شحـــــــــــالكم ,, إن شاء الله تمممممممممممام
بغيت أعـرف منكـم ,, في فتره الملجـه ,, شو الأشيـاء إلي المفروض اعرفهـأ في الريال قبل الزواج ,,
عطوني تجاربكـم ,, مثلا شي كنتوا تتمنون تعرفينها عن ريلج قبل الزواج
و طبعا نتفاهم على السكن والعيال والشغـل ,, الخ ,, عارفه كل هالشغلات ,, بس عطوني أشياء ثانيه مهمه ,, يمكن اكون قافلـه عنها
علمـا بأن ,, الأهـل قاموا بالواجب واسألوا عن الريال ,, سمعته أوك ويصلي ,,,,, الخ
لكن الأهم بعد الزواج
حاليا سيري مكتبة جرير بتلاقين كتاب إسمه الرجال من المريخ والنساء من الزهره يعلمج تفهمين نفسية الرجل إشتريه وإقرأيه زين ولخصي النقاط المهمه وإقهميها زين
وطبعا الأهم السمع والطاعه له بما يرضي الله والتودد له والإبتسامه بوجهه وغيرها الكثير هذا المختصر
المشاركة الأصلية كتبت بواسطة احب السفر 
ولازم يكون متفاهم وياج
يصلي او لا
نظامه في يومه كيف؟…يسهر يرقد من وقت…
شو الامور اللي يكرهها واللي مايحبها..خاصة في الحريم
رومانسي ولا لا عشان ماتبنين قصور في الاحلام
زين مع اهله وطبعا اولهم امه وابوه
يخلص اشغاله بنفسه ولا معتمد على اهله في كل شي
كريم
ليش قرر يتزوج .. يعني هو يبغي يتزوج أو امه تبغيه يتزوج؟؟!! طبعا لازم يكون هو بنفسه أخذ قرار الزواج..
لازم تعرفين شو تجهيزاته للزواج .. يعني هل أمن لك سكن سواء مستقل او مع اهله بشرط يكون مريح لك .. هل يستطيع ان يصرف عليك ؟؟
وان شاء الله التوفيق من الله …
هلا أختي المزيونة.. والله يزيدج زين وحلاة في عيون ريلج
أختي أحس أهم شي تعرفينه السمات العامة لشخصية ريلج، وهذي بتعرفينها من مكالماته وزياراته
إذا هو هادي.. أو شخصيته انفعالية (سواء بالسلب أو الإيجاب).. إذا هو واقعي .. أو عاطفي.. شخصية جادة ولا مرحة
وبناءً على هذا بتعرفين كيف تتصرفين معاه..
وحاولي أختي ما تقلدينه في سمات شخصيته يعني لا تكونين كوبي بيست منه .. حتى تكون لج شخصيتج المستقلة..
بالعكس هذا اللي يحببه فيج..
ومن استكشافج لشخصيته بتعرفين كيف تفهمينه صح .. وما تسيئين الظنّ فيه..
وإذا ما عرفت أي شي.. اسأليه ترى مب عيب .. وهو بيحس أنج مهتمة تعرفين كل شي عنه وبيستانس منج أكثر
الله يهنيج ويوفقج ويسعدج..
ودعواتج لنا