اشلونكم بنات انا شعري كان يتساقط بدرجه كبيره لدرجه داري كلها شعر تمشين خصل طايحه
قمت اصيح من هالمشكله واتفشل وانا اللي شعري كان يضرب فيه المثل بالكثافه والنعومه والطول جك بم كل هل صفات طارت بالهوا هذا عقب حفله ملجه فليت شعري وكل من تخبل عليه وانا كاشخه فيه ماتميت اسبوع الا وهو يطيح خصل خصل ويخرع وقمت اخاف امشطه يطيح اكثر وقعدت ابجي ونفسيتي صارت زفت وكرهت نفسي وحياتي وكل ماصارت عزيمه ولا مناسبه ارفع شعري ولا اسوي فيه شي
عاد قعدت عند خدامتنا
اشكي لها الحال ولا تقولي حطي دابر املا واجد زين انا عاد اقتنعت قمت طرشتها للبقاله اللي يمنا وجابت لي غرشه 200 ملي
ودقت لي فيه فص ثومه وحطته بقفشه وصبت عل ثوم شويه من الزيت وسخنته عل نار وعقب ردته بالعلبه وقالت استخدميه كل ماتشوفين نفسج فاضيه حطي
وقمت احط منه واستحمل ريحته ولي تسبحت وغسلت شعري بالشامبو اخذ ماي حلبه مطبوخ مصفيته واكته على شعري كله ويصير كله ماي ولما اجي اطلع امسحه بزيت براشوت اللي كاتبين عليه صالح للاكل لان انا طبيعه شعري جاف ومايهبط الا بالكريم ولا يصير كشه وجاف كلش فادهنه بشويه زيت براشوت عقب ماكت عليه ماي الحلبه واطلع انشفه بالفوطه عادي واستشوار هوا واعجفه
كنت احطه بالاسبوع او مرتين بالاسبوع احط دابر املا واعجن سدر وروب واحط ومرات سدر ورب وبيضه وزبده وعسل واحط ومرات بس سدر وزيت
يعني الخميس سدر وزيت الاحد زيت الثلاثاء زيت جذي وكل ماغسلتيه حطي ماي حلبه باخر غسله ومسحه من زيت براشوت
وكل شهرين قصي الاطراف
وشوفو شلون بيطلع لكم شعر بالهبل باذن الله واهم شي اقرو على روحكم
لان العين والله يابنات انا نفسي تعبت منها وتأذيت 
نفسيا
فلا تفكون شعركم عند اي احد مثلي انا قبل خبالي واجد كل ماصارت مناسبه فليته والبنات يرفعونه ويطالعون بعين حاره وبعيونهم الكره الله تكفينا شر عيونهم
وانا الحين تامه عليه شهر واقل وشوي تعدل وانتظر النتايج ادعولي بنات يتسنع شعري ويرجع مثل اول
والله انحرق قلبي عليه
وللامانه حقوق النشر لخدامتنا لوول يعني صج جزاها الله الف خير اللي دلتني على هالطريقه
بااااااااااي
بس الخلطات هذي مب ريحتها قويه