتماعية هادفة
واهم شي دايما ترمسين وياه وتسولفين سوالف
وممكن تعلمينه قبل الاربع سنين القرآن والحروف الابجدية العربية والحرف الانجليزية على شكل رسومات او قصص لهذه الحروف مثلا حرف الهمزة نقزت على الألف والوار ركض وراء الميم ونفس الشي بالانجليزي وترسمين عيون وملامح للحروف وكرري وياه وشوفي كيف بيحفظهن
ويوم بتسالين عن حرف معين على طول بتشوفينه اشرلج على الحرف
وعاملية بهدوء وحب وحنان وادب ولاتهزبينه ابدا او تعلين صوتج او تمدين ايدج عليه لو غلط زخيه وقولي له بابا تعال عند مامتك حبيبي انت سويت جذي انا ما احب جذي مام تزعل انت تبغي ماما حبيبتك تزعل ماما الي تحبك وبيفهم عليج ويوم يسوي الشي الزين نفس الشيى وتشكرينه وتمدحينه
وتشجعينه وتفهمينه
ويوم بتاخذينه او بيشوفج حد ياينكم لاتقولين حليلة يستحي لا عامليه عادي وخليه يليس ويسلم واسمحي له يسولف وبعدين بطريقة غير مباشرة طلبي منه وساليه عن لعبه عن شيىء وشوفي كيف بتعامل ويا الكبار بجراءة مؤدبة وبتناقش وياهم ومابنخش وراء امه او ابوه يوم حد بيشوف حد او حد بيسلم عليه ترى اجمل ايام عمر الاطفال من الولادة لي خمس سنين تقريبا او ستة روعة ايامهم حلوة ومنها تبنين الجزء الاكبر من شخصيتهم وعسب جذي بعدي عنه الخدامة ولا حتى تقضي اي حاجة له حتى غسيل يديه اتعبي اول اربع سنين من عمره ترتاحين العمر كله